Karen

ဆူ ကၠိဖိမိၢ်ပၢ်သ့ၣ်တဖၣ်                                                                                      

ဒ် ပတၢ်အၢၣ်လီၤအိၣ်ဝဲအသိး ကၠိဖိတဖၣ်  အတၢ်ကူၣ်ဘၣ်ကူၣ်သ့ကဂ့ၤထီၣ် အဂီၢ် ပအိၣ်ဒီး တၢ်ဒိးစဲး တၢ်ခံကွၢ် စီၤကွၢ် ကၠိဖိတဖၣ် လၢ ဒီတနံၣ်ညါ အတီၢ်ပူၤလီၤ. အဲးခြၢၢ်ပဒိၣ်ကၠိတဖၣ်ဆူးကါဝဲ  i-Ready လၢ တၢ်မၤကွၢ် ကၠိဖိတဖၣ်အဂီၢ် စးထီၣ်လၢ K-8 တီၤဘျီကၠိတုၤ ၈ တီၤ ကၠိဖိတဖၣ်အဂီၢ် န့ၣ်လီၤ. မ့မ့ၢ် လၢ  ၉တီၤ တုၤ ၁၂ တီၤန့ၣ် ဆိကါ ဝဲ Renaissance STAR န့ၣ်လီၤ. ကၠိဖိတဖၣ် ဒိးစဲ ခီဖျိတၢ်တဖၣ်အံၤလီၤ. 

 iReady/STAR  အမးတဖၣ်အံၤ ဒုးသ့ၣ်ညါပှၤလၢ ပပှၤကၠိဖိအံၤ ဘၣ်ထွဲဒီး လံာ်ဖးဒီး တၢ်ဒွးန့ၣ် အတၢ်လဲၤထီၣ်လဲၤထီအိၣ်ဆံးအလဲၣ်န့ၣ်လီၤ. မ့ၢ်တၢ်အကါဒိၣ်လၢ သရၣ်သရၣ်မုၣ်တဖၣ် ကသ့ၣ်ညါ ဝဲ ကၠိဖိ အံၤ အဂံၢ်ဆူၣ်ဖဲလဲၣ် ဒီး အဂံၢ်စၢ် လၢ ကဘၣ်မၤဂ့ၤ ထီၣ် မနုၤတဖၣ်လဲၣ် န့ၣ်လီၤ. 

အအံၤ မ့ၢ် ဝဲ ပကၠိအတၢ်လဲၤတရံးအသးဒီတခါ ညါ လၢ ပကမၤထီၣ်မၤထီ ကၠိဖိတဖၣ် အတၢ်ကူၣ်ဘၣ်ကူၣ်သ့အဂီၢ် န့ၣ်လီၤ. 

ကီၢ်စဲၣ်ပဒိၣ်တၢ်ဒိးစဲးစ့ၣ်ကိး တၢ်ဒိးစဲးလၢအကါဒိၣ်ဒီး ကၠိဖိတဒိးဘၣ်တသ့ဘၣ် ဒီး မ့ၢ် တၢ်မၤကွၢ် ကၠိဖိ အတၢ်ကူၣ်ဘၣ်ကူၣ်သ့ အတၢ်သ့ၣ်ညါ အတၢ်ဒိၣ်ထီၣ်ထီထီၣ်အဂ့ၢ် န့ၣ်လီၤ. တၢ်အစၢတဖၣ် မၤစၢၤပှၤလၢ ပကသ့ၣ်ညါ ဘၣ် ကၠိဖိ အတၢ်ဂံၢ်ဆူၣ်ဘါဆူၣ်ဒီး တၢ်လၢ အကဘၣ် မၤဂ့ၤထီၣ်ဝဲ တဖၣ် န့ၣ်လီၤ. တၢ်အစၢတဖၣ် မၤစၢၤပှၤလၢ ကပထုးထီၣ်တၢ်သိၣ်လိလၢ အကြၢးဝဲဘၣ်ဝဲဒီးကၠိဖိတဂၤဘၣ်တဂၤ အတၢ်လိၣ်ဘၣ် အ၈ီၢ်န့ၣ်လီၤ. 

နကၠိဖိ အတၢ်ဒိးစဲး iReady/STAR  အတၢ်ဒိးစဲးအမးတဖၣ် ကဒိးန့ၢ်ဘၣ်ဝဲ ဖဲအဝဲ ဒိးန့ၢ်ဘၣ်  အရံၣ်ပိးကး လၢ အကဟဲအံၤန့ၣ်လီၤ. 

အရ့ဒိၣ်ဝဲဒၣ်လၢ နၤဒီး နဖိ နကကွၢ်လီၤတံၢ် နဖိ အရံၣ်ပိးကး အမးတဖၣ် လီၤတံၢ်လီၤဆဲးန့ၣ်လီၤ. နတၢ်သံကွၢ်မ့ၢ်အိၣ်မ့တမ့ၢ် နမ့ၢ်လိၣ်ဘၣ်ပှၤကျိာ်ထံန့နၤအဃိ ဝံသးစူၤ ဆဲးကျၢဘၣ် နဖိအကၠိသရၣ် မ့တမ့ၢ် ကၠိခိၣ် တက့ၢ်. ပအိၣ်ဖဲအံၤလၢ ပကမၤစၢၤနၤဒီး မၤလီၤတံၢ်လၢ နကနၢ်ပၢၢ် နဖိ အတၢ်ကူၣ်ဘၣ်ကူၣ်သ့ အတၢ်လဲၤထီၣ်လဲၤထီ ဆှံဆှံန့ၣ်လီၤ. 

ပကၠိတဖၣ် ကအိၣ်ဒံးဒီး တၢ်အိၣ်ဖှိၣ်ဘၣ်ဃးဒီး iReady/STAR တၢ်ဒိးစဲးအစၢတဖၣ် ဒ်သိး ပကကတိၤသကိး ကၠိဖိတဂၤဘၣ်တဂၤ အတၢ်လဲၤထီလဲၤထီအဂ့ၢ်, ဒီးဃုကျဲလၢ ပကမၤစၢၤ အဝဲသ့ၣ် ဃုာ်ဒီး ဟံၣ်ဖိဃီဖိ လၢကၠိဖိအံၤ အတၢ်လဲၤထီၣ်လဲၤထီအဂီၢ်န့ၣ်လီၤ. 

တၢ်ဘျုးဒိၣ်မးလၢ နနာ်န့ၢ်ပှၤလၢ နဖိအတၢ်ကူၣ်ဘၣ်ကူၣ်သ့အဂီၢ် အဃိန့ၣ်လီၤ. ပမုၢ်လၢ်လၢ ပကဖီၣ်လိာ်စု ဒီး မၤသကိး တၢ်ဆူညါ ဒ်သိးသိး လၢ နဖိ အတၢ်ဒိၣ်ထီၣ် ဒီး အတၢ်မၤနၢၤအဂီၢ် န့ၣ်လီၤ. 

ပှဲၤတၢ်ယူးယီၣ်,

Dr. Michael Robinson

ပှၤပၢဆှၢတၢ်ခိၣ်ကျၢၢ်, အဲးခြၢၢ်ပဒိၣ်ကၠိတဖၣ် 

စကဲလၢ တၢ်ကျိာ်ထံအဂီၢ်