Auritz - Urkiagako lepoa

(2022-10-05, asteazkena)

Gaurkoan, urriak 5, autobusak Auritz/Burguete herrian utzi gaitu goizeko 8:30 aldera. Udazkeneko eguraldi ederraz gozatuz hasi gara ibiltzen 8 emakume eta 32 gizonezko. Hasierako zelaiak igaro ondoren, La Teja iturrian gorako ibilbideari heldu diogu, Mendiaundi tontorrera iritsi arte, zazpigarren kilometroan. Hortik dena beheraka, Sorogain-Laisturrera arte.

Gero berriz goraka Adi tontorrera iritsi arte, hamabosgarren kilometroan, Urkiagako lepoan bukatuz ondorengo jaitsiera. Hor autobusak hartu eta Eugi herrira jaitsi gaitu bazkaltzera; ondoren 6:30 aldera bueltatu gara Ordiziara.

Ibilbidea eta denborak:

Auritz/Burguete (hasiera, 888m), La Teja iturria (3,8 km; 949 m; 0:51), Atalozti harrespila (5,3 km; 1.108 m; 1:13), Aldaparriko lepoa (6,6 km; 1.141 m; 1:32), Mendiaundi (7 km; 1.201 m; 1:40), Arbilletako lepoa (8,1 km; 1.112 m; 2:28), Sorogain/Laistur (10,3 km; 822 m; 2:49), Odiako erreka (11,1 km; 837 m; 3:05), Aratungo lepoko harrespila (14,1 km; 1.196 m; 4:13), Adi tontorra (15 km; 1.438 m; 4:37), Urkiagako lepoa (bukaera, 18,45 km; 913 m; 5:39).

Desnibel metatua: igoeratan: 1.064 m; jaitsieratan: 1.040 m.

Denbora ibiltzen: 4:54 h; geldi: 0,47 h.

Mapa

Profila