Embedded Files
Directorate of Media
Post date: Dec 11, 2018 9:22:28 AM
ئەمڕۆ (11/12/2018) کاتژمێر (10:30) لە ئوتێل (دیڤان) لە شاری هەولێر بە ئامادەبوونی بەڕێز (د. یوسف گۆران) وەزیری خوێندنی باڵاو تویژنەوەی زانستی و لیژنەی ریزبەندی نیشتیمانی زانکۆکانی هەرێمی کوردستان لە وەزارەت، ڕێوڕەسمێکی تایبەت بە هەڵبژاردن و دیاریکردنی باشترین توێژینەوەکانی ساڵی (2018) سازکرا، وەفدێکی زانکۆمان کە پێکهاتبوون لە بەڕێزان (م. لاجان محمدأمین) بەڕێوەبەری دڵنیایی جۆری و بەڕێز (م. ئاراز إبراهیم) بەڕێوەبەری تەکنەلۆژیای زانیاری و ئامار بەشداری ڕێوڕەسمەکە بوون، کە تیایدا باشترین توێژینەوە زانستی و زانستە مرۆییەکان دەست نیشانکرا.
سه‌باره‌ت به‌ڕێكخستنی ئه‌و مه‌راسیمه‌ش، وه‌زیری خوێندنی باڵا و توێژینه‌وه‌ی زانستی ڕایگه‌یاند: ئەمڕۆ بە خۆشحاڵییەوە سوپاس و ڕێزلێنانی خۆمان پیشکەش بەو توێژەرانە دەکەین، کە بە هەوڵ و ماندوبون و، شەونخونیان کاریان کردوە بۆ ئەوەی داتا و ئەنجام و، بەرهەمی توێژینەوەکانیان لە گۆڤاری زانستی ئاست بەرزدا بڵاوبکەنەوە و، ببنە هۆی بەرزڕاگرتنی ناوی هەرێمی کوردستان و ناوی زانکۆکانیان، وتیشی بێگومان ئەمساڵ لە زانکۆکانی کوردستان (٤٦١) توێژینەوەی زانستی لە گۆڤارە زانستییە ئاست بەرزەکاندا بڵاوکراوەتەوە و، تێکڕای فاکتەری کاریگەری توێژینەوە بڵاوکراوەکانیش گەیشتوەتە (١٦١٩)، بۆ ئه‌وه‌ش د.یوسف گۆران ڕایگه‌یاند: ئێمە ئەمڕۆ خەڵاتی ڕێزلێنان دەدەینە ئەو توێژەرانەی کە لە ئاستی زانکۆ حکومییەکانی کوردستان لە ساڵی خوێندنی (٢٠١٧/٢٠١٨)دا توانیویانە توێژینەوەکانیان لە باشترین گۆڤارە زانستییە جیهانیاکاندا بڵاو بکەنەوە و، زۆرترین فاکتەری کاریگەریان کۆ بکەنەوە، ئاشكراشیكرد لە بواری زانستە سروشتی و تەتبیقیەکان (١٥) توێژەر و، لە بواری زنستە مرۆڤایەتییەکانیش (٧) توێژەر لە پلەی یەکەمدا بون، بۆ ئه‌وه‌ش وه‌زیری خوێندنی باڵا و توێژینه‌وه‌ی زانستی ڕایگه‌یاند: كاتێك كه ده‌ستمان به‌دانانی پێوه‌ره‌كان كرد، زۆر له مامۆستایان به‌تایبه‌ت له بواری زانسته مرۆڤایتیه‌كاندا پێیان وابوو، كه ئه‌سته‌مه زانسته مرۆڤایتیه‌كان بتوانن ئیپماكت فاكته‌ر بێنن، به‌ڵام خۆشبه‌ختانه ئه‌مساڵ توانرا حه‌وت توێژه‌ر له بواری زانسته مرۆڤایه‌تیه‌كاندا توانیویانه ئیمپاكت فاكته‌ر بهێنن و، له گۆڤاره ئاسته‌به‌رزه‌كان توێژینه‌وه‌كانیان بڵاوی بكه‌نه‌وه، ئه‌وه‌ش مانای ئه‌وه‌یه كه له‌م ڕێگه‌شه‌یدا هه‌رێمی كوردستان سه‌ركه‌وتوبین، بۆی دواباره پیرۆزبایان لێده‌كه‌م.
Report abuse