Grillbrauð með basil og rauðu pestó

Nammi namm..... allt annað bragð en af gamla góða hvítlauksbrauðinu. Eins og allir vita eru basilkan og tómaturinn í einstaklega farsælhjónabandi, og edikið gefur þessu trygga hjónabandi svolítið kikk og spennu ;-)

Það sem til þarf á ca. 2 snittubrauð er:

1 dl ólívuolía

1 msk. rauðvínsedik

2 msk. rautt pestó

2 msk.saxað ferskt basil

2 frosin hálfbökuð snittubrauð

Svona geri ég:

Brauðið er afþýtt og klofið eftir endilöngu. Öllu í kryddolíuna er blandað saman. Það er hægt að gera þetta nokkrum dögum áður en þú ætlað að nota löginn og geyma hann svo í ísskápnum. Kryddolíunni er svo drussað jafnt út á brauðhelmingana með skeið. Þeir eru svo grillaðir á heitu grillinu, fyrst á ósmurðu hliðinni þar til hún er ljósbrún og fallega ristuð síðan er henni snúið og ristuð í augnablik á olíubornu hliðinni. Passa sig að brenna brauðið ekki. Brauðhelmingarnir eru svo skornir í hæfilega bita.

Borið fram með t.d. Spare ribs

Verði þér að góðu :-)