زانکۆى چەرموو بە هاوبەشی لەگەڵ دەستەی کوردستانی بۆ دراساتی ستراتیجی ژمارەیەک کورسى ماستەر و دکتۆرا ڕادەگەیەنێت
Post date: Oct 22, 2016 8:36:54 AM
لە چوارچێوەی پلانی خوێندنی باڵا بە هاوبەشى لە نێوان دەستەى کوردستانى بۆ دیراساتى ستراتیژى و لێکۆلینەوەى زانستى و زانکۆکانی کوردستان، زانکۆی چەرمو بە هاوبەشی لەگەڵ دەستەی کوردسیانی دەرگای پێشکەشکردن بۆ ژمارەیەک کورسی خوێندنی ماستەر و دکتۆرا بۆ ساڵى 2016-2017 واڵا دەکات.
خوازیاران دەتوانن لە خوارەوە فۆرمى ماستەر و دکتۆرا دابەزێنن و داواکانیان پێشکەش بکەن تا بەروارى 27-10-2016 بەردەوام دەبێت
پلان و کورسییەکانى ماستەر و دکتۆرای هاوبەش لەگەڵ زانکۆی چەرمو وە هەروەها ئەو کورسییانەی تایبەتە بۆ زانکۆی چەرمو لە پلانی زانکۆکانی دیکە لەگەڵ دەستەی کوردستانی دیاری کراوە (تکایە سەردانی ئەم لینکە بکە)
دوا کاتی پێشکەش کردن و کاتى تاقیکردنەوەکان و ڕاگەیاندنی ئەنجامەکان و ماوەى سکالا و دەستپێکردنى کورسی خوێندن ..... (سەردانى ئەم لینکە بکە)
ڕێنماییەکانى خویندنى ماجستێر و مەرجەکانی پێشکەشکردن...... (تکایەسەردانی ئەم لینکە بکە) وە ڕێنماییەکانی خوێندنی دکتۆرا و مەرجەکانی پێشکەشکردن .... (سەردانی ئەم لینکە بکە).
زانیاری کرێ ى فۆرمى پێشکەشکردن بۆ خوێندنى بالا(ماستەر دکتۆرا).... (تکایە سەردانی ئەم لینکە بکە)
هەر خوازیارێک پێشکەش دەکات بۆ وەرگرتن لە کورسییە تەرخانکراوەکانی زانکۆی چەرمو لە هەر زانکۆیەکی دیکە پێشتر دەبێت بەڵێننامەی یاسایی پڕ بکاتەوە کە ئامەدەیە بۆ گواستنەوەی ڕاژەکەی بۆ زانکۆ چەرمو وە لاری نەبوون لە شوێنی کارەکەی ئامادە بکات.
کورسیەکانی ماستەر و دکتۆرا لە بواری بایۆلۆجی خوازیار سەرجەم زانیارییەکان لە بەشی زانستەکانی کۆلێژی پەروەردەی بنەڕەت وەردەگرێت دەربارەی تاقیکردنەوەکان و ئەو بابەتانەی داخڵن بۆ تاقیکردنەوەی توانستی زانستی
کورسیەکانی خویندنی بواری فیزیا و کیمیا و کیمیا و جیۆلۆجی و ئینگلیزی و بەشی بەروبوومی کشتوکال، زانیاری خوێندن و تاقیکردنەوە لەو بەشانەی زانکۆی سلێمانی وەردەگیرێت.
کورسیەکانی خوێندنی بواری ئینفۆرماتیک و کارگێڕی و ئابووری زانیاری لە یەکەی خویندنی باڵا لە زانکۆی پۆلی تەکنیکی سلێمانی وەردەگیرێت
فۆرمى پێشکەش کردن لێرە دابەزێنە بۆ خوێندنى ماستەر و خوێندنی دکتۆرا لە زانکۆی چەرموو
پێداویستییەکانی پێشکەشکردن بۆ خوێندنى باڵا /ماستەر و دکتۆرا
1) ناسنامەى بارى شارستانى (ڕەسەن و یەک وێنەى کۆپی)
2) ڕەگەزنامەى عێراقى (ئەگەر عێراقیت) (ڕەسەن و یەک وێنەى کۆپی) وە ئەگەر عێراقی نیت ( پاسپۆرت) (ڕەسەن و یەک وێنەى کۆپی)
3) بروانامەى بەکالۆریۆس(ڕەسەن و یەک وێنەى کۆپی) بۆ پێشکەش کردن بۆ دکتۆرا جگە لە بڕوانامەی بکالۆریۆس بڕوانامەی ماستەر (ڕەسەن و یەک وێنەی کۆپی)
4) فەرمانى وەزارى یەکسانکردنى بروانامەکانی بەدەست هێنراوە بە نمرەوە (ئەگەر لە دەرەوەى ولات بەدەستت هێناوە) (ڕەسەن و یەک وێنەى کۆپی)
5) تاقیکردنەوەى زمانى ئینگلیزى IELTS و هاوشێوەکانى ( ئەگەر هەبێت ) (ڕەسەن و یەک وێنەى کۆپی)
6) نووسراوى لاری نەبوونى خوێندن لە دام و دەزگاکانى سەر بە وەزارەتى خوێندنى بالا
7) پوختەى ڕاژە
8) ٤ وێنەى کەسى پێشکەشکار/خوازیار
9) وێنەیەک لە بەڵێننامەى خوێندن(لە بەشى یاسایی زانکۆمان دەکرێت) کە لە ئێستا دا خوێندکارى ماستەر یان دکتۆراى ناوخۆ یان دەرەوەى ولات نیت و ناوت کاندید نەکراوە وە یاخود بە هۆکارى جیا جیا خوێندن تەواو نەکردوە و سەرکەوتوونەبویت.
10) ئەگەر کاندیدى خولى دووەم و سێهەمى تواناسازیت وە تائێستا مەمەلەکەت لە وەزارەت پرۆسێس نەکراوە و سەفەرت نەکردوە -پێویستىە وێنەیەک لە نووسراوى فەرمى بهێنیت لە وەزارەت کە مەمەلەکەت لە وەزارەت پرۆسێس نەکراوە و سەفەرت نەکردوە
ئەو بابەتانەی خوازیار تیایدا تاقیکردنەوەی زانستی دەکات بریتین لە:
۱- بۆ دکتۆرا لە بابەتی مێدیکەڵ بەکتریۆلۆجی، بایۆتەکنۆلۆجی، مایکۆلۆجی گشتی ، مۆلیکیولەر بایۆلۆجی،.
۲- بۆ ماستەر: سێڵ بایۆلۆجی، پەرەسایتۆلۆجی، مایکرۆبایۆلۆجی، بەکترۆلۆجی، بایۆتەکنۆلۆجی ، ڤایرۆلۆجی