Cysylltu â ni
E-bostiwch grassroots@bi.team i fynegi diddordeb neu i gael rhagor o wybodaeth
Fel arall, archebwch alwad gyda ni’n uniongyrchol – os ydych chi’n aelod o’r UDA neu’n gallu trefnu i aelod o’r UDA ymuno â chi ar alwad am y prosiect hwn, cliciwch yma i drefnu galwad gynadledda gyda ni nawr.
Crynodeb
Rydym yn gwahodd ysgolion uwchradd prif ffrwd y wladwriaeth yn eich rhanbarth i gymryd rhan mewn treial newydd cyffrous o raglen sy’n grymuso disgyblion i feithrin cysylltiadau cymdeithasol cadarnhaol yn yr ysgol.
Bydd yr ysgolion sy’n cymryd rhan yn cael:
NAILL AI rhaglen Grassroots (am ddim!) NEU £750
A £500 os yw eich ysgol yn cael ei dewis i gymryd rhan mewn astudiaeth achos e.e. cyfweliadau a grwpiau ffocws
Mynediad at y cwricwlwm Grassroots llawn (a oedd yn lleihau’r gwrthdaro rhwng disgyblion hyd at 60% yn yr Unol Daleithiau) ar ôl y treial
Y cyfle i weithio gyda’r YEF a’r EEF i adeiladu tystiolaeth arloesol ar yr hyn sy’n gweithio i leihau bwlio a gwrthdaro mewn ysgolion
Cyfle o 50% i gael ymweliadau am ddim bob pythefnos gan hwylusydd hyfforddedig, a fyddai’n cefnogi grŵp o ddisgyblion i ledaenu ymddygiad cymdeithasol cadarnhaol yn eich ysgol
Beth?
Rydym yn cynnal y treial cyntaf erioed yn y DU ar gyfer rhaglen Grassroots. Nod y rhaglen yw lleihau bwlio a gwrthdaro mewn ysgolion drwy rymuso grŵp o tua 30 o ddisgyblion i gael effaith gadarnhaol ar eu cyfoedion. Mae pob disgybl Blwyddyn 7-10 yn llenwi arolwg sy’n cael ei ddefnyddio i adnabod grŵp o tua 30 o fyfyrwyr Blwyddyn 7 - 9 a nifer fach o fyfyrwyr Blwyddyn 10 sydd, rhyngddynt, yn gallu cynrychioli corff cyfan y myfyrwyr. Mae’r disgyblion Blwyddyn 7 - 9 hyn yn ffurfio’r ‘grŵp cychwynnol’ ac yn mynychu 10 sesiwn bob pythefnos i greu gweithgareddau pwrpasol i leihau gwrthdaro yn yr ysgol. Bydd y disgyblion Blwyddyn 10 yn gweithredu fel ‘cynghorwyr arbennigol’ i’r grŵp o bryd i’w gilydd.
Yn ystod y sesiynau hyn, bydd hwyluswyr Grassroots yn cefnogi disgyblion i wneud y canlynol:
Nodi meysydd i’w gwella o ran rhyngweithio â myfyrwyr
Creu atebion posibl (e.e. gweithgareddau y gallent eu gwneud)
Darparu cyfleoedd ar gyfer gweithredu
Gwneud mentrau’n weladwy i eraill
Canfu astudiaeth fawr yn yr Unol Daleithiau fod yr ymyriad hwn (sydd bellach wedi cael ei addasu ar gyfer ysgolion y DU) wedi lleihau hyd at 60% ar wrthdaro rhwng myfyrwyr. Roedd y disgyblion yn teimlo eu bod wedi cael eu grymuso gan y sesiynau hyn ac wedi dechrau gweithgareddau fel herio eu hunain i ddangos ymddygiad cymdeithasol, rhannu negeseuon cadarnhaol gan ddefnyddio posteri a chyfryngau cymdeithasol, a rhannu bandiau arddwrn â myfyrwyr a oedd wedi gwneud safiad yn erbyn bwlio.
Sut a phryd?
Bydd y treial yn dechrau ym mis Medi 2023 ond mae nifer y lleoedd mewn ysgolion yn gyfyngedig, felly cofrestrwch heddiw!
Rydym yn profi effaith Grassroots gan ddefnyddio hap-dreial wedi’i reoli (RCT). Mae hyn yn golygu y bydd yr ysgolion sy’n cymryd rhan yn y treial yn cael eu dyrannu ar hap naill ai i fod yn yr ymyriad neu’r grŵp rheoli.
Bydd ysgolion yn y grŵp ymyrraeth yn cael y rhaglen ym mlwyddyn ysgol 2023-2024.
Bydd ysgolion yn y grŵp rheoli yn derbyn £750 i gymryd rhan yn y gweithgareddau gwerthuso ond fel arall byddant yn parhau â’u harferion arferol y flwyddyn nesaf, ac ni fyddant yn gweithredu Grassroots. Byddant yn cael mynediad i’r cwricwlwm ar ddiwedd y treial.
Beth yw’r manteision i fy ysgol?
Bydd yr ysgolion sy’n cymryd rhan yn cael:
NAILL AI rhaglen Grassroots (am ddim!) NEU £750
A £500 os yw eich ysgol yn cael ei dewis i gymryd rhan mewn astudiaeth achos e.e. cyfweliadau a grwpiau ffocws
Mynediad at y cwricwlwm Grassroots llawn (a oedd yn lleihau’r gwrthdaro rhwng disgyblion hyd at 60% yn yr Unol Daleithiau) ar ôl y treial
Y cyfle i weithio gyda’r YEF a’r EEF i adeiladu tystiolaeth arloesol ar yr hyn sy’n gweithio i leihau bwlio a gwrthdaro mewn ysgolion
Cyfle o 50% i gael ymweliadau am ddim bob pythefnos gan hwylusydd hyfforddedig, a fyddai’n cefnogi grŵp o ddisgyblion i ledaenu ymddygiad cymdeithasol cadarnhaol yn eich ysgol
I gael rhagor o wybodaeth, cliciwch yma
Rhanbarthau
Dyma’r ardaloedd daearyddol wedi’u cynnwys gan y treial Grassroots, yn nhrefn yr wyddor:
Cyngor Abertawe
Cyngor Blaenau Gwent
Cyngor Bro Morgannwg
Cyngor Bwrdeistref Sirol Pen-y-bont ar Ogwr
Cyngor Caerffili
Cyngor Casnewydd
Cyngor Castell-nedd Port Talbot
Cyngor Dinas Caerdydd
Cyngor Merthyr Tudful
Cyngor Rhondda Cynon Taf
Cyngor Sir Ceredigion
Cyngor Sir Fynwy
Cyngor Sir Gâr
Cyngor Sir Penfro
Cyngor Sir Powys
Cyngor Torfaen
Cwrdd â’r Tîm
Mae’r rhaglen Grassroots yn cael ei darparu gan dîm o arbenigwyr gyda gwybodaeth am
ymddygiad ac addysg gan y Tîm Dirnadaethau Ymddygiadol (BIT).
Anna Bird
Goruchwylio’r Prosiect
Mae Anna yn Brif Ymgynghorydd yn y tîm Addysg yn BIT. Cyn gweithio yn BIT, Anna oedd Pennaeth Ymchwil y Comisiwn Symudedd Cymdeithasol ac arweiniodd ymchwil ar les pobl ifanc ar gyfer yr Adran Gwaith a Phensiynau. Bu Anna hefyd yn gweithio mewn ymgynghoriaeth ymchwil fyd-eang.
Kathryn Atherton
Arweinydd y Prosiect
Mae Kathryn yn Brif Ymgynghorydd yn y tîm Addysg yn BIT. Cyn ymuno â BIT, roedd yn niwrowyddonydd ôl-ddoethurol ym Mhrifysgol Rhydychen yn archwilio mecanweithiau niwral dysgu a chof. Roedd Kathryn hefyd yn athrawes ysgol.
Callum O'Mahony
Swyddog Cyswllt y Prosiect
Mae Callum yn Ymgynghorydd Cyswllt yn nhîm Addysg BIT. Mae wedi gweithio ar amrywiaeth o brosiectau ymchwil sy’n ceisio gwella canlyniadau ym maes addysg gyda phartneriaid gan gynnwys yr Adran Addysg, Nesta a’r Sefydliad Gwaddol Addysgol. Cyn hyn, roedd Callum wedi hyfforddi i fod yn athro ysgol.
Julia Ryle-Hodges
Swyddog Cyswllt y Prosiect
Mae Julia yn Ymgynghorydd Cyswllt yn y tîm Addysg yn BIT. Cyn ymuno, treuliodd Julia bum mlynedd fel athrawes ysgol ac roedd yn gynorthwyydd ymchwil yn yr Adran Seicoleg ym Mhrifysgol Rhydychen, lle bu’n gwerthuso effaith ymyriadau iaith cynnar mewn ysgolion.
Mae’r treial hwn o Grassroots yn cael ei ariannu gan y Sefydliad Gwaddol Addysgol a’r Gronfa Waddol Ieuenctid.
Caiff rhaglen Grassroots ei gwerthuso gan IOE, Cyfadran Addysg a Chymdeithas UCL.