Izaba-Otxagabia

IZABA-OTXAGABIA

Hasieran ibil-giro onarekin eta bukaeran bero handiarekin, irailaren 8an, asteartea, Otsagabian “Bobok” dantzatzen duen egunean, 19 ibiltarik, Euskal Pirinioak eta Zaraitzuko harana begiztatuz, Otsagabian bukatu zuten ibilbidea.

Ibilbidea eta denborak:

Izabako herria (815 m), Idoiako santutegia (930 m; 0:15 h), Txorimilo izeneko basoan gorantz, Saitsederra dioen seinale-zutoina (1.260 m; 1:10 h), Saitsederreko lepoa (1.360 m; 1:25 h), Atuzkarratzeko mendizerran barrena, Milingrateko lepoa (1.360 m; 1:45 h), Kakuetako gailurra (1.585 m; 2:05 h), pistaz eta pinudietatik, Lakuagako putzua, Arreseren eta Bornas izeneko borden albotik pasatu eta Otsagabiko herria (760 m; 23 km; 5:10 h).

Desnibel metatua: igoeratan: 650 m; jaitsieratan: 880 m.