Saltkaramella með pekanhnetum

Ok.... smá játning, þegar ég geri svona karamellu á ég erfitt með að hafa hemil á græðginni, mér finnst hún sjúklega góð og tími helst ekki að gefa með mér bita, ég veit að það er ekki fallegt :-( Það er ekki ofsagt að hún sé mjög vanabindandi. Kannski verður þú eins og ég, en allavega er ég búin að varað þig við.....

Það sem til þarf er:

150 gr. pekanhnetur

200 gr. sykur

100 gr. smjör

1ö2 mskk. vatn

Sjávarsalt, flögur

Svona gerum við nammið:

Pekanhneturnr eru settar á vel smurða plötu. Sykur smjör og vatn er sett í þykkbotna pott, og hitað á meðalhita, þar til allt er bráðið, hrært varlega í á meðan. Hitinn er hækkaður og þegar fera að búbbla í sykrinum er klukka stillt á 5 mín. EKKI LÁTA NEITT TRUFLA ÞIG Á MEÐAN þú hræri varlega í á meðan karmellan sýður í 5 mínúturnar. Málið er að hún þarf að ná rétturm gulbrúnum lit, annars er hún með hráabragði og ekki góð. Þetta kemur á milli 4 og 5 mín. og munar öllu í bragði. Þegar karamellan er soðin er helli hellt yfir hneturnar en farðu varlega HEITT HEITT HEITT ekki láta slettast á þig. Láttu karamelluna bíða i 10 sec., áður en þú stráir svo sjávarsatlflögum yfir og læltur svo karamelluna kólna alveg. Þegar karamellan er orðin hörð er hún brotin í hæfilega bita, þú ræður hvaða tækni þú notar. Sumir brjóta hana með tilþrifum og sveifla kökukelinu á hana.... bamm.. :-) Ég tók myndhöggvarann á þetta og braut hana í sundur með sterkum hníf sem ég barði á með buffhamri .... búmm, mátulegir munnbitar =D Þú veist að það er ljótt að gefa ekki með sér, svo bjóddu fólkinu þinu bita með þér.

Verði þér að góðu :-)