Túnfisksteik með sesamhjúp

Túnfiskur er mjög hollur og rétt matreiddur er hann algert lostæti. Galdurinn er að steikja hann alls ekki of mikið.

Það sem til þarf f. 4 er:

4 túnfisksteikur

100 gr. sesamfræ

Meðlæti:

Klettasalat

Icebergsalat

Avókadó

Rauðlaukssulta

Sweet chili sósa

Tómatsalsa:

2 tómatar, fræhreinsaðir og skornir í bita

1 stórt hvítlauksrif, marið

2 msk. fínsaxaður kóriander

2 msk. extra virgin ólífu olía

1 msk. lime safi

Olía til að steika úr

Svona gerði ég:

Túnfiskurinn er afþýddur eins og segir á pakkningu, eða þú kaupir hann ferskan hjá fisksalanum þinum. Rauðlaukssultan er smökkuð til með chilisósunni og salatið gert klárt. Salsan er sett saman og geymd í kæli þar til steikurnar eru steikar. Steikurnar eru skornar í 3 lengjur hver og velt uppúr sesamfræum. Geymt í kæli í 15 mín. Olía er hituð í pönnu og túnfiskurinn er steiktur í smástund á hvorri hlið (varla 1/2 mín) saltað og piprað.

Verði þér að góðu :-)