Aurkezpena

 
 
Atal honetan bilduta daude Heziberri 2020 hezkuntza ereduaren arabera sortutako zenbait unitate didaktiko, deskargatzeko formatuan (pdf) eta formatu digitalean. Webgunea osatuz joango da etapa eta arlo guztietako materialekin. 


Metodologia aktiboa dute oinarrian eta gidaren arabera daude garatuak (unitate didaktikoak egiteko eta balioesteko gida). Hartara, ikasleek testuinguru batean txertatutako arazo batetik abiatuta, erronka horri aurre egin eta prozesu bati jarraituz, proposatutako ataza burutuko dute. 


Unitate didaktikoaren egiturak bi atal ditu: bata, irakaslearentzat (planteamendu didaktikoa zehazten da bertan: arazo-egoeraren deskripzioa, unitatearen xedea, helburu didaktikoak, edukiak eta ebaluazio-irizpideak); bestea, berriz, ikasleentzako materiala da, gelarako jardueren segida. 
Haur Hezkuntzako kasuan, unitate didaktiko osoa irakasleentzako gida da. 

Unitate hauetako batzuk berriak dira, beste batzuk, berriz, Berritzegune Nagusiak eta irakasle taldeek duela urte batzuk egindako sekuentzia didaktikoen moldaketak; aurrekoetan ere konpetentzien araberako planteamendua garatzen baitzen. Material hauek irakasleek euren errealitatera eta ikastaldeetara egokitu beharko dituzte. 
Adibide gisa planteatzen dira. 

Unitate didaktiko guztiak sarean topa daitezkeen baliabideekin (irudiak, audioak, bideoak, testuak...) eginak daude. Edozein irakaslek egin ditzakeen materialak dira. 
 
     
 

Unitate didaktikoen adibideak