Zuzendarien bileran hauek izan ditugu gai nagusiak: Berritzegunearen eskaintza berrikustea, Hezkuntza sailak bultzatuko dituen lan-esparruak eta aurreikusitako ekimen nagusiak, aurreikuspen horiei buruzko hausnarketa eta elkartrukea, zuzendarien mintegiaren ikasturte honetarako egutegia.

BERRITZEGUNEAREN ESKAINTZA BERRIKUSTEA

Joan den ikasturtean aurreratu genituen lan-ildoak berraztertu ditugu. Horien artean bereziki azpimarratu ditugu ikasturte honetarako ditugun erronka nagusiak. Hobekuntza planari buruz Berritzegunean landu dugun eskema aurkeztu genuen. Eskema honetan fase ezberdinak aurkezten dira eta fase bakoitzeko helburu nagusiak. Hobekuntza Planaren ardura ikastetxearena da eta BGak laguntza eskainiko die hala eskatzen duten ikastetxeei. 

Joan den ikasturtean Atlantida proiektua aurkeztu eta aztertu genuen. Ikastetxeetan konpetentzien ikuspuntutik ICP eta IHPak berraztertzeko aukera interesgarritzat jo genuen. Horrenbestez, proiektu honen inguruan hainbat ekimen diseinatu genuen BGko erreferenteen inplikaziorekin. BGarentzat apustu garrantzitsua zen ikasturte honetarako. Ikasturte honen hasieran Hezkuntza Saileko arduradunekin hainbat kontsulta egin ondoren, ekimen honen inguruan programatua genituen ekintzak bertan behera uztea erabaki dugu. Esan digutenez Hezkuntza Sailak lan hori egiteko berariazko prozesua jarri du martxan eta hilabete batzuk barru zabalduko dute. Prozesu paraleloak ez irekitzeagatik erabaki dugu Atlantida Proiektuaren inguruan aurreikusita genituen ekintzak bertan behera uztea.

Ikaskuntza kooperatiboa dugu beste lan-ildo nagusia ikasturte honetarako. Kasu honetan ez dago aldaketarik aurreikuspenetan aurreratu genuenetik. Jose Ramón Lago izango dugu gai honetan laguntzaile. Ekintza honetan parte hartzeko interesa dutenek Berrikuntza Proiektu bat aurkeztu behar dute. Interesatuei proiektua eskatzeko eredu bat eskainiko die bere erreferenteek. Mintegia ere izango hilero. Hainbat saioetan (3 saioetan) Jose Ramon Lagok izango dugu mintegian bererekin zuzenean prozesua jarraitzeko.

Aurten ere beste ekimen bati eman diogu hasiera: irakurketa ulerkorra. Bi hitzaldi egin ditugu dagoeneko gai honi buruz. Ikasturte honetan mintegi bat eskaini dugu.

HEZKUNTZA SAILEKO LAN ESPARRU BERRIAK

Joan den udaberrian Hezkuntza Saileko ekipo berria hasi zen. Kurtso hasiera honetan bere lan esparruak definitzen eta zabaltzen hasi da. Orain arte zabaldutakoak laburki komentatu ditugu bileran: Hirueletasuna, Informazioa eta komunikaziorako teknoogien bultzapena, Hezkuntza Zientifikoa, Bakea eta Elkarbizitzarako Plana, ... besteak beste.

Aurkezpen hori egin ondoren informazio zehatzagoa eman dugu Sailetik bultzatu nahi diren ekimenei buruz. Hauek izan diren komentatu ditugunak: Eskola 2.0, Englishtegiak, Pake eta Elkarbizitzarako Plana. Eskola 2.0 programak 5.mailako geletan ekipamendu berria izango da: ordenagailuak, arbela digitala, proiektagailua,... IKT teknologiak gelan erabilpen didaktikoa bultzatzea du helburua. Horretarako prestakuntza plan bat pentsatua dago eta ikasturtearen zehar, astero bi orduz, ikastetxeko hainbat irakasle BGan izango dute prestakuntza saioak. Sailburuordeak gutun bat bidaliko du ikastetxeetara honen berri emanez.

Englishtegiak ingeleraz izango diren barnetegiak dira. Astebete bat, 6. mailako ikasleentzat eta ingelera irakasleentzat. Ikastetxe publikoei zuzenduak.

Bakea eta Elkarbizitzarako Plana. Materialak berrikusten ari dira unen honetan. Unitate Didaktikoak prestatu dira eta orain ari dira berrikusten. Bukatzen dutenean, zabalduko dituzte eta Planaren ezaugarriak jakinaraziko dituzte. Seguru asko Urrian izango dugu honen berri.

ESKAINTZARI BURUZKO HAUSNARKETA

Taldeka bildu eta komentatu ditugu aurretik aurkeztutako ekintzak eta Eskolan izan dezaketen eragina. Ondoren denon artean elkarrekin konpartitu dugu taldean komentatutakoa.

Aipamen gehienak izan dira Eskola 2.0 ingurukoak. Gelan maila ezberdinak direnean nola jokatu, Zein irakasle joan beharko dira prestakuntza saioetara, nola antolatu saio horiek eta zein ordutegietan, nola berrantolatu ordutegiak irakasleak prestakuntza saiora joan ahal izateko,...

BAILARAKO ZUZENDARIEN MINTEGIAREN EGUTEGIA

Saioaren bukaeran, 2009-2010 ikasturterako saioen egutegia aurkeztu dugu. Ordutegia mantenduko dugu 9:00-11:00.