وەزارەتى خوێندنى باڵا (٥٠) زەمالەى خوێندنى دکتۆرا بەشێوازى سپلیسایت بۆ زانکۆ تازەکان ڕادەگەێنێت
Post date: Mar 08, 2018 9:42:21 PM
وەزارەتى خوێندنى باڵا و توێژینەوەى زانستى (٥٠) کورسى خوێندنى باڵا/ دکتۆرا بەشێوازى (سپلیسایت) لە بوارەکانى زانستە
سروشتى و تەتبیقیەکان پێشکەش بە زانکۆ تازەکانى کوردستان دەکات.
عەباس ئەکرەم وتەبێژى وەزارەتى خوێندنى باڵا و توێژینەوەى زانستى ڕایگەیاند: بەمەبەستى پەرەپێدانى تواناى مامۆستایانى
زانکۆ تازەکانى هەرێمى کوردستان و، پڕکردنەوەى پێداویستیە ئەکادیمیەکانیان بەستافى زانستى، وەزارەتەکەمان (٥٠) کورسى
خوێندنى باڵا/دکتۆرا بەشێوازى سپلیسایت بۆ ئەو زانکۆیانە دابین دەکات.
وتەبێژى وەزارەتى خوێندنى باڵا و توێژینەوەى زانستى ئەوەشى ڕاگەیاند: پڕۆسەى ئامادەکردن و ڕاگەیاندنى پڕۆپۆزەڵەکان و
ڕێکخستنى پێشبڕکیى پێشکەشکاران بەپێیى یاسا و ڕێنماییەکانى خوێندنى باڵا/دکتۆرا بەشێوازى (سپلیتسایت) لەلایەن
زانکۆکانەوە ڕێکدەخرێت و، تەواوى بودجەى ئەو پڕۆژانەش لەسەر ئەرکى وەزارەتى خوێندنى باڵا و توێژینەوەى زانستى دابین
دەکرێت.
خوێندنى باڵا/دکتۆرا بەشێوازى سپلیتسایت یەکێکە لە میتۆدە سەرکەتوەکانى خوێندنى دکتۆرا، بەجۆرێک کاندیدەکان لە یەکێک
لە زانکۆکانى کوردستان تۆمار دەکرێت و، توێژینەوەکانیان لەلایەن دوو سەرپەرشتیارى ناوخۆیى و نێودەوڵەتى سەرپەرشتى
دەکرێت، هەروەک کاندیدەکان بۆ ماوەى یەک ساڵ پێویستە خوێندنەکەیان لە زانکۆیەکى پێشکەوتویى دەرەوەى وڵات
بەسەربەرن.
بۆ بینینى هەواڵەکە لەسایتى وەزارەت کلیک لێرە بکە