Zaro (Donibane Garazi) - Irauko lepoa

(2022-06-28, asteartea)

Nahiz eta aurreikuspenak pixka bat huts egin, eguzkiaren falta ondo etorri zaigu aldapak igotzeko. Goizean autobusak Zaro herrian utzi gaitu; guztira 32 lagun: lau emakume eta hogeita zortzi gizon. Lehenbizi Handiaga lepora igo eta Ezterenzubira jaitsi gara, gero Pagaltzetatik zehar Iturranburuko bordara igo eta Intzarrazkiko bordara jaisteko. Segidan Irauko tontorra jo eta ondoko lepoan hartu gaitu berriz autobusak Donibane Garazin bazkaltzeko.

IBILBIDEA ETA DENBORAK:

Zaro (240 m), Ahadoa baserria (291 m; 2,6 km; 0:41), Handiagako lepoa (590 m; 6,1 km; 1:41), Ernagako borda (588 m; 6,45 km; 1:45), Ezterenzubi (244 m; 8,9 km; 2:16), Mendiko borda (542 m; 12,25 km; 3:22), Pagaltzeta (624 m; 13,2 km; 3:37), Iturranburuko borda (814 m; 15 km; 4:07), Intzarrazkiko borda (680 m; 18,1 km; 4:45), Irauko lepoa (1.013 m; 21,1 km; 5:52).

Desnibel metatua: igoeratan: 1.374 m; jaitsieratan: 615 m.