shaam-e-Firaaq ab na poochh

 
shaam-e-firaaq ab na pooch, aai aur aa ke tal gai
dil tha ke phir bahal gaya, jaaN thi ke phir sambhal gai

bazm-e-Khayaal mein ter'e husn ki shama jal gai
dard ka chaaNd bujh gaya, hijr ki raat Dhall gai

jab tujh'e yaad kar liya, subho mahak mahak uThi
jab tera Gham jaga liya, raat machal machal gai

dil se to har muamla kar ke chal'e thEy saaf humm
kahn'e mein unk'e saamn'e, baat badal badal gai

aaKhir-e-shab ke humsafar Faiz* na jaan'e kya huEy
rah gai kis jagah sabaa, subho kidhar nikal gai

(Faiz Ahmed Faiz*)
 
 
 
Comments