ڕۆژی سێشه‌ممه‌ ڕێكه‌وتی 2023/5/16 به‌ ئاماده‌بونی پرۆفیسۆری یاریده‌ده‌ر. د. هاوژین عه‌بدولخالق یاریده‌ده‌ری سه‌رۆكی زانكۆ بۆ كاروباری خوێندكاران و ڕاگری كۆلێژی په‌روه‌رده‌  و راگری كۆلێژی زانست و شێخ موحسن جێگری مه‌ڵبه‌ندی (12)ی ڕێكخستنی چه‌مچه‌ماڵی یه‌كێتیی نیشتیمانیی كوردستان و به‌ڕێوه‌به‌ری فه‌رمانگه‌كان و خوێندكاران، زانكۆی چه‌رموو سوپاس و پێزانینی به‌خشییه‌ ئه‌و خوێندكار و فه‌رمانبه‌رانه‌ی كه‌ له‌ مانگی ڕه‌مه‌زاندا هاوكاری ستافی به‌ڕێوه‌به‌رێتی به‌شه‌ناوخۆییه‌كانی (كچان و كوڕان) بوون.

له‌ وته‌یه‌كدا یاریده‌ده‌ره‌كه‌ی سه‌رۆكی زانكۆ به‌خێرهاتنی میوانه‌كانی كرد و ده‌ستخۆشی هه‌بوو بۆ ئه‌و خوێندكار و فه‌رمانبه‌رانه‌ی‌ كه‌ له‌ ماوه‌ی مانگی ڕه‌مه‌زاندا  دڵسۆزانه‌ و ماندوونه‌ناسانه‌ هاوكاری بوونه‌ بۆ ڕێكخستنی ئێواره‌خوانه‌كان.

هه‌رێم عه‌بدوڵڵا به‌ڕێوه‌به‌ری به‌ڕێوه‌به‌رێتی به‌شه‌ناوخۆییه‌كان ڕایگه‌یاند زانكۆی چه‌رموو به‌ ئه‌ركی خۆی ده‌زانێت سوپاس و پێزانین  پێشكه‌شی ئه‌و خوێندكار و فه‌رمانبه‌رانه‌ بكات كه‌ له‌ مانگی ڕه‌مه‌زانی پیرۆزدا هاوکاری ستافی به‌ڕێوه‌به‌رێتی بەشەناوخوییەکان (كچان، كوڕان) بوون لە کارە مرۆیی و خێرخوازییەکاندا.

هه‌ر له‌ مه‌راسیمه‌كه‌شدا چه‌ند پارچه‌ موزیكێك له‌ لایه‌ن دوو خوێندكاره‌وه‌ پێشكه‌شكرا، خوێندكاره‌كانیش ئاماژه‌یان به‌وه‌ ده‌كرد كه‌  پێدانی ئه‌م سوپاس و پێزانینه‌ له‌لایه‌ن زانكۆوه‌ هاندانێكی باشه‌ تاكو بتوانین له‌ ئاینده‌دا باشترین خزمه‌ت به‌ زانكۆی چه‌رموو بكه‌ین.

فۆتۆ: توانا هادی