Kjúklingalifrarpaté með Madeira

Foie gras hvað? Þetta lítilláta en ljúffenga kjúklingalifrar paté kemur mér til himna í einum munnbita....

Það sem til þarf í ca. 5 litlar krukkur er:

250gr. kjúklingalifur

300 gr. smjör

1 msk. Madeira

1 msk. Koníak

1 egg

1 eggjarauða

Toppur og skreyting:

1 dl hindberjasulta

Lárviðarlauf

Svört piparkorn

timiangreinar

En svona ferðu að:

Ofninn er hitaður í 120°C. Lifrin er hreinsuð og hökkuð. Lifur og vín er sett í matvinnsluvél og maukað. Smjörið er brætt og froðunni fleytt ofan af. Smjörinu er hellt í könnu og passað að hvíta undanrennan í botninum verði eftir og henni hent. Að lokum er eggi og rauðu bætt við, en ekki hræra mikið í eftir að eggin eru komin útí. 5 skálar eru smurðar að innan (mínar tóku tæpl. 1 dl hver). Skálarnar eru settar í vatnsbað og bakaðar í1 klst. Þegar patéið er orðið kalt er sultan hituð og henni hellt í gegnum sigti til að hreinsa kjarnana frá og svo er henni hellt í nokkuð þunnu lagi yfir. Svo er skreytt að vild, t.d. með timianlaufi, lárviðarlaufi eða piparkornum. Ég bar patéið fram með Maltaðri lauksultu og heimagerðu Toasts, sem er ekkert mál að gera, og betra en út úr búð uppskriftirnar eru á síðunni.

Verði þér að góðu :-)