Rabarbara sýróp með vanillu prentvæn útgáfa

Hinn auðmjúki rabarbari er "in" heitasti ávöxturinn í dag...... Þá er best að skjótast útí garð og ná sér í nokkra stilka:-)Allskonar rabarbara uppskriftir eru í gangi, hér er ein sem ég féll fyrir. Það er hægt að nota sýrópið útí kokteila eða setja góðan slurk útí sódavatnið með kreistu af lime til að gefa því frískandi sumarbragð. Svo er það svo fallegt á litinn, yndislega rauðbleikt.

Það sem til þarf er:

250 gr. saxaður rabarbari

1 bolli sykur

2 msk. hunang

2 bollar vatn

1/4 tsk. kanell

1/4 tsk. nýrifið múskat

1/2 vanillustöng, fræin skafin út

Svona geri ég:

Rabarbaranum ásamt restinni af innihaldinu er skutlað í pott. Vanillustöngin er klofin og fræin safin úr með bakinu á hníf og sett í pottinn ásamt hýðinu og suðan látin koma upp, og mallað í 5-7 mínútur, hrært í af og til. Potturinn er tekinn af hitanum og maukið látið kólna alveg. Rabarbarinn er síaður frá sýrópinu (upplagt að nota það t.d. útí jógúrtina eða með ostaköku), mér fannst best að sía það fyrst í gróft sigti og síðan 2-3 sinnum í gegnum fínt sigti. Sýrópið er sett í flösku og geymt í kæli yfir nótt og til að fá alveg tært sýróp, sigtaði ég það aftur og henti botnfallinu. Sýrópið geymist í kæli í 2 vikur.

Verði þér að góðu :-)