ڕۆژی چوارشه‌ممه‌ ڕێكه‌وتی 2023/9/27  له‌ مه‌راسیمێكدا به‌ ئاماده‌بوونی دكتۆر هه‌ڵه‌ت ڕه‌شید سه‌رۆكی زانكۆی چه‌رموو ، بڕوانامه‌ی به‌شداربوون پێشكه‌شی وۆركشۆپی (ده‌ستپێك)كرا، سه‌رۆكی زانكۆ هیوای سه‌ركه‌وتنی بۆ خوێندكاران و ده‌رچووانی زانكۆی چه‌رموو خواست.

پرۆژەی دەستپێك پرۆژەیەكی هاوبەشی نێوان وەزارەتی خوێندنی باڵا و ڕێكخراوی (GIZ)ی ئەڵمانییە كە لە حەوت زانكۆی هەرێمی كوردستان جێبەجێدەكرێت، له‌ وۆركشۆپه‌كه‌دا (32) سی و دوو خوێندكار و ده‌رچووی زانكۆی چه‌رموو به‌شداربوون.

مامۆستایانی یاریده‌ده‌ر (هاوار فازڵ ، پشتیوان فازڵ) ڕاهێنه‌ر (TOT) توانیان به‌ سه‌ركه‌وتووی وۆركشۆپه‌كه‌ به‌ڕێوه‌به‌رن كه‌ ماوه‌ی دوو ڕۆژی خایاند.