كورتەیەک لە مێژووی بەش: ئامانجی بەش:
ئامانجی بەشی کارگێڕی كار لە زانکۆی چەرموو بریتییە لە پەرەپێدان و هێشتنەوەی ژینگەیەکی گونجاو و نوێی فێرکردن کە ببێتە هۆی بەدیهێنان و گەشەکردنی باشترین شێوازەکانی فێرکردن لە بواری بەڕێوەبردندی کاردا، وە هەروەها پێگەیاندنی کەسانی شارەزا لەبواری بەڕێوەبردندا لە ڕێگەی بەرنامەی تازە و فێرکردنی پراکتیکی و لێکۆڵینەوە و هاوکاریکردن لەگەڵ کۆمپانیاکانی کار لە کۆمەڵگەکەی خۆماندا. وانەکانیشمان نیشاندەری سروشتی سەختی نێودەوڵەتی و گەشتیاری هەرێمەکەمانن کە لە کۆتاییدا دەبنە هۆی دابینکردنی هەلی گونجاو بۆ خوێندکارەکانمان و بەشەکەمان تا لە ڕێیەوە بتوانن لێهاتوویی و زانیارییەکانیان تێکەڵی بازاری کار بکەن لە هەرێمی کوردستان.تێڕوانینی درێژخایەنی بەش:
بەشی کارگێری كار لە کۆلێژی کار لە زانکۆی چەرموو دەیەوێت ببێت بە کۆڵەکەیەک لە کۆڵەکەکانی بازاڕی کار لە هەرێمی کوردستان. وە بۆ ئەوەی بتوانین باشترین خزمەت پێشکەشی یەکێک لە گرنگترین ناوچەکانی ڕۆژهەڵاتی ناوەڕاست بە گشتی و عێراق بە تایبەتی بکەین کە ئەویش هەرێمی کوردستانە، پێویستە پلەی بەرز بەدەستبهێنین لە ڕیزبەندی زانکۆکان. نەک هەر ئەمە بەڵکو بەشەکەمان دەیەوێت لە داهاتوودا خوێندنی باڵاش بکاتەوە و ناوبانگی بەرز لە ناوەوە و دەرەوەی کوردستانیش بەدەستبهێنێت لە بواری لێکۆڵینەوەی زانستیدا. بەدیهێنانی ئەم ئامانجانە پێویستی بە تێگەشتن و خۆگونجاندنی بەشەکەمان هەیە لەگەڵ هێزە تەکنۆلۆجی و نێودەوڵەتیەکان، وە هەروەها لەگەڵ کێشەکانی وەک پیسبوونی ژینگەو و کەمی سەرچاوە مرۆییەکان و سەرچاوەکانی تریش کە ئێستا بوون بە تایبەتمەندییە هەرە گرنگەکانی سەدەی بیست و یەک.