RISA HONTIVEROS

Salamat, Abi, Mr. Chair.

Magandang tanghali po sa ating lahat! 

Wala nang mas gaganda pa sa araw na ito at muli tayong nagkita-kita at sa wakas ay na kumpirma na ang ating bagong Kalihim ng Department of Migrant Workers, si Sec. Hans Leo Cacdac!

Sa pangalawang pagkakataon, ako po ay magbibigay ng manifestation of support for the confirmation of the ad interim appointment of the good Secretary for the following reasons:

Una, sa usaping track record, mula kanyang academic background hanggang sa pagsisilbi sa gobyerno, sya po ay dumaan sa proseso ng paninilbihan mula sa pagiging Direktor sa isang ahensya, naging Administrator, Undersecretary, at sa huli ay naging OIC ng DMW, para gampanan ang tungkulin ng namayapang si Sec.Toots Ople.

Hindi po madali ang magtrabaho at magbigay ng serbisyo sa ating pamahalaan. Ito po ay kailangan ng matinding determinasyon at sakripisyo upang gawing isang career ang pagiging lingkod bayan. Ang pagkakaroon ng isang malinis na track record sa mahabang panahon ng paninilbihan ay isang huwaran at dapat bigyan ng suporta mula sa atin mismo sa sangay ng pamahalaan.

Pangalawa, ang kanyang karanasan sa pagtulong sa mga sektor ng urban poor community, magsasaka, at manggagawa, noong siya po ay nasa Non-Government Organization pa lamang, ay isang batayan upang masasabi natin na si Sec. Hans ay may malasakit sa mga na-aaping sektor ng ating bayan.

Pangatlo, ang kanyang mga naging achievements o mga nagawang pagbabago na nagbunga ng magandang epekto mula sa POEA, OWWA, at sa kasalukuyan ay sa DMW, na kahit sa maikling panahon lamang ay maraming napasarang mga abusadong recruitment and manning agencies, na nagpabaya sa kanilang mga tungkulin, upang siguraduhin na ligtas ang ating mga kababayan sa trabaho na kanilang papasukan sa ibang bansa, at iba pa.

Mr. Chair, marami pa pong problema na kinakaharap ng ating mga OFWS, marami po'ng dapat simulang baguhin sa mga maling patakaran mula pa n'ung matagal na panahon, lalo na pagdating sa mga receiving countries, marami pa rin ang mga kaso ng pang-aabuso at krimen, ito ay dapat magwakas. Pero, dapat ding ipagpatuloy ang mga nasimulan na magagandang pagbabago sa mga polisiya at batas para sa kabutihan ng ating mga OFWs, sa pangunguna ni Sec. Hans at iba pang kasamahan n'ya sa ahensya. I have faith in his credibility, ability, and competency in leading his department to fully and effectively serve our kababayans who risk their lives and their futures abroad. May malalim s'yang karanasan sa pagtugon sa mga problema at pagsubok na kinakaharap ng ating mga kababayang OFWs. With Sec. Hans deep sense of compassion combined with his skills and experience, I believe that he will prove to be an excellent leader of the Department and a great advocate for our OFWs.

Mr. Chair, sa huli, nais kong magpasalamat sa aking mga kasama sa Senado at sa House sa pagbigay ng pagkakataon na makapaglingkod si Sec. Hans sa DMW at higit sa lahat sa mga kababayan nating OFWs, kasama ang kanilang mga pamilya.

Dakong pasasalamat, Mr. Chair.