پێشکەوتنی زانکۆی چەرموو بەردەوامی هەیە

Post date: Jan 16, 2017 12:39:54 PM

لە کۆنگرەیەکی رۆژنامەنوسیدا پرۆفیسۆر دکتۆر صلاح رەزا  سەعید  سەرۆکی زانکۆی چەرموو ئاستی پێشکەوتن و کاریگەری زانکۆی چەرمووی خستەروو رایگەیاند کە بە دووساڵی  خزمەتەوە ئەم زانکۆیە لە پایتەختی شەهیدان و ئەنفالکراوانەوە توانیەتی کاریگەری خۆی دەربخات .

هەر بەو بۆنەوەیە پیرۆزبایی لە سەرجەم دانیشتوانی چەمچەماڵ و ستاف و مامۆستاو دکتۆر و خوێندکارانی زانکۆی چەرموو کرد.

دواتر پرۆفیسۆر دکتۆر شوان کمال یاریدەدەری سەرۆکی زانکۆ بۆ کاروباری زانستی رایگەیاند ئەم ریزبەندیە ریزبەندیەکی جیهانییە  زانکۆی چەرموو بەراورد بە ساڵی پێشووتر (21  ) بیستو یەک هەزار پلە دەبرێت و دێتە پلەی چوارمین هەزار زانکۆلە ناو پێنج هەزار زانکۆکانی جیهان کەئەمەش دەسکەوتێکی گەورەیە بۆ وەزارەتی خوێندنی باڵا و ستاف و مامۆستایان لە زانکۆی چەرموو .

هەروەها راشیگەیاند کە بە خزمەتێکی کەمەوە کەماوەی دوو ساڵە ئەم زانکۆیە دامەزراوە سەرباری قەیرانی سەختی دارای توانیومانە زانکۆ پێش بخەین .