Fréttir - Stóra Sandvík

Salan fer vel af stað

posted 21 Apr 2012 12:46 by Fjóla Hannesdóttir [ updated 21 Apr 2012 12:51 ]

Salan á rófufræjunum fer vel af stað í ár. Það er ekki langt síðan að fræjin komu úr þreskju og aðeins er tæplega helmingur eftir af stærri flokknum. Það er þó ennþá nóg til af smærri flokknum. Salan er rúmlega

20% meiri nú en hún var á sama tíma í fyrra. Salan er þó mjög rokkandi milli ára og fram að sumrinu. Líklegt er þó að verðlækkunin hafi áhrif en verðið á fræunum var lækkað um 15% í ár. Aukin hagkvæmni varð í ræktuninni á síðasta ári með tilkomu nýs vökvunarkerfis og það skilar sér í lægra verði til viðskiptavina.

Nýja vökvunarkerfið eru svokallaðar "seytl-slöngur" en það var besta lausn á nýju vökvunarkerfi eftir að nemendur frá háskólanum á Akureyri unnu gæðaumbótarverkefni fyrir Skálp sf. fyrir ári síðan.

Um 15% lækkun á verði á nýju uppskerunni.

posted 7 Apr 2012 07:01 by Fjóla Hannesdóttir [ updated 7 Apr 2012 07:43 ]

Ný uppskera af frjæjum, frá sumarinu 2011 er komið í sölu. Fræið kom úr þreskjun í vikunni og var uppskeran alls 24kg. Spírunin á fræjunum gæti varla verið betri eða það spíraði í 98% tilfella samkvæmt spírunarprófi sem gert var á fræjunum. Uppskeran var flokkuð í stærri og smærri flokk eins og gert var í fyrra við góðar undirtektir. Uppskeran skiptist nánast jafnt á milli flokkana. Við höfum nú lækkað verð á fræjunum í kringum 15 %. Stærri flokkurinn lækkar um 14,29% og kostar kílóið 60þúsund. Smærri flokkurinn hefur lækkað meira eða um 16,67% og er nú á 50þús. kílóið. Verð eru án virðisaukaskatts.

Hægt er að panta fræ í gegnum e-mailið fjolasigny@gmail.com eða í síma 482-1934/892-9565.

Stærri flokkurinn uppseldur

posted 16 Dec 2011 17:00 by Fjóla Hannesdóttir [ updated 16 Dec 2011 17:04 ]

Salan á rófufræunum hefur gengið vel í ár og er allt fræ sem flokkað var í stærri flokkinn er uppselt. Alls höfum við selt 12 kg af stóru fræi en ennþá er til tölvert af smærri flokknum. Uppskeran frá því í sumar lofar góðu og verð

ur hún tilbúin til sölu í mars 2012.

Tæplega 25 tonn af rófum tekið upp

posted 5 Oct 2011 15:40 by Fjóla Hannesdóttir [ updated 5 Oct 2011 15:49 ]

Nú er búið að taka upp allar rófur í Stóru-Sandvík. Uppskeran er um 50 sekkir. Hver sekkur vegur tæplega hálft tonn og er því heildar uppskeran um 25 tonn. Vel gekk að taka upp rófurnar en þær eru allar handtíndar. Búist var við frekar minni uppskeru í ár þar sem vorið var kalt og þurrt og fræið spíraði seint. Uppskeran í ár er vissulega minni en fyrir ári síðan, enda var þá met uppskera, en miða við meðaluppskeru er hún rétt undir meðallagi sem er mjög gott eftir svona sumar.

Einnig er verið að skera fræið niður þessa dagana. Uppskeran á fræinu sumarið 2010 var met uppskera í gróðurhúsum hjá okkur. Enda var reist nýtt gróðurhús um vorið og eru þau nú tvö. Útlit er fyrir að uppskeran í ár verði enn meiri, það kemur þó ekki í ljós fyrr en eftir áramót. Þar sem fræið er skorið niður og hengt upp og látið þorna í nokkra mánuði áður en farið er að vinna frekar með það.

Hægt er að sjá myndir frá upptökunni hér á facebook síðunni okkar.

Næring í gulrófum

posted 18 Sep 2011 14:33 by Fjóla Hannesdóttir

Búið er að setja inn upplýsingar um næringargildi í gulrófum. Hægt er að klikka á hér til vinstri á "Næringarefni í gulrófum" til afla sér upplýsinga um það.

Skortur af íslenskum rófum

posted 8 Sep 2011 11:30 by Fjóla Hannesdóttir

Mikil eftirspurn hefur verið eftir rófum síðustu misseri. Svo kölluð "sumar-upptaka" eru þær rófur sem eru sáðar aðeins á undan og eru tilbúnaraðeins fyrr eða í júlí/ágúst. Þessi "sumar-upptaka" er búin eða langt komin hjá flestum rófnabændum. Útlit er fyrir að íslenskir rófubændur ná ekki að anna eftirspurn hérlendis sem má rekja annarsvegar til minni uppskeru og hins vegar meiri eftirspurn.

Uppskeran er minni hjá flestum bændum þar sem sumarið 2011 hefur verið bæði kalt og þurrt. Mögulega má rekja aukna eftirspurn til markaðsherferð sem félag gulrófubænda stóð fyrir á þessu ári og er enn í gangi. Áberandi auglýsingar í sjónvarpi, dagblöðum sem og kynning í matreiðsluþáttum og skólum eru meðal þeirra markaðsaðgerða sem félagið notaði.

Fari svo að rófubændur anna ekki eftirspurn þarf að flytja inn rófur að utan. Ekki eru allir hrifnir af því þar sem þær eru ólíkar íslenskum rófum á bragðið. Seinni uppskeran fer senn að verða tilbúin hér á Íslandi og eru þá allar rófur teknar upp yfirleitt frá miðjum september fram í byrjun október. Þá á framboð af íslenskum rófum eftir að aukast á ný. Það má þó búast við að sú uppskera verði þó eitthvað minni miðað við til dæmis uppskeruna sumarið 2010 sem var sérstaklega gott.

Meðfylgjandi mynd er af einni Sandvíkur-rófu 2011

Sala á nýjum rófum komið á fullt!

posted 30 Aug 2011 06:35 by Fjóla Hannesdóttir

Í síðustu viku var byrjað að taka upp rófur til sölu. Salan hefur farið mjög vel af stað og hefur fólk talað um að rófurnar hafa aldrei verið betri.

Hægt er að panta rófur með því að senda e-mail á fjolasigny@gmail.com eða hringja í síma 846-7032/482-1934. Á meðan það er verið að tína upp fyrir hverja pöntun er kíló verðið 300kr/kg. Rófurnar verða síðan teknar allar upp um mánaðarmótin sept/okt. Einnig er hægt að kaupa rófurnar okkar í Samkaup á Selfossi.

Loksins er maðkasalan 2011 hafin!

posted 5 Jul 2011 03:16 by Fjóla Hannesdóttir

Mikil eftirspurn hefur verið eftir möðkum síðustu vikurnar. Í nótt voru fyrstu maðkarnir tíndir sem eru áætlaði til sölu. Maðkarnir eru stórir eða laxamaðkar. Maðkurinn er á 60kr/stk. Vegna mikillar eftirspurnar er öruggara að senda e-mail á fjolasigny@gmail.com eða hringja í 846-7032 til að athuga hvort til séu maðkar.

Sala á rabarbara hafin

posted 10 Jun 2011 06:26 by Fjóla Hannesdóttir

Sala á rabarbara er hafin sumarið 2011. Hægt er að hringja í síma 846-7032 eða senda e-mail fjolasigny@gmail.com. Kílóverðið er eins og áður 500kr án vsk. Meðfylgjandi mynd var tekin í vikunni, myndina tók Jóhanna Sigríður.

Upplýsingar um hvernig eigi að rækta rófur.

posted 19 Apr 2011 06:27 by Fjóla Hannesdóttir

Mikið hefur verið spurt um hvernig eigi að rækta rófur. Því hefur verið sett inn helstu upplýsingar um hvernig rækta eigi rófur. Þessar upplýsingar má nálgast með því að klikka hér til vinstri á "hvernig ræktar maður rófur?" Ef það eru einhverjar fleiri spurningar þá er hægt að senda fyrirspurn á fjolasigny@gmail.com.