ກ່ຽວກັບ ຄປມ


ຄະນະ​ປ່າ​ໄມ້​ໄດ້​ສ້າງ​ຕັ້ງ​ຂຶ້ນ​ໃນ​ປີ 1970, ຊຶ່ງ​ໄດ້​ເລີ່​ມຕົ້ນ​ສ້າງ​ເປັນ​ສູນ​ເຝຶກ​ອົບຮົມວິຊາ​ການ​ປ່າ​ໄມ້ (Forestry Training Center) ຊຶ່ງ​ໄດ້​ຮັບ​ການ​ຊ່ວຍ​ເຫຼືອ ​ແລະ ຮ່ວມ​ມື​ຈາກລັດຖະບານ​ອົດ​ສະ​ຕາ​ລີ. ປີ 1979 ຫາ 1985 ສູນ​ເຝິກອົບຮົມ​ດັ່ງກ່າວ​ໄດ້​ມີ​ການ​ປັບປຸງ ​ແລ​ະ ​ໄດ້​ກາຍ​ເປັນ​ໂຮງຮຽນ​ວິຊາ​ການ​ປ່າ​ໄມ້​ຊັ້ນ​ກາງ ​ໂດຍ​ມີ​ໂຄງການ ​ຫຼັກສູດ 2 ປີ, ​ໃນ​ເວລາ​ນັ້ນ​ໄດ້​ມີ 2 ປະ​ເທດ ​ໃຫ້ການ​ຊ່ວຍ​ເຫຼືອ​ທາງ​ດ້ານ​ເຕັກນິກ​ວິຊາ​ການ ​ແລະ ການ​ກໍ່ສ້າງ ​ພື້ນຖານ, ພາຫະນະ​ຮັບ​ໃຊ້, ​ໃນ​ນັ້ນ​ມີ​ສະຫະພາບ​ໂຊ​ວຽດ ​ແລະສາທາລະນະ​ລັດ ປະຊາທິປະ​ໄຕ ​ເຢຍລະ​ມັນ. ຮອດ​ປີ 1986 ​ໂຮງຮຽນ​ວິຊາ​ການ​ປ່າ​ໄມ້​ຊັ້ນ​ກາງ​ດັ່ງກ່າວ​ໄດ້​ຖືກ​ປັບປຸງ ​ແລະ ຍົກ​ລະດັບ ​ແລະ ສ້າງ​ຕັ້ງ​ໃຫ້​ ເປັນ​ໂຮງຮຽນ​ວິຊາ​ການ​ປ່າ​ໄມ້​ຊັ້ນ​ສູງ (Vientiane Forestry College). ສົກຮຽນ 1994-1995 ​ເປີດ​ຮຽນ​ຫຼັກ ສູດ​ປະລິນຍາ​ຕີ. ປີ 1996 ຄະນະ​ປ່າ​ໄມ້​ໄດ້​ສ້າງ​ຕັ້ງ​ຂຶ້ນ​ຕາມ​ການ​ສ້າງ​ຕັ້ງ​ຂອງ ມະຫາວິທະຍາ​ໄລ​ແຫ່ງ​ຊາດ; ​ແລະ ​ໃນ​ປີ 1998 ຫາ 2000 ຄະນະ​ປ່າ​ໄມ້ ທີ່​ດົງ​ໂດກ ​ໄດ້​ຮ່ວມ​ຕົວ​ກັບ​ຄະນະ​ກະ​ເສດ​ສາດ​ທີ່​ນາ​ບົງ ​ແລະ ​ໄດ້​ກາຍ​ ເປັນ​ຄະນະ​ໜຶ່ງ​ເອີ້ນ​ວ່າ: ຄະນະ​ກະ​ເສດ​ສາດ​ ​ແລະ ປ່າ​ໄມ້. ມາ​ຮອດ​ປີ 2000 ​ໄດ້​ມີ​ການ​ແຍກ​ຕົວ​ອອກ​ເປັນ 2 ຄະນະ​ວິຊາ​ຄື: ຄະນະ​ວິຊາ​ປ່າ​ໄມ້ ຢູ່​ວິທະຍາ​ເຂດ​ດົງ​ໂດກ ​ແລະ ຄະນະ​ວິຊາ​ກະ​ເສດ​ສາດ ຢູ່​ວິທະຍາ​ເຂດ​ນາ​ບົງ.

ຄະນະ​ປ່າ​ໄມ້ ​ໃນ​ປະຈຸ​ບັນ​ກໍ່​ໄດ້​ສືບ​ຕໍ່​ປັບປຸງ​ຫຼັກສູດ​ວິຊາ​ການ​ປ່າ​ໄມ້ ​ໃນ​ລະດັບ​ປະລິນຍາ​ຕີ ຕາມ​ຈຸດປະສົງ ​ແລະ ຄວາມ​ຮຽກຮ້ອງ​ຕ້ອງການ​ຂອງ​ວຽກ​ງານ ​ໂດຍ​ໄດ້​ຮັບ​ທຶນ​ຊ່ວຍ​ເຫຼືອ​ລ້າ​ຈາກ ລັດຖະບານ​ເຢຍລະ​ມັນ ​ໂດຍ​ໄດ້​ໃສ່​ ຊື່​ໂຄງການ​ວ່າ: ​ໂຄງການ​ສົ່ງ​ເສີມ​ການ​ສຶກສາ​ດ້ານ​ປ່າ​ໄມ້ (PROFEP) ​ເພື່ອ​ຮັບ​ໃຊ້​ການ​ຮຽນ​-ການສອນ ທິດ​ສະ ​ດີ ​ແລະ ພາກ​ປະຕິບັດ ພວກ​ເຮົາ​ມີ​ເນື້ອ​ທີ່​ປ່າ​ໄມ້​ທົດ​ລອງ ​ແລະ ຕົວ​ແບບ ຢູ່​ເມືອງ​ສັງ​ທອງ ກວມ​ເອົາ​ເນື້ອ​ທີ່ 20,800 ​ເຮັກຕາ, ຊຶ່ງ​ໂຄງການ​ດັ່ງກ່າວ​ໄດ້​ເລີ່​ມຕົ້ນ​ດຳ​ເນີນ​ວຽກ​ງານ​ໃນ​ປີ 1994 ​ເປັນ​ຕົ້ນ​ມາ​ຈົນ​ເຖິງ​ຕົ້ນ​ປີ 2003 ​ໂຄງການ​ດັ່ງກ່າວ​ຈຶ່ງ​ໄດ້​ໝົດ​ສັນຍາ​ການ​ຊ່ວຍ​ເຫຼືອ.





Faculty of Forestry

Subpages (1): ຂ່າວ
Comments