15.10.18- தமிழ் தேசியகீதத்துடன் ஆரம்பித்த கல்முனை ஏற்றியன் கிண்ண கிரிக்கட் சுற்றுப்போட்டி..

posted Oct 14, 2018, 6:25 PM by Habithas Nadaraja

கல்முனை நியுஸ்டார் விளையாட்டுக்கழகம் வருடாந்தம் நடாத்திவரும் ஏற்றியன் கிண்ண மென்பந்துகிரிக்கட் சுற்றுப்போட்டி கல்முனை கிஷா  ஸ்ருடியோ  ஆதரவில் 

(14.10.2018)  காலை தமிழ்த்தேசியக்கீதத்துடன் ஆரம்பமாகியது.அணிக்கு 11பேர்கொண்ட 10ஓவர் மென்பந்துக்கிரிக்கட் சுற்றுப்போட்டியில் 24 கழகங்கள் கலந்துகொள்கின்றன.

எதிர்வரும் நவம்பர் மாதம் வரை தொடர்ந்து விடுமுறை தினங்களில் இச்சுற்றுப்போட்டி நடைபெற ஏற்பாடுசெய்யப்பட்டுள்ளன.கல்முனை உவெஸ்லி உயர்தர பாடசாலை மைதானத்தில் நடைபெற்ற  முதல்போட்டியில் கல்முனை துளிர் கழகமும் ஈகிள் கழகமும் மோதின.

கழகத்தலைவர் ந.துஜிந்தர் தலைமையில் நடைபெற்ற முதல்நாள் அங்குரார்ப்பணநிகழ்வில் கல்முனை மாநகரசபை உறுப்பினர்களான சந்திரசேகரம் ராஜன் திருமதி வி.செலஸ்ரினா றாகல் உதவிக்கல்விப்பணிப்பாளர் வி.ரி.சகாதேவராஜா கட்டடஒப்பந்தகாரர் லொயிட்ஹென்றிக் கடைஉரிமையாளர் எ.நிமலன் ஆகியோர் கலந்து சிறப்பித்தனர்.












14.10.18- காட்டு யானைகள் ரயிலுடன் மோதும் சம்பங்களை தடுப்பதற்கு நடவடிக்கை..

posted Oct 13, 2018, 8:25 PM by Habithas Nadaraja

காட்டு யானைகள் ரயிலுடன் மோதும் சம்பங்களை தடுப்பதற்காக மேற்கொள்ளப்பட்ட வேண்டிய நடவடிக்கைகளுக்கான சிபாரிசுகளை முன்வைப்பதற்காக நியமிக்கப்பட்ட குழு தனது பணிகளை முன்னெடுத்துள்ளது.

இந்தக் குழுவினர் ரயில் பாதைகளுக்கு அருகாமையில் யானைகள் நடமாடும் பகுதிகளை கண்காணித்துள்ளனர்..

கடந்த வியாழக்கிழமை முதல் நான்கு தினங்கள் மஹாவ ரயில்வே தொடக்கம் திருகோணமலை – மட்டக்களப்பு – அனுராதபுரம் - தலைமன்னார் மற்றும் காங்கேசன்துறை வரையிலான வடக்கு பகுதியிலும், கிழக்கு ரயில் பாதையிலும் இந்த கண்காணிப்பு நடவடிக்கையில் ஈடுபட்டனர்.

இந்த குழுவினர் நேற்றுமுன்தினம் கல்லோய சந்தி தொடக்கம் கல்குடா வரையில் கண்காணிப்பு நடவடிக்கையில் ஈடுபட்டனர். கடந்த இரண்டு தினங்களாக திருகோணமலை பாதையிலும் மட்டக்களப்பு பாதைக்கு அருகிலும் யானைகளின் நடமாட்டம் குறித்து பெற்றுக்கொண்ட தரவுகள் மற்றும் தகவல்களுக்கு அமைவாக காட்டு யானைகள் ரயிலுடன் மோதும் சம்பவங்களை தடுப்பதற்காக ஐந்து சிபாரிசுகளை சமர்ப்பித்துள்ளனர். ரயில் சாரதிகளுக்கு பாதை தெளிவாக தெரியும் வகையில் பாதையின் இருமருங்கிலும் 30 மீற்றர் வரையில் காட்டுப்பகுதியை அகற்றுவதற்கும் இந்த பகுதியில் ரயிலின் வேகத்தை கட்டுப்படுத்துவதற்கும் சிபாரிசு செய்யப்பட்டுள்ளது.

பாதையின் இரண்டு பக்கமும் உள்ள உயர்ந்த பகுதிகளில் யானைகள் செல்வதற்கு வசதியாக பாதையை அமைப்பதற்கும் ரயில் பாலம் மற்றும் மதகுடன் கூடிய இடங்களில் யானைகள் செல்வதற்குள்ள தடைகளை நீக்கி, சீரான பாதைகளை நிர்மாணித்தல், ரயில் பாதைகளில் யானைகள் பிரவேசிக்கும் இடங்களில் மின்சார வேலிகள், தண்டவாளங்களை அமைத்து தடைகளை ஏற்படுத்தல், முழுமையான வகையில் அனர்த்த எச்சரிக்கை சமிக்ஞை கட்டமைப்பை பொருத்தவும் சிபாரிசு செய்யப்பட்டுள்ளது.

கண்காணிப்பு பணிகளுக்கு பின்னர் ஐந்து தினங்களில் யானைகள் ரயிலுடன் மோதுவதை தவிர்ப்பதற்காக சரியான செயற்பாடுகள் தொடர்பில் திட்டத்தை வகுப்பதற்கான பொறுப்பு குழுவிடம் ஒப்படைக்கப்பட்டுள்ளது. இந்த திட்டம் எதிர்வரும் 25ம் திகதி அமைச்சர் நிமல் சிறிபால டீ சில்வாவிடம் கையளிக்கப்படவுள்ளது. அமைச்சர் இந்த அறிக்கைக்கு அமைச்சரவையின் அங்கீகாரத்தை பெற்று இந்த மாத இறுதிக்கு முன்னர் குறிப்பி;ட்ட திட்டத்தை நடைமுறைப்படுத்த எதிர்பார்த்திருப்பதாக போக்குவரத்து மற்றும் சிவில் விமான சேவைகள் அமைச்சு தெரிவித்துள்ளது.


13.10.18- சந்தையில் வெள்ளைச் சீனியின் விலை குறைப்பு..

posted Oct 12, 2018, 7:06 PM by Habithas Nadaraja

சந்தையில் வெள்ளைச் சீனியின் விலை குறைக்கப்பட்டுள்ளது. நுகர்வோர் அலுவல்கள் அதிகாரசபை நேற்று வெளியிட்டுள்ள இரண்டு வர்த்தமானி அறிவித்தல்கள் மூலம் இந்த விலைக் குறைப்பு இடம்பெற்றுள்ளது.

புதிய விலைகள் நேற்று நள்ளிரவு முதல் அமுல்படுத்தப்பட்டுள்ளது.

இதற்கமைவாக வர்த்தகர்கள், விநியோகஸ்தர்கள் ஆகியோர் பொதியிடப்படாத ஒரு கிலோ வெள்ளை சீனியை 100 ரூபா சில்லறை விலைக்கு விற்பனை செய்ய வேண்டும். பொதி செய்யப்பட்ட ஒரு கிலோ வெள்ளைச ;சீனியின் ஆகக்கூடிய விலை 105 ரூபாவாகும்.

இந்த விலைக்கட்டுப்பாட்டை மீறி விற்பனை செய்வோருக்கு எதிராக விரைவான சட்டவடிக்கைகள் எடுக்கப்படும் என்று நுகர்வோர் அலுவல்கள் அதிகாரசபை தெரிவித்துள்ளது.


11.010.18- பிரதமர் ரணில் விக்ரமசிங்க தலைமையில் 44வது தேசிய விளையாட்டு விழா..

posted Oct 10, 2018, 6:11 PM by Habithas Nadaraja

44வது தேசிய விளையாட்டு விழா  (11.10.2018)  பிற்பகல் 3.00 மணியளவில் பொலன்னறுவை மாவட்ட விளையாட்டுக் கட்டிடத் தொகுதியில் நடைபெறவுள்ளது.

பிரதமர் ரணில் விக்ரமசிங்க தலைமையில் நடைபெறவுள்ள இவ்விளையாட்டு விழாவில் மாகாண சபைகள் உள்ளூராட்சி விளையாட்டுத்துறை இராஜாங்க அமைச்சர் சட்டத்தரணி சிறியாணி விஜேவிக்ரம மற்றும்  மாகாண சபைகள் உள்ளூராட்சி விளையாட்டுத்துறை அமைச்சர் ஜனாதிபதி சட்டத்தரணி பைசர் முஸ்தபா அவர்களின் அழைப்பின் பேரில் அமைச்சர்கள் பாராளுமன்ற உறுப்பினர்கள் மாகாண அமைச்சர்கள் மாகாண சபை உறுப்பினர்கள் எனப்பலரும் கலந்து சிறப்பிக்கவுள்ளனர்.

இந்நிகழ்வில் 9 மாகாணங்களிலும் திறமைகாட்டிய வீரா்கள் தேசிய போட்டியில் பங்கேற்று தமது மாகாணத்தின் வெற்றிக்கு பங்களிப்பு வழங்கவுள்ளமை குறிப்பிடத்தக்கது.

இத் தேசிய விளையாட்டு விழாவில் மாகாண சபைகள் உள்ளூராட்சி விளையாட்டுத்துறை அமைச்சின் செயலாளர் எம்.ரி.கமல் பத்மசிறி,விளையாட்டு அபிவிருத்தித் திணைக்களத்தின் பணிப்பாளர் நாயகம் எச்.எம்.பீ.பீ.ஹேரத் உட்பட  அரசியல் பிரமுகர்கள்,அதிகாரிகள் உத்தியோகத்தர்கள் எனப்பலரும் கலந்து சிறப்பிக்கவுள்ளனர்.


(எம்.ஐ.எம்.றியாஸ்)


 


11.10.18- கிழக்கில் தமிழர் தரப்பில் புதிய அரசியல் கட்சி உதயம்..

posted Oct 10, 2018, 6:05 PM by Habithas Nadaraja   [ updated Oct 10, 2018, 6:07 PM ]

கிழக்கில் தமிழர் தரப்பில் புதிய அரசியல் கட்சி  உதயம்!
'கிழக்குத் தமிழர் கூட்டமைப்பு'  என பெயர் சூட்டியுள்ளது 5கட்சிகள்!

கிழக்கில் புதிய அரசியல்கட்சிக்கான பிள்ளையார்சுழி இடப்பட்டுள்ளது. அதன்பெயர் கிழக்குத்தமிழர் கூட்டமைப்பு என சூட்டப்பட்டுள்ளது. 

கிழக்குத் தமிழர் ஒன்றியத்தின் ஏற்பாட்டில் தமிழர் விடுதலைக் கூட்டணி, தமிழ் மக்கள் விடுதலைப் புலிகள் கட்சி, ஈழமக்கள் ஜனநாயக்கட்சி, தமிழர் சமூக ஜனநாயகக்கட்சி, அகில இலங்கை தமிழர் மகா சபை ஆகிய ஐந்து தமிழ் அரசியல் கட்சிகளும் 05.10.2010 அன்று ஒன்று கூடி 'கிழக்குத் தமிழர் கூட்டமைப்பு' எனும் பெயரில் புதிய அரசியல் கூட்டணியொன்றை உருவாக்கியுள்ளன. 

எதிர்வரும் கிழக்கு மாகாணசபைத் தேர்தலில் கிழக்கு மாகாணத் தமிழர்களின் சார்பில் அதி உச்சபட்ச உறுப்பினர்களைப் பெற்றுக் கொள்ளும் வகையில் அனைத்துத் தமிழ் அரசியல் கட்சிகளையும் ஒரு பொதுச் சின்னத்தின் கீழ் ஓரணியில் போட்டியிட வைப்பதற்காகக் கிழக்குத் தமிழர் ஒன்றியம் எடுத்துக் கொண்ட முயற்சியின் ஒரு முக்கிய கட்டமாக இந்த அரசியல் கூட்டணி உருவாகியுள்ளது. 
கொழும்பில் நடைபெற்ற சந்திப்பில் தமிழர் விடுதலைக் கூட்டணியின் செயலாளர் நாயகம் திரு.வீ.ஆனந்தசங்கரி, ஈழமக்கள் ஜனநாயக் கட்சியின் செயலாளர் நாயகம் கௌரவ டக்ளஸ் தேவானந்தா பா.உ மற்றும் அவருடன் ஊடகச் செயலாளர் முருகன் (ஸ்டாலின்), தமிழ் மக்கள் விடுதலைப்புலிகள் கட்சியின் துணைத் தலைவர் திரு.க.யோகவேள், தமிழர் சமூக ஜனநாயகக்கட்சியின் தலைவர் திரு.தி.சிறிதரன் மற்றும் அகில இலங்கைத் தமிழ் மகா சபையின் தலைவர் கலாநிதி கா.விக்கினேஸ்வரன் ஆகியோர் கலந்து கொண்டனர். 
கிழக்குத் தமிழர் ஒன்றியத்தின் சார்பில் அதன் ஸ்தாபகர்களில் ஒருவரும் மாகாண இணைப்பாளர்களில் ஒருவருமான செங்கதிரோன் த.கோபாலகிருஸ்ணன், மட்டக்களப்பு மாவட்டச்; செயற்குழுத்தலைவர் பேராசிரியர் மா.செல்வராசா, கலாநிதி சு.சீவரெத்தினம், மட்டக்களப்பு மாவட்ட முன்னாள் பாராளுமன்ற உறுப்பினரும் கிழக்கு மாகாண சபை உறுப்பினருமான திரு.ஞா.கிருஸ்ணபிள்ளை (வெள்ளிமலை), கிழக்குத் தமிழர் ஒன்றியத்தின் அம்பாறை மாவட்டச் செயற்குழுத் தலைவரும் ஆலையடிவேம்பு பிரதேச சபையின் முன்னாள் தவிசாளருமான இரா.நடராசா, கிழக்குத் தமிழர் ஒன்றியத்தின் திருகோணமலை மாவட்டச் தலைவர் திரு.பூ.உகநாதன் மற்றும் பொருளாளர் திரு.தி.ஹரிஸ்ரன் ஆகியயோர் கலந்து கொண்டனர். 

புரிந்துணர்வு ஒப்பந்தச் செயற்பாடுகளை முன்னெடுக்கும் இணைப்பாளராகச் செங்கதிரோன் த.கோபாலகிருஸ்ணன் நியமிக்கப்பபெற்றார். அத்துடன் கிழக்குத் தமிழர் ஒன்றியத்தினால் முன்வைக்கப்பெற்ற பின்வரும் வேண்டுகோள்களும் பங்காளிக்கட்சிகளினால் ஒரு மனதாக ஏற்றுக் கொள்ளப்பெற்றன. 

•இந்த அரசியல் கூட்டு அணியின் (கிழக்குத் தமிழர் கூட்டமைப்பு) செயற்குழுவுக்கான உறுப்பினர்களைப் பங்காளிக் கட்சிகள் நியமிக்கும்போது அந்தந்தக் கட்சிகள் கிழக்குத் தமிழர் ஒன்றியத்தின் உறுப்பினர்களைத் தங்கள் கட்சி உறுப்பினர்களாக்கி அவர்களை ஐம்பது வீதத்துக்குக் குறையாமல் தெரிவு செய்யும் போது இந்த அரசியல் கூட்டு அணியின் கட்டுப்பாட்டையும் பொறுப்புக்கூறலையும் பொதுமக்களிடம் கொண்டு செல்வதற்;கு கிழக்குத் தமிழர் ஒன்றியத்திற்குச் சாதகமானதாக இருக்கும். 


•இந்த அரசியல் கூட்டு அணியின் (கிழக்கு தமிழர் கூட்டமைப்பு) பதவியாளர்கள் கிழக்குத் தமிழர் ஒன்றியப் பிரதிநிதிகளாக இருப்பது நல்லது. ஆகக் குறைந்த பட்சம் தலைவர் அல்லது செயலாளர் பதவிகளையாவது கிழக்குத் தமிழர் ஒன்றியப் பிரதிநிதிக்கு வழங்குதல் பொருத்தப்பாடுடையதாகும். 

•வேட்பாளர்கள் தெரிவின் போது ஒவ்வொரு பங்காளிக் கட்சிகளும் பொது மக்களிடமிருந்து வேட்பாளர்களைத் தெரிவு செய்வதற்கான ஒரு பொறிமுறையை உருவாக்கி அதன்படி செயற்படுவது எமது இலக்கை இலகுவாக்கும். 

ஏலவே இக்கூட்டமைப்பிற்கான  முயற்சியின் முதற்கட்டமாக அனைத்துத் தமிழ் அரசியல் கட்சிகளையும் கிழக்குத் தமிழர் ஒன்றியம் தனித்தனியே சந்தித்துப் பேசியது. அடுத்தகட்டமாக 22.08.2018 அன்று களுவாஞ்சிக்குடி இராசமாணிக்கம் மண்டபத்தில் அனைத்துத் தமிழ் அரசியல் கட்சிகளையும் ஓரிடத்தி;ல் கூட்டிக் கலந்துரையாடியது. 

இக் கலந்துரையாடல் கூட்டத்தில் எட்டப்பெற்ற தீர்மானத்திற்கமைய கிழக்குத் தமிழர் ஒன்றியம் புரிந்துணர்வு ஒப்பந்தம் ஒன்றைத் தயாரித்து அதன் நகல் வடிவத்தினை அனைத்துத் தமிழ் அரசியல் கட்சிகளினதும் பார்வைக்கு அனுப்பி வைத்து அவற்றின் பின்னூட்டல்களைக் கோரியிருந்தது. இந்தப் பின்னணியிலேயே தங்கள் சம்மதத்தைத் தெரிவித்த மேற்படி ஐந்து கட்சிகளும் கொழும்பில் கிழக்குத் தழிழர் ஒன்றியத்தின் திருகோணமலை மாவட்டச் செயற்குழுவின் தலைவர் திரு. பூ.உகநாதன் இல்லத்தில் ஒன்றுகூடி புரிந்துணர்வு ஒப்பந்தத்தின் உள்ளடக்கத்தினையிட்டு விரிவாகக் கலந்துரையாடி அதன் நகல் வடிவத்தில் அவசியமான திருத்தங்களை மேற்கொண்டு புரிந்துணர்வு ஒப்பந்தத்தினை இறுதிப்படுதியுள்ளன. 

எனினும் இதுவரை தங்கள் சம்மதத்தைத் தெரிவிக்காத தமிழ் அரசியல் கட்சிகளான இலங்கைத் தமிழ் அரசுக்கட்சி, அகில இலங்கை தமிழ் காங்கிரஸ், ஈழமக்கள் புரட்சிகர விடுதலை முன்னணி, ஜனநாயக மக்கள் விடுதலை முன்னணி, தமிழீழ விடுதலை இயக்கம் ஆகிய ஐந்து கட்சிகளுக்கும் தங்கள் நிலைப்பாடுகளைத் தெரிவிக்க நல்லெண்ண அடிப்படையில் 17.10.2018 வரை கால அவகாசம் வழங்கும் கடிதங்களைக் கிழக்குத் தமிழர் ஒன்றியம் அனுப்பி வைத்துள்ளது. 


மேலும், தேர்தல் திணைக்களத்தினால் இதுவரை அங்கீகரிக்கப்படாத ஆனால் தமிழ் மக்களிடையே அரசியல் செயற்பாடுகளில் ஈடுபட்டுள்ள தமிழர் ஐக்கிய சுதந்திர முன்னணி, ஈரோஸ் ஜனநாயக முன்னணி, ஜனநாயகப் போராளிகள் கட்சி, புனர்வாழ்வளிக்கப்பட்ட போராளிகள் கட்சி என்பன கிழக்குத் தமிழர் ஒன்றியத்தின் அரசியல் செயற்பாட்டிற்கு ஆதரவளிக்க முன்வந்துள்ளன. 

அடுத்த கட்டமாக இத்தகைய இதுவரை தேர்தல் திணைக்களத்தில் பதிவு செய்யப்பட்டு அங்கீகரிக்கப்படாத தமிழ் அரசியல் கட்சிகளுடனும் தேசியக் கட்சிகளில் இணைந்து அரசியல் செயற்பாடுகளில் ஈடுபட்டுள்ள தனிநபர்களுடனும் மிகவிரைவில் நல்லெண்ணப் பேச்சுவார்த்தைகளில் கிழக்குத் தமிழர் ஒன்றியம் ஈடுபடவுள்ளதாகத் தெரியவருகிறது. 

எது எப்படியிருப்பினும் குறிப்பிட்ட காலச் சட்டகத்திற்குள் 'கிழக்குத் தமிழர் கூட்டமைப்பு' எனும் புதிய இவ் அரசியல் கூட்டணியை தேர்தல் திணைக்களம் அங்கீகரித்து அதற்கெனப் புதிய சின்னம் ஒன்றினைப் பெற்றுக் கொள்ளும் செயற்பாடுகளைத் துரிதப்படுத்த வேண்டியுள்ளதால் எதிர்வரும் 20.10.2018 அன்று தமிழ் கட்சிகளுக்கிடையிலான புரிந்துணர்வு ஒப்பந்தம் மட்டக்களப்பில் கைச்சாத்திடப்படுவதுடன் அடுத்த கட்ட நடவடிக்கைகளுக்காக தேர்தல் ஆணைக்குழுவிடம் உத்தியோகபூர்வமாகக் கையளிக்கப்படவுமுள்ளது என அறியக் கிடக்கிறது. 

(காரைதீவு  நிருபர்)


11.10.18- நாவிதன்வெளிக் கோட்டத்தில்  30 மாணவர் சித்தி..

posted Oct 10, 2018, 5:58 PM by Habithas Nadaraja   [ updated Oct 10, 2018, 6:08 PM ]

சம்மாந்துறை வலயத்திலுள்ள பின்தங்கிய நாவிதன்வெளிக்கோட்டத்தில்  இம்முறை புலமைப்பரிசில் பரீட்சையில் 30 மாணவர்கள் சித்திபெற்றுள்ளனர் என கோட்டக்கல்விப்பணிப்பாளர் சண்முகம் சரவணமுத்து  தெரிவித்தார்.

மிகவும் பின்தங்கிய நாவிதன்வெளிக்கோட்ட வரலாற்றில் அதிகூடிய பெறுபேறு என்பது குறிப்பிடத்தக்கது. கடந்த காலங்களில் உச்சக்கட்டப் பெறுபேறாக 22பேர் சித்திபெற்றிருந்தனர்.

கோட்டக்கல்விப்பணிப்பாளர் சண்முகம் சரவணமுத்து  மேலும் கூறுகையில்:

நாவிதன்வெளிக்கோட்டத்தைச்சேர்ந்த சாளம்பைக்கேணி அஸ்.ஸிறாஜ் மகா வித்தியாலயம் -7 வீரத்திடல் அல்ஹிதாயா மகா வித்தியாலயம்-4 சொறிக்கல்முனை ஹொலிக்குறோஸ் மகா வித்தியாலயம் -5 கண்ணகி வித்தியாலயம் - 3 அல்ஹிறா வித்தியாலயம் -3 கலைமகள் வித்தியாலயம் -2 நாவிதன்வெளி அன்னமலை மகா வித்தியாலயம்-1 மத்தியமுகாம் ஸ்ரீமுருகன் வித்தியாலயம்-1 அல்தாஜூன் வித்தியாலயம்-1 அல்ஹிக்மா வித்தியாலயம் -1 அகத்தியர் வித்தியாலயம் -1 விவேகானந்த மகா வித்தியாலயம்-1 ஆகிய பாடசாலைகள் வெட்டுப்புள்ளிக்குமேல் பெற்று இந்தபெறுபேற்றைப்பெற்றுள்ளன.

சம்மாந்துறை வலயத்தில் அதிகூடிய புள்ளியான 188 புள்ளியை நாவிதன்வெளி கலைமகள் மகா வித்தியாலயத்தைச்சேர்ந்த மாணவி    பெற்றுள்ளமை சாதனையாகக்கருதப்படுகின்றது. மாவட்டமட்டத்தில் இவரது புள்ளி 14வது இடத்திலுள்ளது. சம்மாந்துறை வலயத்தில் வடபுல எல்லையில் பின்தங்கிய பிரதேசத்திலுள்ளது இப்பாடசாலை.இந்தப்பெறுபேறுகளுக்காக உழைத்த அனைவரையும் பாராட்டுகிறேன் என்றார்.

இதேவேளை சம்மாந்துறைவலயத்திலுள்ள சம்மாந்துறைக்கோட்டத்தில் 57பேரும் நாவிதன்வெளிக்கோட்டத்தில் 30பேரும் இறக்காமக்கோட்டத்தில் 10பேருமாக 97பேர் சித்திபெற்றுள்ளனர்.கோட்டத்திற்குள் நாவிதன்வெளிக்கோட்டம் வழமைக்குமாறாக அதிகூடிய 30மாணவர்களை சித்திபெறவைத்திருப்பது பாராட்டுதற்குரியது என வலயக்கல்விப்பணிப்பாளர் எம்.எஸ்.சஹதுல்நஜீம் தெரிவித்தார்.

(காரைதீவு  நிருபர்)


11.10.18- சம்மாந்துறை பத்ரகாளியம்பாளின் பாற்குடபவனி..

posted Oct 10, 2018, 5:54 PM by Habithas Nadaraja

வரலாற்றுப்பிரசித்திபெற்ற சம்மாந்துறை பத்திரகாளி அம்பாள் ஆலயத்தின் வருடாந்த தீமிதிப்பு மஹோற்சவத்தின் பாற்குடபவனி  கோரக்கர் சித்திவிநாயகர் ஆலயத்திலிருந்து பவனிவந்து பத்திரகாளியம்பாள் ஆலயத்திற்குச்செல்வதையும் அங்கு அம்மனுக்கு பாலாபிஷேகம் இடம்பெற்றது.

 (காரைதீவு  நிருபர்)













09.10.18- கிழக்குமாகாண தேசிய ஓய்வூதியர் தினவிழா சம்மாந்துறையில்..

posted Oct 8, 2018, 6:40 PM by Habithas Nadaraja

தேசிய ஒய்வூதியர் தினவிழாவின் கிழக்குமாகாணத்திற்கான விழா நேற்று(08.10.2018) சம்மாந்துறை அப்துல்மஜீத் மண்டபத்தில் அம்பாறை மாவட்ட அரசாங்க அதிபர் டி.எம்.எல். பண்டாரநாயக்க தலைமையில் நடைபெற்றபோது பெற்றோலியவளத்துறை பிரதியமைச்சர் டாக்டர் அனோமாகமகே பாராளுமன்ற உறுப்பினர் எம்.ஜ.எம்.மன்சூர்  தவிசாளர் எ.எம்.எம்.நௌசாட்  மேலதிக அரச அதிபர் கே.விமலநாதன் மற்றும் பல உயரதிகாரிகள் ஓய்வூதியர்சங்க பிரதிநிதிகள் கலந்துகொண்டனர். 

(காரைதீவு நிருபர்)

















08.10.18- கிழக்கு மாகாண பொதுச்சேவைகள் ஆணைக்குழுவின் புதிய செயலாளராக சலீம் பதவியேற்பு..

posted Oct 7, 2018, 6:54 PM by Habithas Nadaraja

கிழக்கு மாகாண பொதுச்சேவை ஆணைக்குழுவின் புதிய செயலாளராக எம்.வை.சலீம் இன்று(08.10.2018) திங்கட்கிழமை பதவியேற்கிறார்.

கிழக்கு மாகாண உள்ளுராட்சி ஆணையாளராகவிருந்த எம்.வை.சலீம் கிழக்கு மாகாண ஆளுநர் ரோஹிதபோகல்லாகமவினால் இப்புதிய பதவிக்கு நியமிக்கப்பட்டார்.

காரைதீவு மாளிகைக்காட்டைச்சேர்ந்த ஜனாப் சலீம் இன்று திருமலையிலுள்ள பொதுச்சேவை ஆணைக்குழுக்காரியாலயத்தில் பதவியேற்கவிருக்கிறார்.

கிழக்கு மாகாணத்தில் இப்பதவிக்கு முதல்தடவையாக நியமிக்கப்பட்ட தமிழ்பேசும் அதிகாரி ஜனாப் சலீம் என்பது குறிப்பிடத்தக்கது.
கிழக்கு மாகாண உள்ளுராட்சி ஆணையாளராக மட்டக்களப்பு மாநகசபை ஆணையாளர் கே.மணிவண்ணன் நியமிக்கப்பட்டுள்ளார்.
மட்டு. மாநகசபை ஆணையாளராக உதவி உள்ளுராட்சி ஆணையாளராகவிருந்த  தா.சித்திரவேல் நியமிக்கப்பட்டுள்ளார்.

(காரைதீவு  நிருபர்)


08.10.18- பிரித்தானியாவின் அமைச்சர் மார்க்பீல்ட் அவர்களுக்கும் எதிர்க்கட்சி தலைவருக்கும் இடையிலான சந்திப்பு..

posted Oct 7, 2018, 6:51 PM by Habithas Nadaraja   [ updated Oct 7, 2018, 6:55 PM ]

இலங்கை வந்துள்ள பிரித்தானியாவின் ஆசியமற்றும் பசிபிக் பிராந்தியங்களுக்கான அமைச்சர் மார்க்பீல்ட் அவர்களுக்கும் எதிர்க்கட்சி தலைவரும் தமிழ் தேசிய கூட்டமைப்பின் தலைவருமான இரா.சம்பந்தனுக்கும் இடையிலான சந்திப்பொன்று கொழும்பில் இடம்பெற்றது.
கடந்த அரசாங்கத்தோடு ஒப்பிடுகையில் இந்த அரசாங்கத்தின் செயற்பாடுகளில் மாற்றம் உள்ளதாக தெரிவித்த இரா.சம்பந்தன் அவர்கள் அதுமாத்திரம் போதாது என்றும் வலியுறுத்தினார். 

மேலும் ஐ.நா.மனித உரிமைபேரவையின் தீர்மானங்கள் தொடர்பில் கருத்து தெரிவித்த இரா.சம்பந்தன்அவர்கள்தீர்மானத்தினை
நிறைவேற்றுவதற்கு அரசாங்கம் இரண்டுவருடகால அவகாசம் கோரியிருந்தமையை சுட்டிக்காட்டிய அதேவேளை, தீர்மானத்தினை நடைமுறைப்படுத்துவதில் பாரியதாமதம் நிலவுவதனையும் சுட்டிக்காட்டினார்.

மேலும்மிகவிரைவாகதீர்வுகாணப்படவேண்டியபடையினர்வசமுள்ளமக்கள்காலாகாலமாகவாழ்ந்துவந்தமக்களின்காணிவிடுவிப்பு, நீக்கப்படும் என பலமுறை அரசாங்கம் வாக்குகொடுத்தும் இன்னமும் நடைமுறையிலுள்ள பயங்கரவாததடைச்சட்டத்தின் கீழ்தடுத்தது வைக்கப்பட்டுள்ள அரசியல் கைதிகளின் விடுதலை, தாமதித்து நிறுவப்பட்ட காணாமல் ஆக்கப்பட்டோருக்கான அலுவலகம் திறமையாக செயற்பட எத்தனிக்கிறார்கள், இந்த விடயங்கள் தாமதங்களின்றி செயற்படுத்தப்பட்டிருக்க வேண்டியவைஎனவும் இரா. சம்பந்தன்அவர்கள் தெரிவித்தார்.

மேலும்உண்மையைகண்டறிவதற்கானஆணைக்குழுஇன்னமும்நிறுவப்படாமையும்கவனிக்கப்படவேண்டியவிடயம்எனதெரிவித்த
இரா.சம்பந்தன்அவர்கள்உண்மையைமறைத்துவிடமுடியாதுஎனவும்உண்மைநிலைநாட்டப்படவேண்டும்என்பதேஎமதுநிலைப்பாடுஎனவும்தெரிவித்தஅதேவேளை,உண்மையை நிலை நாட்டி கண்டறிந்துநீதியாயி நிலை நாட்ட உண்மையை கண்டறியும் ஆணைக்குழு நிறுவப்படவேண்டும்எனவலியுறுத்தினார்.

புதியஅரசியல்யாப்புஉருவாக்கநடைமுறைகள்தொடர்பில்கருத்துதெரிவித்தஇராசம்பந்தன்அவர்கள்தமிழ்மக்களின்நீண்டகாலஅதிகாரப்
பகிர்வுகோரிக்கையானதுஒருஅரசியல்யாப்பினூடாகதீர்வுகாணப்படவேண்டியஒன்றாகும்என்பதனைவலியுறுத்தியஅதேவேளைஇந்தவிடயம்தொடர்பில்கடந்த30வருடகாலமாகபல்வேறுநடவடிக்கைகள்மேற்கொள்ளப்பட்டுவந்துள்ளமையையையும்எடுத்துக்காட்டினார்.கடந்தகாலங்களில்ஒவ்வொருஜனாதிபதியும்அரசாங்கங்களும்இதுதொடர்பில்எடுத்துவந்துள்ளநடவடிக்கைகள்தொடர்பில்தெளிவுபடுத்திய
இரா.சம்பந்தன்அவர்கள்புதியஅரசியல்யாப்புஉருவாக்கம்இனிமேலும்தாமதமின்றிமுன்னெடுக்கப்படவேண்டும்எனவும்வலியுறுத்தினார். 

நாம்பிளவுபடாதபிரிக்கமுடியாதஒருமித்தஇலங்கைநாட்டிற்குள்தீர்வொன்றினைஎதிர்பார்க்கிறோம்,இந்தகோரிக்கைக்கு எமது மக்கள்
தொடர்ச்சியாக தேர்தல்களிலே அங்கீகாரம் வழங்கியுள்ளார்கள் மக்களது இந்தஜனநாயக தீர்ப்புமதிப்பளிக்கப்பட வேண்டிய ஒன்று
என்பதனையும்சுட்டிக்காட்டினார்.நாங்கள்இந்தநாட்டில்சமஉரிமையுள்ளபிரஜைகளாகசுயகௌரவத்துடம்சுயமரியாதையுடனும்வாழவிரும்புகிறோம்மக்களுக்குதமதுநாளாந்தநடவடிக்கைகள்தொடர்பில்முடிவெடுக்கும்அதிகாரம்வழங்கப்படவேண்டும்என்பதனையும்வலியுறுத்தினார்.மேலும்எமதுஇளைஞர்கள்மீண்டும்ஆயுதம்ஏந்துவதனைநாம்விரும்பவில்லைகடந்தகாலயுத்தத்தின்நிமித்தம்அவர்கள்அநேகஇழப்புகளைசந்தித்ததுவிட்டார்கள்என்பதனையும்எடுத்துக்காட்டினார்.

தமிழ்தேசியகூட்டமைப்பின்பேச்சாளரும்யாழ்மாவட்டநாடாளுமன்றஉறுப்பினருமானஎம்.ஏசுமந்திரன்இங்குகருத்துதெரிவிக்கையில்,
புதியஅரசியல்யாப்புஉருவாக்கம்தொடர்பில்அரசதலைவர்கள்மத்தியில்அரசியல்விருப்புகுறைவாககாணப்படுவதாகதெரிவித்த அதே
வேளைஅநேகவிடயங்கள்தொடர்பில்இணக்கப்பாடுஎட்டப்பட்டபோதிலும்இன்னும்ஒருதயக்கநிலைஅரசதலைவர்கள்மத்தியில்
காணப்படுவதாக தெரிவித்தார்.

கிடைத்துள்ளஇந்தசந்தர்ப்பத்தினைதவறவிடமுடியாதுஎனவலியுறுத்தியஇராசம்பந்தன்அவர்கள்தவறவிடும்பட்சத்தில்ஆட்சியில்யார்
இருந்தாலும்இந்தநாடுபின்னோக்கியேசெல்லும்எனவும்சுட்டிக்காட்டினார். 

ஆகவேஎல்லாகட்சிகளும்ஒன்றிணைந்துநீண்டகாலஐந்தேபிரச்சினைக்குசரியானதீர்வினைகாணமுன்வருவதுஅவசியம்எனவும்அவ்வாறுஇதுதீர்க்கப்படாவிடில்இந்தநாடுமீண்டும்ஒருவன்முறையைநோக்கிநகரும்எனவும்தெரிவித்தார்.

ஐ.நா.மனிதஉரிமைபேரவையின்தீர்மானம்தொடர்பில்கருதுதெரிவித்தஇராசம்பந்தன்அவர்கள்அரசாங்கம்இணைந்துமுன்மொழிந்தஇந்தபிரேரணைதொடர்பில்அரசாங்கம்கொடுத்தவாக்குறுதிகளுக்குஅரசாங்கம்பொறுப்புக்கூறவேண்டும்எனவும்,இந்ததீர்மண்ணம்முளுமையாகநடைமுறைப்படுத்தப்படவேண்டும்எனவும்அரசாங்கம்தனதுமக்களுக்குநீதியைசெய்வதிலிருந்துவிலகமுடியாதுஎனவும்தெரிவித்தார்.இந்ததீர்மானமானதுமாற்றமடையாமல்நிறைவேற்றப்படவேண்டும்என்றும்சர்வதேசசமூகத்திற்குவழங்கியவாக்குறுதிகளைஅரசாங்கம்கடைப்பிடிக்கவேண்டும்எனவும்வலியுறுத்தினார். 

கடந்தகாலங்களில்பிரித்தானியாவின்பங்களிப்பினைபாராட்டியஇராசம்பந்தன்அவர்கள்புதியஅரசியல்யாப்புஉள்ளிட்டவிடயங்கள்சரியானமுடிவினைஅடையும்வரைமிகநெருக்கமானசர்வதேசபங்களிப்புஅவசியம்அளவும்அதனைதவிர்க்கமுடியாதுஎனவும்வலியுறுத்தினார்.

சுமார்ஒருமணித்தியாலம்இடம்பெற்றஇந்தசந்திப்பில்பாராளுமன்றஉறுப்பினர்எம்.ஏ.சுமந்திரன்மற்றும்இலங்கைக்கானபிரித்தானிய
தூதுவர்ஜேம்ஸ்டோரிஸ்மற்றும்தூதரகஅதிகாரிகளும்கலந்துகொண்டிருந்தனர்.





1-10 of 1549