Robótica Virxe do Mar

Aberto o prazo de inscrición para a próxima tempada da First Lego League: Into Orbit

Xa se publicou o tema do próximo concurso: nada máis e nada menos que a exploración espacial!

A partir do mes de setembro comezaremos a preparar este novo desafío. Se estás interesado/a en participar, podes poñerte xa en contacto co equipo de robótica do Virxe do Mar, enviando un correo a felipe@iesvirxedomar.gal

Como sempre, podes atopar máis información na páxina oficial da competición


Participación na First Lego League 17-18

Magnífica experiencia a vivida este sábado 17 de febreiro en Ferrol. O equipo de robótica do IES Virxe do Mar fai un gran papel e proclámase vencedor nunha das categorías da First Lego League Galicia.

Un equipo de estudantes da materia de programación de 2º ESO participaron neste torneo, xunto con 200 rapaces e rapazas de centros de toda Galicia e Asturias.

Tiveron que deseñar e programar un robot para superar unha serie de misións sobre un terreo de xogo. Logo dos adestramentos realizados no instituto nas últimas semanas, chegoulles o turno de demostrar as habilidades do seu robot no Auditorio de Ferrol . Aínda que a sorte non acompañou nalgúns momentos, fixeron unha magnífica competición.

Como parte do desafío deste ano, Hydrodynamics, tamén realizaron un proxecto de investigación sobre o uso de auga no fogar. Este proxecto incluiu a realización de enquisas, a programación dun xogo, a realización dunha páxina web e unha campaña de concienciación (NonMalgastesAuga) sobre o uso excesivo de auga no día a día. O equipo do Virxe do Mar defendeu moi ben todo este traballo diante dun xurado de expertos, que os animou a estender esta campaña máis aló do instituto.

Por último, elaboraron un póster relacionado cos valores da First Lego League (inclusión, descubrimento, coopertición, respeto e traballo en equipo), que tamén foi aplaudido polo xurado.

O equipo de robótica do IES Virxe do Mar quere agradecer a axuda das institucións e empresas que fixeron posible a nosa participación neste torneo. Queremos agradecer a colaboración do Campus Industrial de Ferrol, do Concello de Noia e da empresa Autos Dosil.