بەرزڕاگرتنی رۆژی جلی کوردی و رۆژی جیهانی ژنان لە زانکۆی چەرموو

Post date: Mar 10, 2019 4:23:3 PM

ئەمڕۆ بەرواری (10/3/2019) لە هۆڵی کتێبخانەی ناوەندی لە کەمپی بانی مەقان کاژێر (11) بەڕێوەبەرێتی دڵنیایی جۆری چالاکییەکی بە بۆنەی رۆژی جلی کوردی و رۆژی (8)ی مارس بە ئامادەبوونی بەڕێز پرۆفیسۆر (د. صلاح ڕضا سعید) سەرۆکی زانکۆ و مامۆستایان و فەرمانبەران ڕێکخست، سەرەتای چالاکییەکە بە وتەی سەرۆکی زانکۆ دەستی پێکرد و دواتر وتاری بەڕێز (د. سوزان)کە تایبەت بوو بە ئافرەتان، دواتر بەڕێز (م. شۆخان فتاح) بابەتێکی بە زامانی ئینگلیزی و کوردی دەربارەی رۆژی جیهانی ژنان پێشکەشکرد، پاشان بەڕێز (م. سەرکەوت حمەشریف) پارچە شیعرێکی خۆی لەسەر ژن خوێندەوە، پاشان بەڕێز (م.لاجان محمد) سیمینارێکی لەسەر مێژووی (8) مارس بۆ ئامادەبووان خستەڕوو، دواتربەڕێز (م.شادیە سعداللە) پارچە شیعرێکی بە زمانی عەرەبی خوێندەوەو بەڕێز (د. تەلار سالار) بابەتێکی خەندە ئامێزی بە زمانی عەرەبی پێشکەش کرد،  لە بەشێکی تری چالاکیەکەدا دابەشکردنی گوڵ بوو بەسەر خانماندا لە لایەن بەڕێز سەرۆکی زانکۆو ڕاگرە بەڕێزەکانەوە، دواتر شیرینی دابەشکراو بە ئاهەنگ و هەڵپەڕکێ بە کۆتا گەیشت چالاکییەکە.