LRMS Valenzuela - Storybooks

Start reading

Writer/Illustrator: Nathaniel D. Del Mundo

Gawad Teodora Alonso 2024 Category 2 - 2nd Place National level, and 1st Place Regional Level, 1st Place Division Level

Synopsis:

Sa pag-uwi ni Tonyo mula sa kanyang pinapasukang paaralan ay may isang bagay siyang nasilayan at hindi mawari kung ano ito at saan ito ginagamit. Mula sa pagpukpok na para bang instrumentong tambol, sa paglalaro nito bilang raketa at pati narin bilang isang bagay na maaaring maging kasuotan ay napag isipan ni Tonyo itong gamitin.

Habang lumalaon ay unti-unti niyang nalalaman na ito pala ay higit pa sa kanyang inaasahan at inaakala. Nakatutulong pala ito, nakapag papagaan at nakapag papadali ng karaniwang gawaing bahay at sa buhay. Gaya ng pagdidilig ng halaman, instrumento sa pagsasalok ng tubig at higit sa lahat ay kagamitan pala ito upang makapag linis ng mga bagay bagay at higit sa lahat ay ng katawan.

Ating Samahan si Tonyo sa kanyang paglalakbay at pagdidiskubre kung saan at paano ba gamitin ang natatanging bagay na tinatawag nating Tabo.

Start reading

Writer: Ma. Charo P. Carlos

Illustrator: Nathaniel D. Del Mundo

Gawad Teodora Alonso 2024 Category 1 National Qualifier, 1st Place Regional Level, 1st Place Division Level

Synopsis:

Likas sa kanilang pamilya ang may malakas, matinis, at madagundong na tinig. Kung sa ingay at palakasan ng boses ang pag uusapan ay hindi sila padadaig lalong-lalo na itong kanilang lola. Buong bahay ay yanig sa kanyang halakhak, lalo na kapag siya ay nagsimula na sumigaw.

Mula sa umaga pagkagising hanggang sa pagtulog sa gabi, ang limang sigaw ni lola ang kumukumpleto sa kanilang buong araw, ngunit sigaw nga bang matatawag ang kaniyang mga sinasabi?

Anu-ano nga kaya itong nakapaloob sa limang sigaw ni lola?

Start reading

Writer: Irish Ivan E. Balde

Illustrator: Lunnah Grace R. Gapido

Gawad Teodora Alonso 2024 Category 1 Regional Qualifier

Synopsis:

Ang mag-asawang Naldo at Irma ay matagal nang nangangarap ng isang anak. Marami na silang sinubukan upang matupad ang kahilingang ito gaya ng pagpunta sa mga doktor at ilang manghihilot sa kanilang bayan. Marami man ang naging hadlang sa pagtupad nito ay pilit pa rin silang kumapit sa pagmamahalan nila sa isa't isa at sa matinding paniniwala sa Diyos. Sa huli, napag-alaman nila ang sayaw kay Santa Clara ng Obando, Bulacan na siyang patron ng mga mag-asawa na nagnanais magkaanak.

Ito na kaya ang magbibigay katuparan sa matagal na nilang minimithi?

Start reading

Writer: Jimmy Lou G. Chun

Illustrators: Ma. Michaela Sabile, Jedidiah Jason Caputero

Gawad Teodora Alonso 2024 Category 1 Regional Qualifier

Synopsis:

Ang diwa ng kapaskuhan ay may dalang liwanag sa buhay ng mga tao kaakibat ng mataimtim na pananalangin gaya ng paniniwala ng magkapatid na sina Makmak at Imboy.

Ang pagdalo ng kanilang pamilya sa Simbang Gabi ang magdadala ng pag-asa sa kanilang buhay. Madalang man mabuo ang kanilang pamilya dahil sa trabaho ng kanilang mga magulang ay hindi ito naging hadlang sa kanilang paniniwala sa Birhen ng Fatima. Hanggang sa kanilang paglaki ay baon nila ang mga payo at pangaral ng

kanilang mga magulang.

Ang pagbuo ng siyam na araw ng Simbang Gabi kaya ang tumupad nito?

Start reading

Writer/Illustrator: Arvin Austria

Gawad Teodora Alonso 2024 Category 2 Regional Qualifier, 2nd Place Division Level

Ang Lolo at Lola ang kumakalinga sa atin sa tuwing may mahalagang gawain ang ating mga magulang.

May lungkot sa simula ngunit napapasaya nila ang mga sandali sa abot ng kanilang makakaya. Alin sa mga ginawa nila ang tandang-tanda mo pa?

Karamihan sa atin may ala-alang baon na bahagi sina Lolo at Lola. Samahan natin ang magkapatid sa kwentong ito sa kanilang araw sa piling ng kanilang Lolo at Lola at kung paano ito naging isang makulay na bahagi ng kanilang buhay.

Start reading

Writer: Aljhun L. Genova

Illustrator: Aljhun L. Genova

Synopsis:

Si Badiday ay isang masipag at masayahing siyam na taong gulang na

bata at nagtitinda ng Sampaguita sa labas ng makasaysayang simbahan ng San Diego de Alcala.

Sa kabila ng kahirapan, lagi niyang suot ang kanyang nag-iisang bestida na kupas at puno ng alaala ng kanyang yumaong Iola. Sa araw ng kapistahan, habang nakikipaglaro at naghahanda para sa banal na prusisyon, hindi inaasahan ang isang aksidente nang mahagip siya ng bisikleta ni Tinay, isang batang babae na nawalan ng balanse.

Bagama't nasira ang kanyang mahalagang bestida, ginamit ito ni Badiday upang tulungan si Tinay na may sugat sa tuhod. Sa kabila ng pangyayaring naganap, umusbong ang lsang pagkakaibigan sa pagitan nina Badiday, Tinay, at kanilang mga kaibigan. Bilang pasasalamat, inialok ni Tinay ang ilan sa kanyang mga damit upang may maisuot si Badiday sa prusisyon. Natutunan nina Badiday at Tinay ang halaga ng pagtulong, pag-unawa, at pagkakaibigan.

Sa pagtatapos, ipinakita ni Badiday na ang kabutihan ay nagmumula sa puso at hindi nasusukat sa dami ng ating pag- aari, habang nagpatuloy siya sa kanyang araw nang may bagong mga kaibigan at bagong pananaw sa buhay.

Start reading

Writer: Marielle B. Traballo

Illustrator: Joseph Rey B. Ambelon

Synopsis:

Kaarawan ni Buboy ngayon . Siya at ang kaniyang pamilya ay magpupunta sa iba’t ibang lugar upang ipagdiwang ang kaganapang ito.

Samahan natin siya sa masaya at makabuluhang pagdiriwang habang tinutuklas ang mga magagandang pook sa Valenzuela.

Ating alamin kung bakit hindi niya malilimutan ang ika 8 niyang kaarawan at ang mga sanhi at bunga ng kaniyang kabutihang

ipinakita sa kaniyang kapwa.

Start reading

Writer: Shiela G. Lim

Illustrator: Jan Christopher Cabrera

Synopsis:

Sa bawat paglalakbay ay may aral na tinataglay. Ang mga paligid ay may katanungang hindi pa natutuklasan. Iyan ang umiiral sa kaisipan ng isang munting bata na si Cucu.

Isang bata na may taglay na kuryosidad sa kaniyang paligid na tila nag-uudyok sa kanya na libutin ang hindi nasasakupan ng kanilang tahanan.

Sa kaniyang paglalakbay, maraming aral ang kaniyang natutunan. Natuklasan niya ang musika na isang paraan upang masabi ang nararamdaman ng isang tao gamit ang tono. Napalitan ng pagkakampante ang kaniyang takot sa pagkain ng gulay.

Ang paggamit ng kamay at bibig sa pagpapakita ng galang sa nakatatanda. Sa mga aral na kaniyang natutunan, napagtanto niya ang kahalagahan ng paggamit ng mga parteng pandamdam. Mga pandama na bumubuo sa hiwaga ng buhay na kinakailangang mahanap ni Cucu upang matuklasan ang mga katanungang nababalot sa kaniyang isipan.

Start reading

Writer: Judy Ann C. Abayon

Illustrator: Judy Ann C. Abayon

Synopsis:

Mahiyain ngunit mabait at masipag na bata si Nita. Kakikitaan siya ng sipag sa pag-aaral. Maituturing siyang isa sa mga mahuhusay na mag-aaral.

Inilalaban siya sa mga paligsahan sa loob at labas ng paaralan.

Ngunit sadyang mailap ang batang si Nita. Madalas niyang pinipiling mag-isa. Ano kaya ang kaibahan ni Nita kung kaya't inilalayo niya ang kaniyang sarili sa kaniyang mga kamag-aral?

Start reading

Writer: Arlene Jean A. Francisco

Illustrator: Arlene Jean A. Francisco

Synopsis:

Ito ay isang kuwentong pambata tungkol sa batang si Sojun. Si Sojun ay isang batang payat at sakitin dahil hindi siya mahilig kumain ng masusustansiyang pagkain. Isang araw, nagkaroon siya ng panaginip tungkol sa mga higanteng junkfoods at kendi.

Natakot siya at lumabas ng bahay hanggang sa napadpad sa isang puno ng acacia. Dito niya nakilala ang isang matandang nagngangalang Lola Bell.

Di naglaon, natutunan niya ang kaniyang mga pagkakamali at nangakong magiging

masunuring anak na sa kaniyang ina.

Start reading

Writer: Nenia C. Umlas

Illustrator: Jedidiah Jason S. Caputero

Synopsis:

Ang Baryo Isla ang pinakaligtas na lugar. Ang mga naninirahan doon ay tahimik at masaya. Nagkakasundo at may malasakit sa isa't isa.

Nagtutulungan at walang inggitan.

Subalit isang araw, dumating si Isdang Gloria sa baryo.

Nagkaroon ng matinding trahedya sa baryo.

Nag iba ang lahat.

Nagbago ang lahat.
Naglaho ang lahat.

Ang dating ginintuang baryo ay naging isang madilim na baryo na! Maibabalik kayang muli ang baryo sa dati?

Start reading

Writer: Julie Ann D. Cruz

Illustrator: Paul L. Calvar

Synopsis:

Maraming bata ang nahihilig sa paglalaro ng mga Computer Games sa panahon ngayon, at kadalasan mas binibigyan pa nila ito ng oras at panahon imbes na gawin ang mas importante pang bagay.

Ano kaya ang maaaring mangyari sa batang si Teng kung hindi niya matututuhan ang tamang pagbalanse sa kanyang oras?

Kung ikaw si Teng, gagawin mo ba ang mga natutuhan niya tungkol sa balanseng paggamit ng computer, pakikinig sa mga magulang, at paglalaan ng oras na makisalamuha sa mga kamag-aral upang makabuo ng masayang alaala?

Start reading

Writer: Marjoree C. Lapastora

Illustrator: Dondie V. Francisco

Synopsis:

Ang buhok ng babae ay isa sa mga pinakamahalagang bahagi ng

kanyang kagandahan at pagkatao. Sa bawat hibla ng buhok ay

sumasalamin ang kanyang karakter, personalidad, at kung

paano niya tinitingnan ang sarili.

Si Selsa ay isang larawan ng batang babae na labis na hinahangaan at pinupuri mula sa makintab at mahaba niyang

buhok, hanggang sa maikling estilo nito, bawat uri at ayos ng

kanyang buhok ay kabigha-bighani. Sa bawat hibla ng kanyang buhok, makikita natin ang kuwento ng isang batang babae-ang kanyang mga pangarap, ang kanyang mga pagsubok, at ang kanyang pag-asa.

Ngunit ano nga bang hiwaga ang nakatago sa buhok na ito ni Selsa?

Start reading

Writer: Cherry Lou D. Tolentino

Illustrator: Cedrick S. Jacamile

Synopsis:

Sa malalim at malawak na karagatan ay may nagkita-kita na may taglay na kaniya-kaniyang katangian.

Minsan sa kanilang kalungkutang nadarama ninais ng bawat isa na mamasyal, at sa kanilang pamamasyal sila ay nagkatagpo-tagpo at mula noon ay naging matalik silang magkakaibigan sa kabila ng kanilang pagkakaiba-iba.

Sinubok ang kanilang pagkakaibigan ng isang bagay na kumikinang na natagpuan nila habang sila ay namamasyal. Ito na kaya ang sisira sa pagkakaibigan ng apat?

Start reading

Writer: Rosemarie A. Abellera

Illustrator: Ruby Ann R. Sison

Synopsis:

Ang pagkakaisa ay susi upang makamit ang kapayapaan, kalayaan, at hustisya sa pamayanan na iyong kinabibilangan. Marapat gawin ito sa pamamagitan ng pagbibigay ng malaking pansin at respeto sa iba't ibang pangkat o grupo.

Isang pangunahing batayan sa pagkakaroon nito ay ang malawak na pagkilala sa Maykapal, ang marubdob na pananampalataya at panganganlong sa Kanya na siya namang nagpapakilos ng ating mga desisyon at gagawin.

Ang tiwala sa magagawa ng ating pananampalataya, sinoman o anoman ang ating pinaniniwalaan ay nagbibigay sa atin ng lakas at inspirasyon upang gawin ang mga bagay na nagpapaigting sa relasyon sa Dakilang Lumikha na ating kinikilala.

Sa tekstong pasalaysay na, “Ang Pagkakaisa’t Pananampalataya ng Tribo Manganlong”, paano napatunayan ang halaga ng pagkakaisa at pananampalataya - sa sarili, sa pamilya, sa kapwa at sa lipunan? Ikaw bilang kabataang Pilipino, paano mo ito maipakikita?

Start reading

Writer: Dimpol R. Zuleta

Illustrator: Dimpol R. Zuleta

Synopsis:

Si Miking Daga at Trining Pusa ay matalik na magkaibigan na laging magkasama sa pamamasyal, pag-aaral at sa lahat ng bagay na nais nilang gawin. Lagi silang nagdadamayan sa lahat ng oras.

Laging nagpapaalala si Trining Pusa kay Miking Daga ng mga dapat gawin. Hanggang isang araw ay may dumating na isang pangyayaring di nila inaasahan sa kanilang buhay.

Paano kaya hinarap ng magkaibigan ang pagsubok na ito? Magiging daan kaya ang pangyayaring ito upang masira na ang kanilang pagkakaibigan? Ano-ano ang dapat mong gawin kapag naranasan mo ang mga nangyari kina Miking Daga at Trining Pusa?

Start reading

Writer: Mariel M. Zipagan

Illustrators: Abegail D. Grencio

Rose Lyne I. Jacinto

Synopsis:

Kilala mo na ba si Jose Rizal?

Nakipag-away rin ba siya noong siya’y bata pa?

Paano siya naging isang bayani?

Marahil ay marami ka pang tanong tungkol sa kaniya, halina at alamin natin ang kaniyang mga pinagdaanan bago siya binaril sa Luneta. At saka mo sabihin kung siya ba ay maituturing na isang tunay na bayani ng ating bansa.

Start reading

Writer: Teresa J. Badocdoc

Illustrator: Cherryl Gedo Cruz

Synopsis:

Ang kuwentong Alituntunin ni Ina ay tungkol so mag-iina no sina Aling Berta, Betong at Betina. Silo ay namumuhay ng payapa at malayo so anumang kapahamakan dahil laging sinusunod nina Betong at Betina ang mga bilin ng kanilang ina. Lagi nilang bitbit ang mga pangaral at alituntunin ng kanilang ina soon man dako sila pumunta.

Start reading

Writers: Irene P. Capalar

Illustrator: JC B. Sulat

Synopsis:

Si Berto ang batang ayaw magbasa, inaabot siya ng gabi sa paglalaro ng kompyuter. Hindi na niya nagagawang buklatin at silipin man lamang ang kaniyang mga libro kaya hanggang sa ngayon ay mabagal pa rin siyang magbasa.

Mahilig siyang gumawa ng mga dahilan upang maiwasan ang pagbabasa na proyekto sa kanilang paaralan, maging ang kaniyang ina ay hindi na naniniwala sa kaniyang mga palagiang dahilan.

Minsan, sa kanyang pamamahinga sa loob ng klinika ay nanaginip si Berto. Saan kaya tungkol ang kaniyang panaginip?

Kahihiligan pa kaya ni Berto ang pagbabasa? Sino kaya ang tutulong sa kaniya upang kilalanin at mahalin ang mga bahagi ng kaniyang libro

Start reading

Writers: Rodalyn De Vera, Jan Lemer M. Lindayag

Illustrator: Ma. Charo P. Carlos

Synopsis:

One morning, Ambo and his mother set out to participate in the Brigada Eskwela project, a community initiative that fosters the spirit of "bayanihan," or communal unity. The project highlights the shared responsibility of ensuring that schools are safe and welcoming spaces for learning.

Start reading

Writers: Rowena F. Leocadio

Illustrator: Clarizza Mariz L. Santiago

Synopsis:

Nagsimula ang lahat sa isang pasalubong mula sa ina ni Kara ang "Alkansyang Kawayan".

Dahil dito ay tinuruan niya ang anak na si Kara na mag ipon ng pera at pinangaralan rin niya ito tungkol sa kahalagahan ng pag-iimpok ng pera o salapi na maaaring ilagay sa isang alkansya o magdeposito sa bangko. Ipinaliwanag din niya sa anak na ang pag-iimpok ay nakakatulong sa panghinaharap na pangangailangan tulad ng edukasyon, o nagkaroon ng emergency sa pamilya.

Sa mga pangaral at bilin ng ina ni Kara, matututo kaya siyang mag ipon?

Start reading

Writer: Marielle B. Traballo

Illustrator: Joseph Rey B. Ambelon

Synopsis:

Alamin kung paano naging kakaiba ang isang ordinaryong araw ng isang mag aaral, tulad ni Pia.

Simula sa pagbangon sa umaga at pag aasikaso sa pagpasok sa paaralan.

Tuklasin ang pagkakasunod sunod ng pa ngyayari sa kaniyang paghahanda papasok sa paaralan.

Kalakip ng pagkatuto ay kinakailangan din natin na magkaroon ng malusog na pangangatawan. Ating alamin ang mga nararapat nating kainin sa araw araw sa tulong ng Food Pyramid.

Page updated

Report abuse

DepEd Valenzuela