Pleser o’r mwyaf fydd eich croesawu chi i’n hysgol fel darpar rieni a disgyblion.

Ein bwriad ni fel staff yw sicrhau y bydd y disgyblion newydd yn ymgartrefu’n gyflym yn eu hamgylchfyd newydd yn ogystal â gwneud i chi, fel rhieni, deimlo’n hapus a chartrefol yn ein plith. 

Trwy bartneriaeth agos a hapus y creir profiadau addysgol o ansawdd uchel.  Mae cydweithrediad rhwng yr ysgol a’r cartref felly, yn holl bwysig i ddatblygiad a chynnydd plentyn.  Yn union fel mae gennych chi ddisgwyliadau uchel ohonom ni fel ysgol, mae gennym ninnau ein disgwyliadau uchel ohonoch chi fel rhieni. Rydym yn dibynnu ar eich cefnogaeth yn ein hymdrechion i gyflawni holl amcanion ein hysgol, boed yn academaidd neu allgyrsiol.

Mae drws ein hysgol ni bob amser yn agored.  Bydd croeso i unrhyw un ohonoch chi wneud trefniadau i alw i’n gweld. Gobeithiwn y bydd y safwe yma'n gymorth i chi ddod i’n hadnabod ni yn ogystal â hwyluso’r holl baratoi sydd ar y gweill ar gyfer mis Medi.

Creu a chynnal:

To create and maintain:

• cymuned glos, sydd yn gofalu am yr unigolyn a’i anghenion trwy ei osod yn y canol.

• cymuned sydd yn sicrhau gwerth cyfartal i bob disgybl heb wahaniaethu ar sail rhyw, hil, crefydd neu allu ac sydd trwy fagu hunan-hyder y disgybl yn ei annog i wneud cyfraniad unigryw i fywyd yr ysgol a’r gymdeithas ehangach. 

• cymuned Gymreig sydd yn hybu Cymreictod, yn magu ymwybyddiaeth o dreftadaeth ac sydd yn diogelu a datblygu diwylliant y genedl; sydd hefyd yn rhoi gwerth ar ddwyieithrwydd a gallu’r disgybl i gyfrannu’n hyderus at gymdeithas aml-ieithog Cymru ac Ewrop. 

• cymuned sydd, trwy weithredu o fewn fframwaith o agweddau cadarnhaol a gwerthoedd moesol ac ysbrydol, yn sicrhau fod yna arweiniad clir i bob disgybl ar sut i ddatblygu i fod yn berson hunan-gynhaliol, cyfrifol a sensitif.  

• cymuned sydd, trwy ei ffocws ar bedwar diben Cwricwlwm i Gymru 2022 ac effeithiolrwydd y dysgu a’r addysgu a’i pharodrwydd i arloesi, yn caniatáu i bob disgybl ddatblygu yn academaidd, yn gymdeithasol ac yn iach tra hefyd yn sicrhau pleser a boddhad yn y gwaith. 

• cymuned sydd yn paratoi pob disgybl ar gyfer addysg uwch a/neu y byd gwaith gan ddatblygu sgiliau hollbwysig (gan roi sylw arbennig i lythrennedd, rhifedd a chymhwysedd digidol) i’r eithaf er mwyn dod yn ddysgwyr annibynnol effeithiol yn ogystal ag aelod cyfrifol a gwerthfawr o’r gymdeithas. 

• a community which is close, warm and supportive and which cares for the individual by placing his/her needs at the centre.

• a community which ensures that each pupil is valued equally, without discrimination on the basis of gender, race, religion or ability and which, by nurturing in pupils a strong sense of self-respect and confidence, can encourage pupils to realise their unique and valuable contribution to both the school and to the wider society.

• a community which is Welsh and which raises pupils’ awareness of their Welsh heritage in a way which will safeguard and develop the nation’s culture; a community which also values bilingualism and the ability of each pupil to contribute confidently to a multi-lingual Wales and Europe.

• a community which operates within a framework of positive attitudes and moral and spiritual values thus ensuring clear guidance to every pupil on how to develop into a self-sufficient, responsible and sensitive person. 

• a community which by means of its emphasis on the four purposes of the Curriculum for Wales 2022, and the effectiveness of its teaching and learning together with its pioneering attitude, succeeds in enabling all its pupils to develop to their fullest potential academically, socially and physically whilst also providing satisfaction and pleasure. 

• a community, which prepares each pupil for higher education and/or the world of work by developing all important skills (paying particular attention to literacy, numeracy and digital competency) to the full in order that pupils can become  effective independent learners as well as responsible and valuable citizens.