सध्या COVID -१९ च्या अनुषंगाने लागलेल्या लॉकडाऊनमुळे विद्यार्थी आणि शिक्षक घरीच आहेत, शाळा एकतर बंद आहेत किंवा ऑनलाइन कार्यक्रमांना सुरुवात करीत आहेत. हि परिस्थिती लक्षात घेऊन जून २०२० मध्ये ऍक्टिव्हिटी सेंटरतर्फे ‘द नेक्स्ट जेन सायन्स कॅम्प’ मालिका सुरू करण्यात आली. सदर मालिकेत दर रविवारी सकाळी अकरा वाजता ऍक्टिव्हिटी सेंटरची टीम विज्ञान विषयक प्रात्यक्षिके घेते. या मालिकेचे वैशिष्ट्य म्हणजे वैज्ञानिकांसह असणारे प्रश्नोत्तर सत्र. या मालिकेचे यूट्यूबवर ५ लाखाहून जास्त प्रेक्षक आहेत.

रॉयल सोसायटी ऑफ केमिस्ट्रीच्या सहकार्याने, १२ भागांची वेबिनार मालिका १२ सप्टेंबरपासून सुरु केली गेली. हि वेबिनार मालिका दर शनिवारी सायंकाळी ४ ते ५ या वेळेत थेट प्रक्षेपित केली जाते. हे वेबिनार डिजिटल शैक्षणिक अध्यापनशास्त्र आणि डिजिटल वर्गांमध्ये त्याचा वापर करण्यावर लक्ष केंद्रित करतात. या मालिके मार्फत जगभरातील तज्ञांना एकत्र आणून विद्यार्थ्यांचे मानसशास्त्र, त्यांची आकलन क्षमता, मूल्यांकन तंत्र, सिम्युलेशनवर आधारित शिक्षण, डिजिटल लर्निंगसाठी वर्गीकरण इत्यादी विषयांवर चर्चा करीत केली जाते. शेकडो शिक्षकांनी सत्रांचा लाभ घेतला आहे.