Valgreinar í Kóraskóla vorið 2024
Kæri nemandi, skoðaðu vel hér fyrir neðan hvaða val er í boði á vorönn 2024.
Aðstoð við heimanám
Mánudagar 13:30 – 14:50
Kennarar: Lilja Dröfn og Ágúst
Í þessum tímum verður boðið uppá heimanámsaðstoð. Mikilvægt er að nemendur mæti með námsgögn og góða skapið.
Hámarksfjöldi í hóp 30 nemendur.
Staðsetning: Stofa 91-92 Kóraskóli.
Námsmat: Lokið – ólokið
Árshátíðarmyndband
Mánudagar 13:30 – 14:50
Í samvinnu við Kúluna.
Eingöngu í boði fyrir nemendur í 10. bekk.
Í þessu vali er árshátíðarmyndband undirbúið og unnið. Starfsmaður Kúlunnar er til staðar fyrir nemendur til leiðbeiningar og aðstoðar með hvers konar vinnu varðandi myndbandið. Nemendur eru við stjórnina og sjá alfarið um framkvæmd og handrit myndbandsins en hér skapast vettvangur til hittinga og til að skapa umræðu og hugmyndavinnu.
Að útbúa skemmtilegt árshátíðarmyndband sem verður sýnt sem skemmtiatriði á árshátíð unglingadeildar.
Að nemendur fái leiðsögn og leiðbeiningar um gerð og úrvinnslu myndbandsins.
Að nemendur hafa aðgang að starfsmanni og vettvangi til að vinna vel að myndbandinu.
Staðsetning:Félagsmiðstöðin Kúlan Kóraskóli.
Námsmat: Lokið – ólokið.
Heimilisfræði
Mánudagar 13:30 – 14:50, þriðjudagar 14:10 – 15:30, og miðvikudagar 12:40 - 14:00
Kennari: Rán
Í þessu vali ætlum við að vera með fjölbreytta heimilisfræði. Við munum baka brauð, kökur og elda mat saman. Lykilatriði er að mæta með góða skapið og bros á vör.
Hámarksfjöldi í hóp 12 nemendur.
Staðsetning: Heimilisfræðistofa Hörðuvallaskóli.
Námsmat: Lokið – ólokið.
Saumaval
Mánudagar 13:30 – 14:50
Kennari: Berglind
Hefur þig alltaf langað til að læra prjóna, hekla eða sauma útsaum eða föt? Í saumavali er það hægt, þú færð kennslu í nákvæmlega því sem þig langar að gera í textíl.
Hámarksfjöldi í hóp 12 nemendur.
Staðsetning: Textílstofa Hörðuvallaskóli.
Námsmat: Lokið - ólokið.
Skák
Mánudagar 13:30 – 14:50
Kennari: Birgir
Skák er góð þjálfun fyrir einbeitingu og rökhugsun. Í þessu vali verður áhersla á að tefla í tímunum en jafnframt að dýpka skilning nemenda með því að fara í byrjanir í skák. Í tímunum munum við einnig skoða helstu skákforrit sem eru til á netinu. Þar að auki verður fjallað um bestu skákmenn sögunnar.
Hámarksfjöldi nemenda í hóp 16.
Staðsetning: Stofa 83 Kóraskóli.
Námsmat: Virkni í tímum, áhugi og samvinna. Lokið – ólokið.
Led lampa smíði
Mánudagar 13:30 – 14:50
Kennari: Berglind
Langar þig til að smíða led lampann í smíði en fékkst ekki tækifæri til þess? Þetta val er fyrir þá sem langar að fá að smíða led lampa með plexigleri. Möguleiki er á að fá þetta val metið sem smíði í hæfnikort.
Hámarksfjöldi í hóp 12 nemendur.
Staðsetning: Smíðastofa Hörðuvallaskóla.
Námsmat: Lokið - ólokið/eða metið í hæfnikort í smíði.
Star wars - hetjur og skúrkar
Mánudagar 13:30 – 14:50
Kennari: Birgir
Í þessu vali munum við skoða Star Wars kvikmyndirnar frá ýmsum hliðum. Í tímunum verður lögð áhersla á að horfa á myndirnar og skapa umræður í tímum. Helstu persónur Star Wars verða kynntar og sjónum beint að hetjum og skúrkum.
Verkefni unnið þar sem nemendur fjalla um sínar uppáhalds hetjur og skúrka.
Hámarksfjöldi nemenda í hóp 25.
Staðsetning: Stofa 84-85 Kóraskóli.
Námsmat: Lokið – ólokið.
Teiknival
Mánudagar 13:30 – 14:50
Kennari: Karl
Í þessu val verður aðallega teiknað. Við munum nota ýmsar teikniaðferðir og teikniáhöld svo sem blýanta, kol og pastelliti. Við byrjum á teikniverkefnum, notum mismunandi teikniblýanta og skoðum hvað skygging er mikilvæg í teikningu.
Í hluta af valinu verður einnig teiknað með Ipad þar sem við notum Ipad penna og viðeigandi teikniforrit.
Skipulagið er þannig að annað hvert verkefni kemur kennari með og svo ákveða nemendur hin verkefnin en það er þó eitt skilyrði að það séu alvöru verkefni, ekki bara Óli prik.
Lögð er áhersla á frumkvæði frá nemendum með verkefni, áhuga og vinnusemi.
Hugmyndir að verkefnum eiga að koma sem mest frá nemendum í samráði við kennara (upp á að hugmyndin sé raunhæf í framkvæmd).
Þetta er ekki áfangi til að hafa það bara kósí og sitja og spjalla (þó það megi auðvitað líka) heldur þarf að vera með raunverulegan áhuga og vera tilbúin til að sýna þolinmæði og natni við að fullgera hvert verk.
Hámarksfjöldi í hóp 12 nemendur.
Staðsetning: Myndmenntastofa Hörðuvallaskóli.
Námsmat: Lokið - ólokið.
Árbók
Miðvikudagar 12:40 - 14:00
Í samvinnu við Kúluna.
Eingöngu í boði fyrir nemendur í 10. bekk.
Hvernig vilt þú að grunnskólaáranna þinna sé minnst? Nemendur í áfanganum safna saman upplýsingum og myndum frá skólagöngu nemenda í árganginum Nemendur útbúa árbók sem þeir safna upplýsingum og minningum um samnemendur sína.
Hámarksfjöldi í hóp 20 nemendur.
Staðsetning: Kúlan Kóraskóli.
Námsmat: Lokið – ólokið.
Bullet journal og markmiðasetning
Miðvikudagar 12:40 - 14:00
Kennari: Berglind
Finnst þér gaman að setja þér markmið en gengur illa að ná þeim? Finnst þér skemmtilegt að búa til lista og skrá niður árangur af markmiðum þínum. Bullet journal er skemmtileg leið til þess að skrá niður og halda utan um markmið. Við ætlum að búa til bullet journal síður og skoða hvernig við setjum okkur markmið sem við getum náð.
Hámarksfjöld í hóp 15 nemendur.
Staðsetning: Fjölgreinastofa Kóraskóli.
Námsmat: Lokið – ólokið.
Dönsk menning og hygge
Miðvikudagar 12:40 - 14:00
Kennarar: Amanda og Inga Dís
Áframhaldandi val frá haustönn, ekki hægt að skrá sig í á vorönn.
Áður skráðir nemendur.
Staðsetning: Stofa 77 – 78 í Kóraskóli.
Námsmat: Lokið- ólokið.
Útivist og hreyfing
Miðvikudagar 12:40 - 14:00
Kennari: Fjóla Dröfn
Í þessu vali verður boðið upp á fjölbreytta útihreyfingu meðal annars fjallgöngu, hjólreiðar, skauta og frisbígolf. Valið hefst í apríl og í staðin verður hver ferð lengur en 2 kennslustundir. Valið hefst með kynningu í janúar þegar ný önn hefst.
Hámarksfjöldi í hóp 15 nemendur.
Staðsetning: HK/Kóraskóli og nærumhverfi.
Námsmat: Lokið – ólokið.
Kvikmyndaval - íslenskar bíómyndir
Miðvikudagar 12:40 - 14:00
Kennari: Birgir
Markmið er að nemendur kynnist íslenskum leikurum, leikstjórum og kvikmyndum. Að nemendur kynnist verðlaunuðum kvikmyndum sem hafa hlotið sess í íslenskri kvikmyndasögu. Í valinu verður horft á íslenskar kvikmyndir og þær skoðaðar frá ýmsum hliðum. Nemendur gera kvikmyndagagnrýni eftir hverja mynd og skila til kennara.
Virkni, áhugi og þátttaka nemenda verður metin og svo skil á kvikmyndagagnrýni.
Hámarksfjöldi nemenda í hóp 25.
Staðsetning: Stofa 84- 85 Kóraskóli.
Námsmat: Lokið -ólokið.
Myndmenntaval
Miðvikudagar 12:40 - 14:00
Kennari: Karl
Í myndmenntavali ætlum við að mála og móta. Fyrst gerum við málverk á striga, annað hvort með akríl eða olíulitum og það sem við málum er frjálst í samráði við kennara. Svo förum við í mótun, eitthvað með leir og síðan með pappamassa.
Lögð er áhersla á frumkvæði frá nemendum með verkefni, áhuga og vinnusemi.
Hugmyndir að verkefnum eiga að koma sem mest frá nemendum í samráði við kennara (hugmyndin sé raunhæf í framkvæmd t.d. er ekki hægt að leira tveggja metra háan fíl).
Þetta er ekki áfangi til að hafa það bara kósí og sitja og spjalla (þó það megi það auðvitað líka) heldur þarf að vera með raunverulegan áhuga og vera tilbúin að sýna þolinmæði og áhuga við að klára hvert verk.
Tilgangurinn er að kenna handverk og viðeigandi aðgerðir og þjálfa sköpun. Ipad er staðalbúnaður í tímum upp á að finna verkefni og fyrirmyndir.
Hámarksfjöldi fjöldi í hóp er 10 – til 12 nemendur.
Staðsetning: Myndmenntastofa Hörðuvallaskóli.
Námsmat: Lokið – ólokið.
Rafíþróttir í samvinnu við Arena
Arena með miðstöð fyrir rafíþróttir. Þar eru efld keppni í tölvuleikjum og stuðlað að bætingu spilara með markvissum æfingum og heilbrigðum spilaháttum. Þar er stutt við virka samkeppni innanlands sem og hjálpa íslenskum spilurum að komast í fremstu raðir. Þessu er áorkað með því að skapa félagslegt og stuðningsríkt umhverfi fyrir spilara landsins sem vilja koma saman og bæta sig. Í Arena er því trúað að markviss æfing í tölvuleikjum í réttu umhverfi geti haft jákvæð áhrif á spilara.
Þar sem þetta val er hluti af námi í Kóraskóla verður fylgst með mætingu nemenda og þeir þurfa að fylgja skólareglum Kóraskóla í einu og öll.
Hámarksfjöldi í hóp 40 nemendur.
Staðsetning: Arena gamning við Smáratorg.
Námsmat: Lokið – ólokið.
Skrautskrift
Miðvikudagar 12:40 - 14:00
Kennari: Berglind
Langar þig til að læra að skrifa tengiskrift og skrautskrift? Í skrautskrifta vali lærum við einmitt það. Við gerum æfingar og verðum snillingar í skrautskrift.
Hámarksfjöldi í hóp 15 nemendur.
Staðsetning: Fjölgreinastofa Kóraskóli.
Námsmat: Lokið ólokið.
Spilaval
Miðvikudagar 12:40 - 14:00
Kennarar: Hrefna Lára og Ágúst
Spilum og lærum skemmtileg spil og lærum ný.
Staðsetning: Stofa 83 Kóraskóli.
Hámarksfjöldi í hóp 25 nemendur.
Námsmat: Lokið – ólokið.
stærðfræðival
Miðvikudagar 12:40 - 14:00
Kennari: Margrét Ósk
Stærðfræðival er hugsað sem aukatími til að klára áætlun eða verkefni í stærðfræði.
Hámarksfjöldi í hóp 20 nemendur.
Staðsetning: Stofa 81 – 82 í Kóraskóli.
Námsmat: Lokið -ólokið.
starfsnám innan skóla
Umsjón: Björg Ýr
Nemendur aðstoða við ýmislegt í Hörðuvallaskóla í samvinnu við Björg Ýr námsráðgjafa. Hægt er að mæta á morgnanna eða eftir skóla.
Hámarksfjöldi 12 nemendur.
Staðsetning: Kóraskóli, Hörðuvallaskóli og nærumhverfi.
Námsmat. Lokið – ólokið.
Yndislestur
Miðvikudagar 12:40 - 14:00
Kennari: Birgir
Að nemendur finni sér bók sem er áhugaverð og spennandi. Að nemendur hafi svigrúm og tíma til að lesa og það má ekki vera kvöð og pína. Að nemendur íhugi og velti fyrir sér bókinni. Ef lesturinn gengur illa, er best að skipta um bók.
Hver nemandi velur sér tvær kjörbækur á önninni. Nemendur lesa í tímum, vinna verkefni og gera tvær kynninga yfir önnina. Umræður og spjall.
Virkni, áhugi og þátttaka nemenda verður metin til einkunna og svo skil á kynningum.
Hámarksfjöldi í hóp 20 nemendur.
Staðsetning: Stofa 84 – 85 Kóraskóli.
Námsmat: Lokið- ólokið.
Fjarnám í verslunarskólanum
Tengiliður: Inga Fjóla
Nemendum stendur til boða að fara í fjarnám í nokkrum áföngum í framhaldsskóla í Verslunarskóla Íslands.
val utan skóla
tækniskólaval
Áframhaldandi val frá haustönn, ekki hægt að skrá sig í á vorönn.
Fimmtudagar 14:35 - 16:35
Kennarar: Kennarar í Tækniskólanum á viðkomandi kennslusviðum.
Staðsetning: Kennarar í Tækniskólanum á viðkomandi kennslusviðum.
Markmið:
Að efla tengsl grunnskóla og framhaldsskóla.
Að kynna nemendum uppbyggingu iðnnáms og listnáms.
Að kynnast möguleikum framhaldsmenntunar að námi loknu.
Að auðvelda grunnskólanemendum námsval í framhaldsskóla
Að kynna nemendum helstu tæki og tól sem notuð eru í viðkomandi iðngrein
Að nemendur kynnist handverki og læri vinnubrögð verknáms.
Öryggisatriði við vinnu á verkstæðum.
Viðfangsefnin:
Nemendur kynnast ólíkum viðfangsefnum í list- og verknámi sem kynntar eru í lotukerfi þar sem hver nemandi velur þrjú af eftirfarandi viðfangsefnum:
1. Hönnun og nýsköpun
Hönnun, nýsköpun og verkleg þjálfun í formum og vinna með efni af ýmsum toga.
2. Tréiðn
Nemendur vinna að verkefnum í samráði við kennari hvort sem er eftir eigin hugmynd eða teikningum sem eru til í skólanum.
Nemendur kynnast vélum og verkfærum sem notuð eru á smíðaverkstæðum.
3. Pípulagnir
Plastsuða: Nemendur fá grunnkynningu á plastefnum, ásamt að sjóða saman ýmis verkefni, t.d. snjóbræðslukistur, sandföng o.fl.
Hita og vatnslagnir: Nemendur fá kynningu á hita og vatnslögnum ásamt að leggja hita og vatnslagnir með nokkrum tegundum af efni.
Stýribúnaður: Nemendur fá kynningu á ýmsum gerðum af stýribúnaði sem notaður er við hitalagnir.
4. Málaraiðn
Nemendur kynnast spörtlun og skreytimálun.
5. Múrariðn
Nemendur kynnast fjölbreyttum viðfangsefnum iðngreinarinnar.
6. Rafiðn – Tölvu- og netkerfi
Nemendur kynnast grunnatriðum í rafeindatækni og fá að taka sundur tölvur og setja saman aftur.
Kenndar eru lóðningar og ýmsir hlutar íhluta í rafrásum.
Einnig verður kynning á rökrásum, tvítölukerfinu og hermiforritum.
7. Málmiðn
Skoðuð er aðstaða skólans í málmsmíði og véltækni, nemendur fá að kynnast helstu verkfærum til málsmíða og málmsuðu og fá að smíða litla hluti úr málmi.
8. Sjómennska
Nemendur kynnast aðstöðu skólans skoða upp í turn á Sjómannaskólahúsinu, sjá radar og gps.
Fá að bæta net, binda hnúta og prófa að sigla stórum skipum um öll heimsins höf í risastórum skipstjórnarhermi.
9. Upplýsingatækni – Forritun og vefsmíði
Nemendur læra undirstöðuatriði forritunar og búa til einfalda vefsíðu.
10. Upplýsingatækni – Ljósmyndun og myndvinnsla
Nemendur læra að beita myndavél með því að taka myndir við margvíslegar aðstæður og farið verður í grunnatriði í stafrænni myndvinnslu.
11. Föt og fylgihlutir
Nemendur fá að kynnast námi og aðstöðu á fataiðnbraut, vinna verkefni úr ýmsum efnum og sjá hverning hugmynd verður að flík.
Hvert viðfangsefni tekur sex vikur, 3 kennslustundir á viku (3 x 40 mín.).
Í þessum sex vikna lotum í hverri grein fá nemendur tækifæri til að hanna og smíða eigulega gripi undir leiðsögn færustu kennara. Á þann hátt vinna nemendur að verkefnum, sem tengja saman viðkomandi faggrein og verkfærin, auk þess að kynnast uppbyggingu iðnnáms og möguleikum til framhaldsmenntunar að því loknu.
Þegar vali er lokið skulu nemendur (einir eða fáeinir saman) gera skýrslu/kynningu um valið sem er stýrt af hverjum grunnskóla fyrir sig og lagt fram í viðkomandi skóla.
Markhópur
10. bekkingar í grunnskólunum sem vilja kynnast vinnulagi og aðferðum í verk- og listnámi og undirbúa sig fyrir framhaldsnám.