Embedded Files
کەی پێویستە دەست بە بەکارهێنانی بەرهەمەکانی دژە پیری بکرێت؟
هەندێک کەس کاتێک سەیری بەرهەمەکانی پێست دەکەن، بەکارهێنانی بەرهەمەکانی دژە پیری پشت گوێ دەخەن، چونکە پێیان وایە پێویستیان پێی نییە، لەوانەیە وا بیر بکەنەوە ئەگەر گەنج بیت بۆچی بەرهەمەکانی دژە پیری بەکاربهێنیت، بەڵام لە کاتی دەرکەوتنی نیشانەکانی پێویست دەکات بەرهەمەکانی دژە پیری بەکاربهێنیت، گرنگ نییە لە چی تەمەنێکدا بیت
شارەزایان دەڵێن لە تەمەنی بیست ساڵیدا پێست دەست بە پیربوون دەکات. ئەم گۆڕانکارییە بەشێکە لە پرۆسەی پیربوونی سروشتی، بەڵام زۆرێک لە هۆکارەکانی وەک خوو و ژینگە و هەڵبژاردنی شێوازی ژیان دەتوانن پیربوونی پێست خێراتر و خراپتر بکەن, بۆیە تا زووتر دەست بکەیت بە بەکارهێنانی بەرهەمەکانی دژە پیربوون، ئەگەری تووشبوون بە هێڵی ورد و چرچ و لۆچی و پەڵەی ڕەش لەسەر پێستت کەمتر دەبێتەوە.
: لێرەدا چەند نیشانەیەکی دیاری پیربوون دەخەینەڕوو، کە بریتین لە
دەرکەوتنی هێڵی ورد و چرچی
هەست کردن بە زبری، وشکبوونەوە، یان خورانی پێست
پێستت دەست بە شلبوونەوە دەکات
تێبینی ئەوە دەکەیت پێستت تەنکتر دەبێت
پێستت هەست بە ناسکی و هەستیارتربوون دەکات
پێستت بە ئاسانی شین دەبێتەوە
چۆن پیربوونی پێست خاو بکەمەوە؟
زوو ڕێگای خۆپاراستن دەستپێبکە، ئەمە یەکێکە لە باشترین ڕێگاکان بۆ خاوکردنەوەی پیربوونی پێست. گرتنەبەری هەنگاوی خۆپارێزی لە تەمەنێکی بچووکتردا، وەکوو دەستپێکردن لە تەمەنی ٢٠ ساڵیدا نەک تەمەنی ٣٠ ساڵی.
بەگوێرەی زۆربەی سەرچاوەکان زۆربەی هۆکارەکانی پیر بوونی پێست پەیوەندییان بە بەرکەوتنی تیشکی خۆرەوە هەیە، بۆیە خۆپارێزی لە زیانەکانی خۆر زۆر گرنگە.
بەرکەوتنی خۆر کاریگەرییەکی بەرچاوی لەسەر تەندروستی پێست هەیە
هەر جارێک کە دەچیتە دەرەوە، دژەخۆرێکی باش بەکاربهێنە، تەنانەت لە ڕۆژانی ساردتر و لە وەرزی زستانیشدا. بێگومان خۆراکی باش و خواردنەوەی ئاوی زۆریش یارمەتیدەرە بۆ تەندروست و شێدارکردنی پێست.
هەروەها ئەنجامدانی گۆڕانکاری لە شێوازی ژیاندا ستراتیجییەکی کاریگەرە بۆ ئەوەی پێستت گەنج و تەندروست دەربکەوێت. تەندروستی هارڤارد پێشنیاری ئەوە دەکات کە کاتەکانی حەمامکردنت کورت بکەیتەوە چونکە زۆر تەڕکردنی پێستت شێداری دەبات، هەروەها ئاوی گەرم دەبێتە هۆی کەمکردنەوەی زەیتی سروشتی پێست.
لە وەرزی سەرمادا هەوای ناو ماڵەکەت بە شێداری بهێڵەرەوە بە یارمەتی شێدارکەرەوەیەک. ئەگەر جگەرە دەکێشیت، وازی لێ بێنە. جگەرەکێشان سوڕی خوێن کەمدەکاتەوە و دەبێتە هۆی چرچبوونی پێست.
لە کۆتاییدا هەموو ڕۆژێک شێدارکەرەوە بەکاربهێنە. زۆرێک لە بەرهەمەکانی دژە پیربوون پێکهاتەی شێدارکەرەوەیان تێدایە بۆ ئەوەی پێست چەور و شێدار و تەندروست بمێنێتەوە، ئەمەش وایکردووە زیادکردنێکی زۆر باش بن بۆ گرنگیدانی ڕۆژانەی پێست.
هەروەها تا زووتر دەست بکەیت بە گرنگیدان بە پێستت، لە ماوەی درێژخایەندا سوودی زیاتری دەبێت
هەندێک دەرمان و تەواوکەری خۆراکی پێست
( Retinol , Vitamin C , Niacinamide B-3 , Hyaluronic acid , Co enzyme 10 , Collagen , Magnesium)
تێبینی گرنگ
ڕاوێژ بە پسپۆڕ بکە: کاریگەری ئەم بەرهەمانە لە کەسێکەوە بۆ کەسێکی تر دەگۆڕێت، و هەندێکیان مەترسییان هەیە. بۆ دروستکردنی پلانێکی تایبەتی و سەلامەتی گرنگیپێدانی پێست، ڕاوێژ بە پزیشکی پێست یان پسپۆڕێکی تری تەندروستی بکە
خۆت بەدوور بگرە لە بەرهەمە بازاڕییەکان
شێوازی ژیان گرنگە: پسپۆڕان جەخت لەوە دەکەنەوە کە شێوازێکی ژیانی تەندروست، لەوانەش خۆراک، وەرزش و پاراستن لە تیشکی خۆر، .کاریگەرترین ستراتیژییە بۆڕێگری کردن لە پیربوون
"""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""
دەرزی سپیکردنەوەی پێست
ڕێخراوی خۆراک و دەرمان (FDA) هۆشداری دەداتە خەڵک سەبارەت بەو مەترسیانەی کە پەیوەندییان بە بەکارهێنانی دەرزی سپیکەرەوەکانی وەک گلوتاثایونەوە هەیە.
پێکهاتە سەرەکییەکەی گلوتاثایۆنە کە جۆرێکی ئەماینۆئەسیدە بە شێوەیەکی سرووشتی لە جەستەدا هەیە ولە تەمەنی گەنجان زۆرترە و لەگەڵ هەڵکشانی تەمەن بڕەکەی کەم ئەبێتەوە ,گلوتاثایۆن دژە ئۆکسانێکی باشە و سوودێکی زۆری بۆ جەستە و پێست هەیە بەڵام تا ئێستا هیچ تاقیکردنەوەیەکی بڵاوکراوە نییە کە بەکارهێنانی دەرزی گلوتاثایۆنی بۆ سپیکردنی پێست هەڵسەنگاندبێت. هەروەها هیچ ڕێنمایییەکی بڵاوکراوە بۆ بڕی گونجاوی ژەمە دەرمانەکان و ماوەی چارەسەرکردن نییە. FDA هیچ بەرهەمێکی دەرزی بۆ سپیکردنی پێست پەسەند نەکردووە.
پێکهاتە سەرەکییەکەی گلوتاثایۆنە کە جۆرێکی ئەماینۆئەسیدە بە شێوەیەکی سرووشتی لە جەستەدا هەیە ولە تەمەنی گەنجان زۆرترە و لەگەڵ هەڵکشانی تەمەن بڕەکەی کەم ئەبێتەوە ,گلوتاثایۆن دژە ئۆکسانێکی باشە و سوودێکی زۆری بۆ جەستە و پێست هەیە بەڵام تا ئێستا هیچ تاقیکردنەوەیەکی بڵاوکراوە نییە کە بەکارهێنانی دەرزی گلوتاثایۆنی بۆ سپیکردنی پێست هەڵسەنگاندبێت. هەروەها هیچ ڕێنمایییەکی بڵاوکراوە بۆ بڕی گونجاوی ژەمە دەرمانەکان و ماوەی چارەسەرکردن نییە. FDA هیچ بەرهەمێکی دەرزی بۆ سپیکردنی پێست پەسەند نەکردووە.
بەڵام کە بە بڕێکی زۆر و لە ڕێگەی دەمارەوە ئەکرێت زەرەر و زیانێکی زۆری هەیە بۆ جەستە بە تایبەت بۆکۆئەندامی دەمارو جگەر و گورچیلە و ئەبێتە هۆکار بۆ لە ئیش کەوتنی گورچیلەکان و چەند حاڵەتێکی مردن تۆمار کراوە لە جیهاندا بە هۆی ئەم دەرزیەوە ، هەروەها جێگەی نیگەرانییە ئەگەری تووشبوون بە نەخۆشی ستیڤنز جۆنسۆن (Stevens Johnson Syndrome). هەندێک جار دەرزی گلوتاثایۆن لەگەڵ ڤیتامین C تێکەڵ دەکری لە ڕێگەی خوێنبەرەوە دەکرێت, دەرزی ڤیتامین C لەوانەیە بەردی گورچیلە دروست بکات
بەڵام کە بە بڕێکی زۆر و لە ڕێگەی دەمارەوە ئەکرێت زەرەر و زیانێکی زۆری هەیە بۆ جەستە بە تایبەت بۆکۆئەندامی دەمارو جگەر و گورچیلە و ئەبێتە هۆکار بۆ لە ئیش کەوتنی گورچیلەکان و چەند حاڵەتێکی مردن تۆمار کراوە لە جیهاندا بە هۆی ئەم دەرزیەوە ، هەروەها جێگەی نیگەرانییە ئەگەری تووشبوون بە نەخۆشی ستیڤنز جۆنسۆن (Stevens Johnson Syndrome). هەندێک جار دەرزی گلوتاثایۆن لەگەڵ ڤیتامین C تێکەڵ دەکری لە ڕێگەی خوێنبەرەوە دەکرێت, دەرزی ڤیتامین C لەوانەیە بەردی گورچیلە دروست بکات
بۆ دڵنیابوون و چارەسەرکردنی حاڵەتەکانی پێست تەنها ڕاوێژ بە پزیشکی پێست بکە کە بڕوانامەی باوەڕپێکراویان هەیە .
دوور بکەوەرەوە لە کڕینی بەرهەمی پزیشکی وەک دەرزی و بابەتی جوانکاری بە شێوەی ئۆنلاین.
Page updated
Report abuse