Dende o CEIP Plurilingüe de Chancelas consideramos imprescindible traballar a alimentación do noso alumnado, máis se cabe dende que esta pandemia nos obrigou a permanecer na casa adoptando roles moito máis sedentarios e con menos actividade física.

Vimos detectando nas súas merendas un aumento importante de alimentos ultraprocesados, cunha alta carga en azucre refinado e sal. Este tipo de alimentación afecta non só á saúde do alumnado senón tamén ao seu rendemento académico.

O cerebro necesita azucre, pero non refinado e branco, senón un chamado GLUCOSA, que se obtén principalmente da froita, da cal tamén se reciben grandes cantidades de vitaminas que manteñen o noso sistema inmunitario forte.

As empresas coa súa publicidade tratan de que merquemos os seus productos e recurren a todo tipo de estratexias, como é o caso dos famosos "Actimeles" e os seus supostos beneficios polas bacterias probióticas, "L. casei inmunitas", publicidade enganosa que tiveron que retirar do mercado e que aínda así trascendeu na mente d@s consumidores/as, que en moitos casos consideran ese producto ten certo beneficio para os nenos e nenas pequenas.

Dende esta web trataremos de resolver esas dúbidas con información clara e precisa e algúns vídeos de exemplo.

ALIMENTOS PERXUDICIAIS OU MOI PERXUDICIAIS

ALIMENTOS MOI CONTROVERTIDOS

BEBIDAS PERXUDICIAIS OU MOI PERXUDICIAIS