Laxarúllur með dilli

Gómsætar og einfaldar. Hljómar eins og draumur, svo er líka ekkert mál að búa þær til daginn áður en þú ætlar að nota þær.

Það sem til þarf ca. 30 bitar er:

3 Tunnbröd frá Polarbröd (fæst í flestum búðum)

1 dós sýrður rjómi 18%

200 gr. reyktur lax, saxaður

1 pakki ferst dill, smátt saxað

¼ tesk. sítrónusafi

En svona eru þær gerðar:

Sýrða rjómanum, laxinum, dilli og sítrónusafa blandað í skál. Blöndunni er skipt á milli brauðanna og smurt útí jaðrana nema á annarri langhliðinni þá skilurðu eftir um 1 cm ósmurðann. Svo rúllarðu brauðinu upp á langhliðinni, mér finnst gott að láta brauðið bíða í svona 1 klst. í ísskáp áður en ég sker það niður í bita.

Verði þér að góðu :-)