بەشداریکردنی وەفدێکی زانکۆی چەرموو لە وۆرکشۆپێکی نێودەوڵەتی لە وڵاتی ئەڵمانیا

Post date: Feb 21, 2019 8:43:37 AM

 ئەڵمانیا ... زانکۆی چەرموو لە ۆرکشۆپی پەرەپێدانی ستراتیجی نێودەوڵەتی و بە نێودەوڵەتی کردنی پرۆگرامەکانی خوێندنی باڵا

وەفدێکی زانکۆی چەرموو بە سەرۆکایەتی بەڕێز پرۆفیسۆر (د. صلاح رضا سعید) سەرۆکی زانکۆی چەرموو وبەڕێز (د. ئومێد قادر حمەأمین) راگری سەنتەری چەرموو بۆ توێژینەوەو راهێنان و بەڕێز(د. شیلانە محمد رؤوف) بەڕێوەبەری (International Office) بەڕێز (م. شاخەوان حارس وادی) ئەندامی بۆردی بۆلونیا پرۆسێس لە زانکۆی چەرموو ڕێکەوتی (17/2/2019) بەڕێکەوتن بۆ وڵاتی ئەڵمانیا بە مەبەستی بەشداریکردن لە وۆرکشۆپی نێودەوڵەتی بۆ ماوەی (3) ڕۆژ بە بەشداری (9 ) زانکۆی هەرێمی کوردستان و وەزارەتی خوێندنی باڵاو توێژینەوەی زانستی لە ولاتی ئەڵمانیا وەک بەشێک لە پڕۆژەی (TIGRIS) (Erasmus Plus) بۆ بەنێودەوڵەتی کردنی زانکۆو پرۆگرامەکانی دامەزراوەکانی سەر بە وەزارەتی خوێندنی باڵا و توێژینەوەی زانستی لە هەرێمی کوردستان بە هەماهەنگی لەگەڵ یەکێتی ئەوروپا.

University of Göttingen / Germany

هاوکات زانکۆی چەرموو وەک بەشێک لە ئەجێندای ۆرکشۆپەکە بەشداری کرد بە پێشکەشکردنی سیمینارێکت تایبەت بە (چۆنیەتی بە نێودەوڵتیکردنی پرۆگرامەکانی خوێندنی باڵا لە هەرێمی کوردستاندا) وەرگرتنی پێشنیارو سەرنجی پسپۆڕانی ئەوروپی تایبەت بەو بوارە.

بەشداربووانی ۆرکشۆپەکە پێکدێن لە (زانکۆی چەرموو، زانکۆی گوتینگن، زانکۆی سلێمانی، زانکۆی سەڵاحەددین، زانکۆی هەڵەبجە، زانکۆی ڕاپەڕین، زانکۆی پۆلی تەکنیکی سلێمانی، زانکۆی پۆلی تەکنیکی هەولێر، زانکۆی پۆلی تەکنیکی دهۆک، دەستەی کوردستانی بۆ دیراساتی ستراتیجی و توێژینەوە، بەڕێزان نوێنەرانی وەزارەتی خوێندنی باڵاو توێژینەوەی زانستی)