كۆلێژی زانست: سەرۆکی بەشی فیزیا گرانتێکی نێودەوڵەتی بە دەستهێنا
د. فرمێسک جهلیل ئەبوبەکر سەرۆکی بەشی فیزیا/کۆلێژی زانست لە زانکۆی چەرموو، توانی گرانتێک بۆسکوڵێکی چوار رۆژە دەربارەی بەکارھێنانی تیشک لە چارەسەرکردنی شێرپەنجەدا بەدەستبھێنێت.
گرانتەکە لەلایەن Physics without frontiers-ICTP سەنتەری نێودەوڵەتی عبدالسلام بۆ فیزیایی تیۆری لە وڵاتی ئیتاڵیا دابین دەکرێت.
ئامانجی ئەم سەنتەرە بریتیە لە پەروەردەکردنی خوێندکارانی زانکۆ لە بەشەکانی فیزیا و بیرکاری لە سەرانسەری جیھان، بەتایبەتی لەو وڵاتانەی کە کەمو کورتییان ھەیە لە رووی زانست و تەکنۆلۆجیاوە بەمەبەستی ناساندن و پەرەسەندن ئەم بابەتانە بە نەوەی داھاتووی زانست و راھێنانی خوێندکارانی زانکۆ لە وانە بناغەییەکان و توێژینەوە بەبایەخەکان لە بواری فیزیا و بیرکاریدا بە بەکارھێنانی رێگای پرسیارکردن و تاقیکردنەوەی پراکتیکی، ھەروەھا فێرکردنی کارامەییە بەسودەکانی بواری پرۆگرامین و زانیاری دەربارەی ئامێرەکان.