کۆلیژی زانست لە زانکۆی چەرموو, کە سەر بە وەزارەتی خوێندنی باڵای حکومەتی هەرێمی کوردستانە و نوێترین کۆلیژی زانکۆی چەرمووە , لە ساڵی خوێندنی ٢٠١٨-٢٠١٩ یەکەم دەستەی خوێندکارانی دەرچووی قۆناغی ئامادەیی وەرگرت.
ئەم کۆلیژە لە پێنج بەشی زانستی کرداری پێکهاتووە کە بریتین لە :-
1- بەشی زانستی کۆمپیوتەر.
2- بەشی فیزیای کرداری.
3- بەشی زانستی تاقیگەیی.
4- بەشی کیمیای دەرمانسازی.
5- بەشی کیمیای کرداری.
وەک هەموو کۆلێژەکانى تری زانکۆی چەرموو، کۆلیژی زانستە کرداری و تەندروستییەکان پەیرەوی پرۆسەی بۆڵۆنیا دەکات و خوێندن بە تەواوی بە زمانی ئینگلیزییە و قۆناغی یەکەمی خوێندن کە دوو سمستەرە بە (فاوندەیشن) دەست پێ دەکات، واتە ئامادەکردنی خوێندکاران لە ڕووی زمانی ئینگلیزی و شارەزایی لە کۆمپوتەر و گەڕان بە دواى سەرچاوە زانستییەکان و چۆنیەتی نوسینی ڕاپۆرتی زانستی و لێکۆڵینەوەی زانستی و کاری خۆبەخشی.
کۆلیژەکەمان هەر لە سمستەری یەکەمەوە چەندین گەشتی زانستی ئەنجام دەدات بۆ خوێندکارەکان بۆ بینینی کارگە حکومی و نا حکومییەکان و دامودەزگاکانی حکومەت بۆ ئاشنا بوونی خوێندکاران بە شێوازی کارکردن و هاندانیان بۆ فێربوون. هەروەها چەندین خولی فێربوون پێشکەش بە خوێندکارەکان دەکات لە بوارە جیاوازەکان بۆ بەرزکردنەوەی ئاستی زانینی پراکتیکی و وەرگرتنی ئەزموونی پێویست.
ئامانجمان پێگەیاندنی خوێندکارانە بە باشترین شێوە , کە بە ئەزموونێکى زۆر و ئاستی زانستی بەرزەوە بچنە نێو کۆمەڵگە و هەلی کاریان بۆ برەخسێت...........
Latest News and Events
-
بڵاوبوونەوەی توێژینەوەیەکی زانستیی به فاكته‌ری كاریگه‌ری (2.557) پرۆفیسۆری یاریدەدەر. د. بڕیار ئه‌حمه‌د حه‌سه‌ن ڕاگری كۆلێژی زانست لە زانكۆی چه‌رموو و چه‌ند مامۆستایه‌ك لە زانکۆکانی ناوخۆ و دەرەوەی وڵات، توێژینه‌وه‌یەکی زانستیی ئاستبه‌رزیان به هاوبه‌شی بڵاوکردەوە، به فاكته‌ری كاریگه‌ری (2.557)ە لە گۆڤاری (The Journal of Supercomputing) به ناونیشانی: Awareness requirement and performance management for adaptive systems: a survey توێژینەوەکە پێداچوونەوەیەک دەربارەی پێویستی هۆشیاری و بەڕێوەبردنی شێوازی کارکردن بۆ سیستەمەکانی سۆفتوێر ده‌كات. ئامانجی سەرەکی ئەم توێژینەوەیە کورتکردنەوەی پێشکەوتنەکانی ئێستایە لە پێداویستییەکانی هۆشیاری بۆ سیستەمی گونجاوی و بەڕێوەبردنی شێوازی کارکردنیان لەسەر بنەمای شێوازە پێشکەوتووەکان، ئەم توێژینەوەیە پێداچوونەوە بە سیستەمی خۆگونجاندن دەکات لە چوارچێوەی هۆشیاری پێداویستییەکان و باوترین میتۆدۆلۆژیای بەکارهێنراو کورت دەکاتەوە، یەکەم لێکۆڵینەوە لە ڕاپرسییەکانی ...
تم الإرسال في 01/02/2023، 10:52 ص بواسطة Hidayat Jamal Qadir -
بڵاوبونه‌وه‌ی توێژینه‌وه‌یه‌كی زانستیی له گۆڤارێكی ئاستبه‌رزی جیهانی مامۆستا (دلێرعوسمان حه‌سه‌ن ، ئاسۆمحه‌مه‌د علاءالدین ، هه‌ردی سه‌باح تاڵه‌بانی) له به‌شی كۆمپیوته‌ری كرداری/ كۆلێژی زانسته‌پزیشكی و كردارییه‌كانی زانكۆی چه‌رموو، توێژینه‌وه‌یه‌كی زانستیی هاوبه‌شیان به ناونیشانی: The Fifteen Puzzle — A New Approach through Hybridizing Three Heuristics Methods لە گۆڤاری جیهانی (Computers) سەر بە دەزگای (MDPI) بڵاوکرده‌وه، کە خاوەنی سنیپی (1.114) سکۆپەسی (سایتسکۆر) (3.7) لە جیهاندا. به‌سته‌ری توێژینه‌وه‌كه:https://www.mdpi.com/2073-431X/12/1/11?fbclid=IwAR0-expdVmRbZtySH6NxN1zeDtuc0KQXzZNeKMnqNpGfh2psq_dEyXCA6oc
تم الإرسال في 03/01/2023، 11:16 ص بواسطة Hidayat Jamal Qadir -
ئیڤێنتێک بۆ پڕۆگرامی فوڵبرایت به‌ڕێوه‌چوو ڕۆژانی پێنجشه‌ممه و هه‌ینی ڕێكه‌وتی 8و9-12-2022 تیمێكی مامۆستایانی زانكۆی چه‌رموو كه پێكهاتبوو له چوار مامۆستا له لایه‌ن ڕێکخراوی ئەمیدیست بانگهێشتكرابوون بۆ به‌شداریكردن له ئیڤێنتێک كه له شاری هه‌ولێر به‌ڕێوه‌چوو، کۆنسوڵی ئەمریکاش ئامادەیی ئیڤێنته‌كه بوو كه بۆ ئاڵوگۆڕی بیروڕاو گفتوگۆکردن لەسەر دەستکەوتەکانی بەشداربوونی پڕۆگرامی فوڵبرایت ڕێکخرابوو. پڕۆگرامی فوڵبرایت لە لایەن نەتەوە یەکگرتووەکانی ئەمریکا پشتگیری دەکرێت و تیایدا بەشداربووان (10)ده هەفتە لە یەکێک لە زانکۆکانی نەتەوە یەکگرتووەکان وەکو ئەکادیمیست دەوام دەکەن و بەشداری وانە ووتنەوە دەکەن بە هاوکاری لەگەڵ توێژەرێکی زانکۆکە توێژینەوە ئەنجامدەدەن و بەشداردەبن لە سەرجەم چالاکیەکانی زانکۆکە.ئیڤێنتەکە لە چەند تەوەررێکی جیاواز پێکهاتبوو لەوانە:1- پانێل.2- گفتوگۆی کراوەی سەرمێز بۆ ئاڵو گۆڕی بیروڕای جیاوازی بەشداربووان. 3 ...
تم الإرسال في 13/12/2022، 7:17 ص بواسطة Hidayat Jamal Qadir -
توێژه‌رێكی زانكۆی چه‌رموو توێژینه‌وه‌یه‌كی ده‌رباره‌ی نەخۆشی کۆلێرا بڵاوکردەوە پ. ی. د. کارزان ڕەفیق سديق لە کۆلێژی زانستەپزیشکی و کردارییەکانی زانکۆی چه‌رموو، توێژینەوەیەکی ڕیڤیوی بە ناونیشانی: A flashback to Cholera outbreaks in Kurdistan Region -Iraq لە گۆڤاری پاسار کە تۆمارە لە (DOAJ) بڵاوکردەوە.جێگه‌ی ئاماژه‌پێدانه ئه‌م توێژینه‌وه‌یه یەکەم توێژینەوەی ڕیڤیوە ده‌رباره‌ی نەخۆشی کۆلێرا لە هەرێمی کوردستان، ئەم توێژینەوەیە پشتیوانییەکە بۆ پلانی وەزارەتی خوێندنی باڵاو توێژینەوەی زانستی کە دەبێت توێژینەوەکانی زانکۆکان ڕۆڵیان هەبێت لە چارەسەرکردنی کێشەکانی هەرێمی کوردستان.به‌سته‌ری توێژینه‌وه‌كه:https://passer.garmian.edu.krd/article_162171.html?fbclid=IwAR0omK6Bzo8OglpkXOsdQE_JwHcbxDioahUzPuyL6221MNV6cC5EQm-q9fA
تم الإرسال في 04/12/2022، 9:56 ص بواسطة Hidayat Jamal Qadir
