سەرۆکی زانکۆ بڕیاری پێکهێنانی لیژنەیەک دەدات بۆ ئەنجامدانی گۆڕانکاری لە بەشی کوردی .

رۆژی دووشەممە ڕێکەوتی (٢٨-٩-٢٠٢٠) لەسەر فەرمانی  بەڕێز (پ.د. صلاح رضا سعید) سەرۆکی زانکۆی چەرموو کۆبوونەوەیەکی (ئەنجومەنی بەشی کوردی) لە کۆلێژی پەروەردە و زمان رێکخرا.

 مەبەست لە کۆبوونەوەکە گفتوگۆ و راوێژ کردن بوو لەسەر بڕیاری هەڵپەساردنی بەشی کوردی بۆ ساڵی خوێندنی (٢٠٢٠-٢٠٢١) و کردنەوەی بەشەکە بۆ ساڵی خوێندنی (٢٠٢١ - ٢٠٢٢) بە گۆڕانکاری و نوێکردنەوەی بەشی کوردی بە شێوەیەکی هاوچەرخ, وەک چۆن لە زانکۆ پێشکەوتووەکانی دنیادا خزمەت بە زمانی دایک دەکرێت. پێشووتریش لەلایەن سەرۆکی زانکۆوە بڕیاری پێکهێنانی لیژنیەک درا بە ناوی  (ئەنجامدانی گۆڕانکاری و ئامادەکرنی پڕۆپۆزڵ) .