Það sem til þarf er:

F. 6

3 dl matreiðslurjómi

65 gr. syrkur

Salt á hnífsoddi

3 eggjarauður

1 msk. maismjöl

3 msk. smjör

150 gr. suðusúkkulaði með karamellukurli og sjávarsalti

1/2 tsk. vanillu dropar

5 Oreo kökur, muldar gróft

2 1/2 dl rjómi, þeyttur

Hér er frábær eftirréttur á ferðinni, sem ungir jafnt sem aldnir elska, enda hvað er ekki að elska, gott kex, súkkulaði og þeyttur rjómi?  Alls ekkert ☺️  Það má gera hann fyrir fram og skreyta hann svo, þegar hann á að fara á borðið.  Endilega prófaðu ;-)

Svona geri ég:

Súkkulaðibúðingurinn:   Matreiðslurjóminn er settur í pott, ásamt 1 1/2 msk. af sykrinum og salti og hitað rólega að suðu á meðan þú hræri í pottinum.  Eggjarauðurnar eru þeyttar í skál, ásamt maísmjölinu og restinni af sykrinum, þar til það er flauels slétt og mjúkt.  Heita rjómanum er hellt í mjórri bunu út í eggjarauðurnar, á meðan hrært er stöðugt í.  Blöndunni er hellt í pott og hún er látin malla á lágum hita, á meðan hrært er stöðugt í, í um 1/2 mín.  Tekið af hitanum og smjöri, súkkulaði og vanillu er bætt út í og hrært í þar til súkkulaðið og smjörið er bráðið og blandan slétt og kekkjalaust.  Blöndunni er hellt í gegnum sigti í hreina skál og plastfilma sett beint á súkkulaði búðinginn svo það myndistekki skán ofan á honum.  Skáin er sett í ísskápinn og látið kólna í minnst 1 klst., eða allt upp í 3 daga.

Samsetning:  Þegar þú ætlar að bera pæið á borð eru Oreo kökurnar muldar með bolla eða glasi, miðlungs fínt og 1 msk. af mylsnu dreift á milli skála eða glasa.  Búðingurinn er  settur í sprautupoka og honum sprautað ofan á kexmylsnuna.  Rjóminn er þeyttur og honum er síðan sprautað ofan á súkkulaðibúðinginn og restin af kökumylsnunni, sett ofan á rjómann.

Verði þér að góðu :-)