Það sem til þarf er:

F. 3-4

500 gr. risarækjur, hráar, skelflettar, en með sporðskelinni ef hún er á

2 tsk. af hvoru, kóríander og cumin, fín möluðu

1 tsk.  af hverju, kanil, turmerik og chili dufti

1/2 tsk. reykt paprika

5 cm. ferskt engifer, gróf saxað

4 hvítlaukrif gróf söxuð

3 msk. tómatmauk

2 msk. af hvoru ferskur sítrónu safi og ólívu olía

1/2 bolli grísk jógúrt

1/4 tsk. salt

Raita sósa:

1/3 af gúrku

 1 bolli grísk jógúrt

1 tsk. gul sinnepsfræ

1/2 tsk. garam masala

Grænt chutney:

1/2 bolli kóríander lauf, fínt söxuð

1 grænt chili, fín saxað

1 hvítlauksrif, fín saxað

2 msk. lime safi

1 msk. ólívu olía

1/4 tsk. garam masala

Sjávarsalt

Meðlæti:  

Naan bauð ef þú vilt

Hér er á ferðinni flottur en léttur kvöldverður, þegar þig langar að kveikja upp í grillinu og fá þér eitthvað gott og svolítið framandi.  Venjulega er það kjúklingur sem er tandoori kryddaður, en rækjur eru dásamlegan þannig.  Endilega prófaðu :-)

Svona gerið ég:

Rækjurnar:  Allt þurrkryddið er steikt á þurri pönnu þar til að fer að ilma vel.  Sett í lítinn blandara, ásamt engifer, hvítlauk, tómatmauki, sítrónusafa, olíu, jógúrt og salti og maukað það til það er slétt og kekkjalaust.  Rækjurnar eru settar í rúmgóða skál og kryddmaukinu hrært saman við, svo það þeki allar rækjurnar, látnar marinerast í allavega 2 tíma.  Þá eru rækjurnar þræddar á góða grillpinna og síðan grillaðar á úti grilli í ca. 2 mín. á hvorri hlið.  Bornar á borð með raita sósunni og græna chutneyinu.

Raita sósan:  Gúrkan er rifin á grófu rifjárni.  Gott er að kreista mestan safa úr gúrkunni, í hnefanum, síðan er öllu hráefni í sósuna blandað saman.  

Græna chutneyið:  Öllu hráefninu er blandað saman í skál.

Verði þér að góðu:-)