Yn y prosiect hwn, bydd y disgyblion yn datblygu traciwr ffitrwydd i fonitro nifer y camau a gymerir yn ystod cyfnod penodol o amser.

Bydd y disgyblion wedyn yn tracio'r camau a gymerwyd dros gyfnod o amser i fonitro cynnydd neu ostyngiad yn nifer y camau. Yna, gallant ddefnyddio'r wybodaeth hon i nodi pa un a yw unrhyw beth y maent yn ei wneud yn ystod y diwrnod ysgol yn effeithio ar lefelau eu symudiad neu beidio.

Mae'r gweithgareddau trawsgwricwlaidd a allai gael eu cysylltu â'r traciwr ffitrwydd yn agored iawn, er enghraifft:

• Tracio'r camau dyddiol o ddydd Llun i ddydd Gwener: dadansoddi pam, o bosibl, y mae'r nifer yn fwy ar rai diwrnodau na'i gilydd

• Tracio nifer y camau dyddiol gyda ffocws ar gynyddu'r nifer bob dydd – dod o hyd i ffyrdd i gynyddu'r nifer dyddiol

• Tracio'r camau am gyfnod penodol o amser, a chymharu data ledled y dosbarth, e.e. amser cinio a phwy sy'n symud fwyaf?

 Gwyddoniaeth a Thechnoleg

Mae cyfrifiaduraeth yn gosod sail i’n byd digidol

Cam Cynnydd 2

• Gallaf ddefnyddio technegau meddwl cyfrifiadurol, a hynny trwy weithgareddau heb ddyfais electronig neu all-lein.

• Gallaf greu algorithmau syml ac rwy'n dechrau esbonio gwallau.

• Gallaf ddilyn algorithmau i bennu eu diben a rhagfynegi canlyniadau.

Cam Cynnydd 3

• Gallaf ddefnyddio datganiadau amodol i ychwanegu rheolaeth a ffwythiannau gwneud penderfyniadau at algorithmau.

• Gallaf esbonio a dadfygio algorithmau.

Cam wrth gam

• Creu cyfrifydd camau ar y micro:bit i fonitro eich camau a thracio ffitrwydd.

• Diffinio cyfnod o amser er mwyn monitro'r camau.

• Lawrlwytho'r data o'r micro:bit a'i allforio i daenlen.

• Opsiynol: Creu graff llinell er mwyn dadansoddi y nifer o gamau.

Yn y prosiect hwn bydd y disgyblion yn cael y cyfle i'w cyflwyno eu hunain i micro:bits mewn ffordd syml iawn. Byddant yn datblygu dyfais sy'n eu galluogi i gadw mewn cysylltiad a chreu animeiddiad i gyd-fynd â'r tri math o hwyl y maent am eu defnyddio i gadw mewn cysylltiad.

Yn y prosiect hwn, bydd y plant yn dysgu sut i ddefnyddio digwyddiadau mewnbwn i roi dilyniannau o gyfarwyddiadau ar waith, a hynny trwy greu bathodyn 'cadw mewn cysylltiad' rhyngweithiol i arddangos sut y maent yn teimlo. Bydd y ddelwedd sy'n cael ei harddangos yn newid wrth bwyso'r botymau ar y micro:bit.

Meini Prawf Llwyddiant

Pan fyddwch yn pwyso'r botwm, bydd y canlynol yn cael eu rhaglennu a'u harddangos:

• Y rhif yr ydych wedi'i ddewis

• Dilyniant o oleuadau LED i animeiddio wyneb sy'n cyfateb i'r teimlad

• Gair sy'n cyfateb i'r teimlad

Gwyddoniaeth a Thechnoleg

Mae cyfrifiaduraeth yn gosod sail i’n byd digidol

Cam Cynnydd 2

• Gallaf ddefnyddio technegau meddwl cyfrifiadurol, a hynny trwy weithgareddau heb ddyfais electronig neu all-lein.

• Gallaf greu algorithmau syml ac rwy'n dechrau esbonio gwallau.