Það semt il þarf er:

F. 2-3

1 grísalund, sinahreinsuð

Sjávarsalt og nýmalaður svartur pipar

1 msk. olía

1/2 bolli appelsínusafi

1/ bolli púðursykur

1/2 tsk. kanill

1 tsk. sítrónusafi

2 msk. hunang

1 appelsína, í sneiðum

Meðlæti:

Gula salatið

Hér er á ferðinni dásamlega góð uppskrift af grísalundum með appelsínu, og sætum kanilgljáa.  Það tekur enga stund að elda hana, svo hún er tilvalin í kvöldmatinn.  Lundirnar eru frábærar með Gula salatinu og hrísgrjónum, endilega prófaðu ;-)

Svona geri ég:

Ofninn er hitaður i 180°C.  Lundin er sinahreinsuð, söltuð og pipruð.  Olían er hituð í  rúmgóðri pönnu, á háum hita og lundinni lokað og hún brúnuð á öllum hliðum.  Tekin af hitanum og sett til hliðar.  Hitinn er lækkaður og pönnunni leyft aðeins að kólna, síðan er appelsínusafanum hellt á pönnuna, ásamt púðursykrinum og hrært í þar til hann leysist upp.  Kanil, sítrónu og hunangi er bætt út í sósuna og látið malla í henni í um 5 mín.  Ofnskúffa eða stórt fat, er klætt með bökunarpappír og appelsínusneiðunum raðað á pappírinn, síðan er lundin sett ofan á sneiðarnar og sósunni hellt yfir lundina.  Stungið í ofninn og lundin bökuð í 20 mín.  Tekin úr ofninum og látin hvílast í 5 mín. áður en hún er skorin.  Sósan er sett í skál og borin á borð með kjötinu, ásamt hrísgrjónum og góðu salati.

Verði þér að góðu :-)