ڕۆژی یه‌كشەممە ڕێکەوتی 2023/8/27 دكتۆر پشتیوان فه‌ره‌ج به‌ڕێوه‌به‌ری سه‌نته‌ری په‌ره‌پێدان و ڕاهێنانی زانكۆی چه‌رموو ژماره‌یه‌ك په‌رتووكی دیكۆمێنتاری بۆ كتێبخانه‌ی ناوه‌ندی دابینكرد، په‌رتووكه‌كانیش له‌لایه‌ن سامان سەلام لێپرسراوی بەشی دیکۆمێنتاری کەناڵی کوردساته‌وه‌ پێشكه‌شی زانكۆی چه‌رمووی كرابوو.

دكتۆر پشتیوان فه‌ره‌ج ڕایگه‌یاند ئه‌مڕۆ توانیمان زیاتر له‌ سه‌د په‌رتووك له‌ بواره‌كانی  فه‌رهه‌نگی و كه‌لتوری و زانستی و ئه‌ده‌بی و ئینسکلۆپیدیا بۆ كتێبخانه‌ی ناوه‌ندیی زانكۆی چه‌رموو دابین بكه‌ین، وتیشی سه‌رجه‌م په‌رتووكه‌كان له‌لایه‌ن سامان سەلام لێپرسراوی بەشی دیکۆمێنتاری کەناڵی کوردساته‌وه‌ پێشكه‌شی زانكۆی چه‌رموو كرابوو.

كتیێخانه‌ی ناوه‌ندیی زانكۆی چه‌رموو له‌ ئێستا خاوه‌نی زیاتر له‌ بیست هه‌زار په‌رتووكه‌، ئه‌مه‌ش سودێكی باشی ده‌بێت بۆ خوێندكاران و توێژه‌ران.

فۆتۆ: توانا هادی