BUKLURAN NG ISIPAN
PINGKIAN 2025, tampok ang mga mahuhusay na pananaliksik

Kanino kakapit ang kapangyarihan sa pagsapit ng halalan?

Kinilala bilang Best Research Poster mula sa Humanities and Social Sciences (HUMSS) at GAS ang pananaliksik nina John Benedict Aliwalas, Enzo Gallego, Yumi Sansano, Zephania Soriano, at Alyanna Villanueva mula sa pangkat 12I-HUMSS kung saan tinalakay ang pagkakaugnay ng electoral preference strategies sa pananaw ng mga mag-aaral sa ikalabing-isang baitang sa political dynasties.

Pinamagatang “The Relationship Between Grade 11 Senior High School Students’ Electoral Preference Strategies and their Attitudes Towards Political Dynasties,” gumamit ang pananaliksik ng correlational research design upang masuri ang ugnayan sa pagitan ng mga estratehiyang ginagamit ng mga mag-aaral sa pagpili ng kandidato at ang kanilang saloobin sa pagkakaroon ng mga political dynasty.

Ayon sa datos na nakalap ng pananaliksik, lumabas na walang makabuluhang ugnayan sa pagitan ng dalawang ito kung kaya't inihayag ng mga mananaliksik na hindi direktang naaapektuhan ng kanilang paraan ng pagpili ng kandidato ang kanilang pananaw tungkol sa political dynasties.

Iginiit ni Villanueva, isa sa mga mananaliksik, na “Sa pagtataguyod ng pananaliksik na ito, bagaman napagtantong walang kaugnayan ang electoral preference strategies at attitudes toward political dynasties, nagsisilbing karagdagan pa rin sa kabuuang kaalaman ang mga napagtantong lebel ng mga variable na ito sa Baitang 11 ng mga mag-aaral mula sa Colegio San Agustin-Makati.”

Ninanais ng mga mananaliksik na lalo pang pagtibayin ang mga programa sa paghalal ng mga pinuno ng bansa sa pamamagitan ng kanilang papel.

Tunghayan ang buod ng kanilang panananaliksik: 

https://drive.google.com/file/d/1ZbvSF70HJ1oR_nvxCH8aj7B2V1YArFcL/view?usp=sharing

Pinunong-GURO

Mula naman sa Accounting, Business, and Management (ABM) strand ang pananaliksik nina Mohammad Yusuf Burahan, Franco Inigo Delgado, Danielle Marie Garvida, Tanya Ysabelle Guerrero, at Angela Michiko Suzuki ng pangkat 12G-ABM na pinamagatang "A Correlational Study between Job Satisfaction among Senior High School Teachers and the Leadership Scores of their Supervisors of Colegio San Agustin-Makati."

Nag-uwi ng gantimpala bilang Best Research Poster mula sa ABM, sinuri ng pananaliksik ang ugnayang pumapagitna sa managerial style ng mga supervisor at antas ng job satisfaction ng mga guro sa SHS. Gumamit ang pag-aaral ng correlational research design upang masukat ang istilo ng pamumuno gamit ang Blake and Mouton’s Managerial Grid at ang job satisfaction sa pamamagitan ng Engaged Teacher Scale.

Lumabas sa kanilang pag-aaral na karamihan sa mga supervisor ay nasailalim sa kategoryang Team Leader, habang nakitaan naman ang mga guro ng mataas na antas ng kasiyahan sa trabaho, partikular sa aspeto ng Social Engagement. 

Subalit natuklasan din na mahina at hindi makabuluhan ang kaugnayan ng leadership style sa job satisfaction, bagay na nagpapakita na ang kasiyahan ng mga guro ay maaaring higit na naiimpluwensyahan ng iba pang mga salik gaya ng workload, kompensasyon, at pakikipag-ugnayan sa kapwa guro.

Ayon kay Guerrero, “Studies written here in CSA are commonly focused on the students and as an ABM student, it is in my nature to be different and think outside the box. With that, my groupmates and decided that we wanted to make the teachers the respondents for our research.”