Sveppafyllt horn

Mjög góð smjördeigshorn, með steiktum sveppum, lauk og sýrðum rjóma. Má frysta óbökuð, svo það er upplag að gera þau fyrirfram.

Það sem til þarf ca. 35 stk. er:

2 pakkar smjördeig

2 box sveppir, sneiddir

40 gr. smjör

1 laukur, saxaður

1/4 bolli sýrður rjómi

1 egg, þeytt

Kúmen ef vill

Svona gerum við:

Sveppirnir og laukurinn er steikt í smjörinu. Sýrða rjómanum er bætt á pönnuna, kryddað með salti, pipar og mallað í 5-10 mín. á lágum hita. Ofninn hitaður í 200°C, degið flatt út á borð í 50 mm þykkt og fernhyrningur sem er ca.10x10 cm skoinn út úr deginu og 1 msk. af sveppamauki sett í miðjuna og kantarnir penslaðir með eggi og ferningnum síðan lokað með því að leggja hann horn í horn og klemmt saman með því að þrýsta gaffli á kantinn. Hornin eru síðan pensluð með þeyttu eggi og ef þú vilt er kúmenfræjum stráð yfir og þau bökuð í um 15 mín., þar til þau eru gyllt og gegnheit. Má frysta óbökuð.

Verði þér að góðu :-)