5garrenAntzezleak Prestatzeko Nazioarteko Laborategia:
" MUGIMENDUAK,
DINAMIKAK eta
MASKAREN JOLASA"
Laudion, 27/08/2012tik - 05/10/2012ra
Aktore Profesionalei eta engaiatutako aktore amateurri zuzendua (Desplazatu Behar duten ikasleek diru-laguntzak jasotzeko aukera izango dute)
Informazio Gehiagorako:
yindeyan(a)gmail.com
1
- Aurkezpena :
“Gorputza
hezi egin behar da hitzari bide emateko”
Isiltasunean habia
egiten jakin behar da hitzari bide emateko. Gorputza komunikabide
oinarrizkoena da, eta hitza jaso eta merezi duen lekua emateko prest
egon behar du. Emozioak sortzeko gorputza erabiltzen badugu, hitzak
berez hartuko du dagokion lekua.
“Aktoreak
erabiltzen duen teknika edozein delarik ere, helburua berbera da
beti: beste baten gorputzean habia egitea. “Pertsonaia”
bilakatzeko, norbere burua abandonatzeko gai izan behar dugu.
Maskarak
pertsonaia nor den eta gu nor garen argi izateko balio digu. Maskarek
pertsonaia inposatzen digute: mugitzeko modua, erritmoa, izaera,
etab. Aktorearen berezko edozein keinu, maskarari ez dagokiona,
agerian geratzen da. Maskarak bizia har dezan, norbere gorputzaren
jabe izan, norbere berezitasunak alboratu eta maskararenak geure
egiteko gai izan behar dugu. Maskarak mugitu behar gaitu gu, eta ez
guk maskara.
“Sormen
prozesuan, aktoreak proposamenak egiteko gai izan behar du”
Aktore-sortzailea
inspirazio iturriak ezagutzeko eta inspirazio iturri hauek
antzerki-hizkuntza bihurtzeko gai da. Mugimenduaren analisiaren
bitartez, inguruan ditugun, eta pertsonaiak eta egoerak sortzeko
prozesuaren oinarrian dauden elementuen dinamikak imitatu / zainduko
ditugu. Inprobisazioari esker, hastapeneko bulkadaren askapena
landuko dugu. Talde lanak, aurretik ikasitakoan oinarritutako
antzerki-egoerak sortzeko aukera emango digu.
"Aktorea mendi bat izan daiteke
metroan”
Dekoratu errealistak, eraldatzeko aukerarik ematen
ez duten forma finkoak dira. Antzerki pobrearen eta espazio hutsen
printzipioek gidatuko dute gure lana. Dekoratuen erabilpena albo
batera utziko dugu, gorputza adierazpen bide nagusia izan dadin.
Aktoreak, bere gorputzaren erabilpen soilarekin, ikuslea hainbat
espazio eta denboretan zehar eramateko gai izan behar du.
"Mugimendua= Abiadura + Espazioa"
Zein da emozioen norabidea? Zeintzuk dira
mugimenduaren mailak? Zein gorputz atali dagokio emozio bakoitza?
Zein da espazioak antzerki-ekintzan daukan eragina? Espazioaren
analisiaren bitartez, galdera hauen guztien erantzunak bilatuko
ditugu.
2
– Mugimenduak, Dinamikak eta Maskaren Jolasa :
Antzerkia ekintza da, aditza, mugimendua. Mugimendua
eta dinamikak aztertuko ditugu, eta antzerki-hizkuntzan nola aplikatu
behar diren ikasiko dugu.
Ikastaroa hainbat fasetan banatzen da. Eguneroko
bizitzaren formen, zein ikasleak berak sortutako egituren dinamikak
aztertzen hasiko gara, eta maskaren hizkuntzaren bitartez,
ikasitakoaren aplikazio eszenikoa egiten amaituko dugu.
Sei asteko lan-saioak izango dira, astean bost
egunez eta egunean bost orduz (150 ordu). Gorputza aktibatzeko, saioei
jarduera fisikoekin hasiera emango diegu. Ondoren, mimoaren inguruko
teknika eta mugimenduen analisia egingo dugu. Azkenik, maskaren
azterketari eskainitako tartea etorriko da. Egingo den lan guztiak bi
ardatz izango ditu: inprobisazioa eta mugimenduaren analisia.
- Inprobisazioa sormen-prozesu guztien oinarrian dago. Hastapeneko
bulkadaren, neurtu gabeko erantzunaren askapena landuko dugu, eta
ondoren, ekimen hau taldean aztertuko dugu,
ikaslearen gaitasun analitikoa lantzeko. Inprobisazioak
sormen-prozesuan dituen aplikazioak zeintzuk diren ezagutuko dugu.
-
Mugimenduen analisiak hainbat arlotan lagunduko dio aktoreari: bere
gorputzaren kontzientzia hartuko du, adierazteko
gaitasuna garatuko du, eta pertsonaien sorrerarako ezinbestekoak
diren gorputz-bulkadak ezagutzen lagunduko dio. Mimesi lan baten
bitartez, gure inguruko dinamikak antzeztuko ditugu, aktorearen
behatzeko gaitasuna pizteko eta dinamika hauek gorputzaren bitartez
bere egiteko gaitasuna lantzeko xedez.
Aldi berean, egituren, formen
eta bolumenen analisia bidaide izango dugu, sinpleenetatik hasi eta
konplexuenetaraino. maskaren lanerako eta euren bolumenaren zein
pertsonaiaren izaeran daukaten eraginaren ezagutzarako sarrera gisa,
egiturak baliatuko ditugu. Egiturekin egiten dugun lanean
mugimenduaren zehaztasuna bilatuko dugu. Ondoren, maskarekin egiten
diren egoera-jolasetara jauzi egingo dugu, eta aktoreak lan
jolasgarriagoa egiteko aukera izango du.
- Lan honekin batera, Espazioaren analisia egingo dugu. Espazioaren
ezagutza, aurretik aipatu den guztia
ulertzeko ezinbesteka gakoa da. Espazioan, irrikek, emozioek eta
pertsonaiek dituzten norabideak zeintzuk diren ezagutuko dugu.
Ikasleek sormen-prozesuari aurre egin beharko diote ikastaro osoan
zehar. Egoera honek, bidean aurkitzen dituzten arazoen konponbideak
bilatzeko atakan jarriko ditu. Irtenbide indibidualak izango dira
batzutan, eta ikaskideen laguntza bilatuta bestetan. Prozesu honek,
aktore-sortzailea gaitasun kritiko bat garatzera eramango du,
taldearen zerbitzura jarriko duena. Aktoreak proposamenak egiten,
bere ideiak defendatzen eta gainontzekoen proposamenak aintzat
hartzen ikasiko du. Ideien elkartruke hau sormen prozesuan
behar-beharrezkoa da; bidenabar, lana aztertzen lagunduko digu, eta
izpiritu kritikoa sustatzeko balio du. Ikastaroan atzerriko ikasleek
parte hartuko dute, eta horrela, artisten arteko elkartrukea aberastu
egingo da.
Ikastaroan zehar, lan sortzaile eta poetikoagoa egiten ahalbidetuko
diguten maskaren forma abstraktuenetatik, joko eszenikoaren arauak
zehaztera derrigortuko gaituzten forma zehatzagoetarainoko ibilbidea
egingo dugu. Bidean a
urkituko ditugu: maskara-objektuak, larba-aldiko
maskarak eta maskara osatuak, eta ikasleek sortutako maskara-erdiak.
Azkeneko hauek, hitza eszenara eramango duten bitartekoak izango
dira.
3
– Ikastaroaren helburua :
Aktore-sortzailea
inspirazio-iturriak gorputzeko motorretan, eta ez psikologian,
bilatzeko gai izan dadin trebatu nahi dugu. Mugimenduaren dinamikak
ezagutuko dituen, eta dinamika hauek, bere gorputzaren eta
espazioaren erabilpenaren bidez, antzerki-hizkuntzara eramateko gai
izango den aktore-sortzailea. Margolariari kolore-paleta emango diogu
eta pintzela nola erabili irakatsiko diogu. Margotu nahi duen koadro
mota ikaslearen erabakia izango da. Euren lanean, pertsonaiak zein
eszenak sortzeko, buruaskiak diren aktoreak hezi nahi ditugu eta
antzerki-hizkuntza berriak bilatzeko interesa daukatenak.
Ikastaroaren nazioarteko izaerak Mugimenduaren
legeak unibertsalak direla konturatzeko balioko digu. Tokiko
adierazpenak eta adierazpen unibertsalak ezagutzen/desberdintzen
ikasiko dugu. Emozio unibertsal bat ezagutzera iristen garenean,
hondo poetiko komuna ukitzera iritsiko gara. Arlo hau da sakondu nahi
duguna.
Probokaziotik eta bitartekoen gabeziatik
lan egiten dugu, ikuslearentzat interesgarria izango den artifiziorik
gabeko antzerkia sortzeko. Aktoreak, publikoaren aurrean “biluzik”
agertu, eta interesa pizteko gai izan behar du, bere gorputza eta
Mugimenduaren dinamiken gaineko ezagutza soilik erabilita, bere
gorputza adierazteko bitarteko soiltzat hartuta.
4
– Lan-talde pedagogikoa :
Ikastaroaren antolatzailea Pablo Ibarluzea da,
Laudion jaioa eta Pariseko École
Internationale de Théâtre Jacques Lecoq
eta Bartzelonako Estudis Escénics El
Timbal-en diplomatua.
Espainia, Frantzia, Irlanda, Belgika, Holanda,
Alemania, Suitza, Italia, Suedia, AEB, Kanada, Brasil eta Txekiar Errepublikan aritu
da aktore-lanetan. Hainbat testu sortu ditu eta esperientzia zabala
dauka sormen-kolektiboko lanetan. Bere ibilbide profesionala
inprobisazioaren, sormen-kolektiboaren eta gorputzarekin lotutako
lanaren eskutik garatu da.
Pedagogiaren
esparruan, interpretazio, gorputz-adierazpen eta mimoarekin lotutako
ikastaroak eman ditu bi urte baino gehiagoz Generalitat
de Catalunya-ren hainbat zentro
elkartutan. Zentro hauetan eszena-zuzendari lanak ere burutu ditu.
