Gellur a la Mosó

Ég er nýbúin að læra að borða og meta þessa litlu dásamlegu fisk mola.... jummý. Fisksalinn minn í Fiskbúðin Mos kenni mér að elda þær svona og hann lofaði að þetta klikkaði ekki... Hann hafði rétt fyrir sér, búin að vera sjúk í gellur síðan :-)

Það sem til þarf f. 2 er :

600 gr. nýjar gelllur

1 dl hveiti

Sjávarsalt og nýmalaður svartur pipar

Meðlæti:

Spínat, koríander, púrra og avokado blandað saman.

Limesafi og smá letta af extra virgin ólífu olía ofaná.

Limebátar

En þetta átti ég að gera:

Hveitið er sett í plastpoka og gellurnar með, svo er snúið upp á endann á pokanum, en það þarf að vera loft í honum eins og blöðru. Svo er pokinn hristur svo hveitið jafnist á fiskinn. Olía er hituð á pönnu, hún þarf að vera snarpheit. Gellurnar steiktar gylltar (tíminn fer eftir stærð, en ekki ofsteikja), saltað og piprað. Á þessum punkti þarf ég alltaf að passa mig á að

græðgin beri mig ekki ofurliði og ég stingi einum bita í munninn og brenni mig ekki í góminn :-/ Gellurnar eru bornar fram með góðu grænu salati og fullt af limebátum.

Verði þér að góðu :-)