Það sem til þarf er:

F. 2-3

15 tígrisrækjur, með haus og skel

1 msk. ólívu olía

2 msk. ferkst engifer, smátt saxað

1 msk. hvítlaukur, smátt saxaður

1 msk. þurrt Sherrý

4 msk. saltlítil soyja sósa

1/2 msk. sykur

1 tsk. nýmalaður svartur pipar

2 msk. vatn

2 mak. ferkur kóríander, saxaður

Við á mínu heimili elskum rækjur í flestum myndum.   Klassískar í hvítlaukssmjöri með góðu brauði, eru alltaf frábærar, svo það er gott að brjóta upp vanann og gera eitthvað nýtt.  Hér eru á ferðinni tígrisrækjur með austurlenskum keim, engifer, Sherrý, soja og hvítlauk.  Endilega prófaðu, þær eru geggjaðar ;-)

Svona geri ég:

Hausinn er tekinn af flestum rækjunum, en það er gott að geyma 2-3 með haus og skel til að skreyta með.  Skelin er klippt upp á bakinu og tekin af nema síðasti liðurinn með sporðinum, svarta röndin er tekin úr og skelinni hent.  Hvítlaukur og engifer er skorið fínt.  Olían er hituð á pönnu á meðalhita og hvítlaukurinn og engiferið er steikt í 1/2 -1 mín., þar til það fer að gefa frá sér góðan ilm. Rækjunum er bætt á pönnuna og þær steiktar í 1-2 mín., á meðan þú hrærir í pönnunni.  Sherrýinu er hellt á pönnuna og látið malla í augnablik, þá er sojunni hellt á pönnuna.  Sykri, vatni og pipar er bætt á pönnuna og hitinn hækkaður upp og látið sjóða í ca. 2 mín., á meðan hrært er í  pönnunni, svo sósan þeki allar rækjurnar, tekið af hitanum.  Rækjurnar eru tilbúnar þegar þær eru orðnar rauðar og hættar að skreppa saman.  Söxuðu kóríander er dreift yfir pönnuna og borið á borð með núðlum eða hrísgrjónum.

Verði þér að góðu :-)