• Teideal: Ról na Lárcheannairí - Cuid 1

• Dáta: Dé Céadaoin 27 Aibreán 2022

• Am: 3.30in - 4.15in

• Dírithe ar: Gach eochairchéim

• Tuilleadh eolais faoin cheardlann: Tá an cheardlann seo dírithe ar cheannairí na hearnála. Díreofar ar ghnéithe ceannasaíochta a bheadh amhlaidh ag ceannaire curaclaim ar bith agus déanfar tagairt ar shamplaí ó na croíachair, Litearthacht agus Uimhearthacht ach go háirithe. Sa cheardlann áirithe seo ( Cuid 1), beidh faill ag rannpháirtithe príomhdhualgaisí comhordaitheora a fhiosrú agus beidh fócas ar leith ar Mheastóireacht agus ar Mhonatóireacht. Cuideoidh seo le ceannairí sna Gaelscoileanna meastóireacht a dhéanamh ar obair na bliana agus ar shealbhú teanga agus foghlama.

• Beidh ceardlann eile (Cuid 2) ar fáil i Mí Mheithimh a dhéanfaidh forbairt ar ábhar Cuid 1.

• Tabhair faoi deara go bhfuil an cheardlann seo ar siúl ar an Chéadaoin.

• Teideal: Cruinneas agus Saibhreas Teanga – Ceardlann 4

• Dáta: Dé Máirt 10 Bealtaine 2022

• Am: 3.45in - 4.30in

• Dírithe ar: Gach Eochairchéim - múinteoirí agus cúntóirí (a bhfuil líofacht acu)

• Tuilleadh eolais faoin cheardlann: Cuirfidh an Dochtúir Pádraig Ó Coileáin an cheardlann seo i láthair. Is í seo an ceathrú ceardlann ar ‘Cruinneas agus Saibhreas Teanga’ as cúig cinn. Is múinteoir Gaeilge é Pádraig le breis is 20 bliain de thaithí. Is saineolaí é ar chruinneas agus ar shaibhreas na teanga agus le linn na gceardlann beidh sé ag díriú isteach ar mhórghnéithe teanga/gramadaí agus ar mheancóga coitianta is neamhchoitianta.

• Teideal: Forbairt ar Scileanna Tuisceana

• Dáta: Dé Máirt 31 Bealtaine 2022

• Am: 3.30in - 4.15in

• Dírithe ar: Gach Eochairchéim

• Tuilleadh eolais faoin cheardlann: Sa cheardlann seo beidh muid ag amharc ar an dóigh chun forbairt a dhéanamh ar scileanna tuisceana daltaí. Beidh muid ag amharc ar na mórstraitéisí tuisceana: na cinn is coitianta agus na cinn nach bhfuil chomh coitianta. Amharcfar ar an dóigh is fearr chun na straitéisí seo a chur i bhfeidhm sa rang agus fosta ar an ról mór atá ag tuistí i bhforbairt na tuisceana.

• Teideal: Cruinneas agus Saibhreas Teanga – Ceardlann 5

• Dáta: Dé Máirt 7 Meitheamh 2022

• Am: 3.45in - 4.30in

• Dírithe ar: Gach Eochairchéim - múinteoirí agus cúntóirí (a bhfuil líofacht acu)

• Tuilleadh eolais faoin cheardlann: Cuirfidh an Dochtúir Pádraig Ó Coileáin an cheardlann seo i láthair. Is í seo an cúigiú ceardlann ar ‘Cruinneas agus Saibhreas Teanga’. Is múinteoir Gaeilge é Pádraig le breis is 20 bliain de thaithí. Is saineolaí é ar chruinneas agus ar shaibhreas na teanga agus le linn na gceardlann beidh sé ag díriú isteach ar mhórghnéithe teanga/gramadaí agus ar mheancóga coitianta is neamhchoitianta.

.

• Teideal: Ról na Lárcheannairí - Cuid 2

• Dáta: Dé Máirt 14 Meitheamh 2022

• Am: 3.30in - 4.15in

• Dírithe ar: Gach eochairchéim

• Tuilleadh eolais faoin cheardlann: Sa cheardlann seo beidh muid ag amharc ar an ról mór tábhachtach a bhíonn ag Ceannairí Foghlama inár scoileanna.

• Déanfaidh an cheardlann seo forbairt ar ábhar Cuid 1 (27 Aibreán)

• Teideal: An Coirnéal Cúraim – Ceardlann 3

• Dáta: Dé Mairt 21 Meitheamh 2022

• Am: 3.30in - 4.15in

• Dírithe ar: Múinteoirí atá ag tús a ngairme

• Tuilleadh eolais faoin cheardlann: Tabharfaidh an cheardlann seo seans do mhúinteoirí, atá ag tús a ngairme, réimse leathan de ghnéithe a phlé a bhaineann leis an cheird s’againn.

Thig leis an turas ag tús do ghairme bheith dúshlánach ar chuid mhór dóigheanna, go háirithe agus muid faoi smacht na paindéime COVID, agus is minic a bhíonn neart ceisteanna againn nó comhairle de dhíth orainn ar réimse leathan ábhar.

Mar sin de, ba bhreá linn tú bheith linn ag an cheardlann. Beidh seans agat bualadh le múinteoirí eile atá nua ar an ghairm agus seans iontach agat ceisteanna a chur, comhairle a fháil agus eolas a roinnt. Más múinteoir tú atá úr ar an cheird nó ar an earnáil nó atá ag obair san earnáil le cúpla bliain anuas tá fearadh na fáilte romhat.