Gengið að útsýnipalli á Þúfubjargi.  Svalþúfa er bæði þúfa og bjarg.  Sagan segir að hval hafi rekið á land og Bárður Snæfellsás eignaði sér hvalinn en á þessum tíma var hvalur verðmætur og mikill matur.  Svalur og Þúfa stálu hvalnum og þá drap Bárður þau bæði.

Útsýnispallurinn var notaður til að hlusta á söguna um Kolbein og kölska. Kolbeinn var jöklaskáld og kölski skorar á hann. Þeir setjast á bjargbrún og kveðast á og botna vísur. Það var fullt tungl og annar tekur upp hníf . Tunglið skín á eggvopnið og kveðið er: ,, Legg ég egg egg .." Kölska fannst þetta svik og Kolbeinn sigrar. Kölski steyptist niður bjargið

Það eru tvær sögur um Lóndranga. Önnur tengist þjóðsögu en hin jarðfræði.

Tvö tröll voru að ganga til fjalla og voru að rífast. Þegar sólin kom upp urðu þau að steinum og talið er að tröllkonan sé stærri dranginn en karlinn minni.

Hin sagan er að fyrir 8000-9000 árum  voru Lóndrangarnir ekki til en það gaus á hafsbotni og gígurinn var þar sem Þúfubjargið er. Þegar gosið hætti þá storknaði hraunið og Lóndrangarnir mynduðust. Kerlingin úr þjóðsögunni er úr móbergi sem er samanþjöppuð aska og mjúkt berg en karlinn er hinsvegar úr basalti og er því miklu sterkari. Með tímanum mun því kerlingin hverfa fyrr en karlinn. Þannig að sennilega er kerlingin  minni dranginn.

Gengið að Lóndröngunum.

Fýllinn er áberandi á þessu svæði. Ungfuglinn ælir lýsi til að verjast og ælan getur límt saman vængi og fjaðrir annarra fugla

Í kringum 1970 var Haförn með fjölskyldu með aðsetur í dröngunum.

Það er mikið um rekavið á Malarrifi sem kemur frá Noregi og Síberíu. Á árum áður var rekaviðurinn verðmætur til byggingar,

Salthúsið

Salthúsið

Tilvalið að borða nestið úti í þessari fallegu birtu

Veðrið lék við okkur í þessari ferð

Gestastofan er líka áhugaverð. Margt fróðlegt þar .