تریفه
ووتار و لێكۆلینهوه |
ده خهونی تریفه دۆسكی
یهکهم بههموو خهونێت من تا نهو دیتیین بههموو جادێن تا نهو تێدا دهرباس بوویم بههموو زهمهنێ دهرباس دبیت ل سهر ژیێ مندا چ نهما بێژم. تنێ تشتهک نهبیت ئهرێ تو حهز من دکهى کورو ؟ خهونهکا ههمو شهڤان دبیینم تو دبێژى : حهژ ته دکهم ؟ دهستێ خو ب سیمایێ تهدا دینم و دبهم دبیه هولم ژنوى دزانم خهونه
دووههم: تو راست دکهى یان حهنهکان بخهونێت من دکهى؟ روژانه سهفهرهکا تژى گول بو ناخێ من دبهى گولهکێ دکهیه بهر پرچا من را گولهکێ دکهیه ناڤ ههناسێت مندا قهفتهکا گولێن سوسنى بو کراسى دهاڤێژى وکوشا خو بۆ بایێ ڤهدکهم و باوهشێ خو بۆ خهریبهکا تێهنى باروڤهک دێت ، دههمهنێن کراسێ من بلند بوون، گول کهتن و وهریان و ئهز دپهرێزا گهنمهکێ دووریێ دا مام بێ ههمى
سێیهم: چ جارا هندا بلند نهبویمه تا ههتاڤێ پهلاتینکهکم بهرهف رۆژى چووم دفرم دناڤا مهملهکهتا خو بلند دبووم دنیا بچویک بچویک دبوو ئهز مهزن ببووم گههشتمه ههوران جهنگێن من سوتن ههوارک ژناخێ دهرکهت ئهسمان گریا زڤریم ئهردى تژى بێهنا کادیێ ژمن دفرى
چوارهم: ههر شهڤ هزرا ته دکهم کا چ دکهى دوورییا ته کوژهکه چ ل خهریبیا خۆ بکهم؟ بکهم گولهک و د ئنجانا پهنجهرا خودا ب چینم ئێدى نهشێم ههلگرم توژى دخهونهکا ئهفیونکرى دا نڤستى
پێنچهم: تو ترسى تهناهیێ دناڤ دلێ مندا نهبینى لهو وهک پهلاتینکهکا حهمهر ژگولێن من درهڤى ههست دکهم من دڤێت ههر بێژم حهز ته دکهم لدهف تهمه جیهان یامن و تهیه قهدهک بوته و قهدهک بومن دکهینه دوو پارچه پارچهکى بکه د ساکویێ خودا و پارچهکى دکهمه بازنک ئهزو تو ل لدور جینگانێ بکهین
شهشهم: تو چووى غهوارهبووى و ئهز دناڤ خودا تژى غهریباتى بووم ئێڤارییان لسهر کورسیهکا باخچهکا گشتى وهک پهیکهرهک دمام رێبوار دهاتن دچوون و ئهز وهک ههلامهتهکا تژى رهنگ تژى پرسیار د تهنهاییا خودا ب پسیاران دهێمه نخافتن مینا گولهکا ساڤا بتایێن مێوهکا پیر بهێته بهرزهکرن
ههفتهم: چهوا تو گومانێ دڤینا مندا دکهى؟ ژنهکا شویشهییمه ههتا لێدانا دلێ من ههناسا من ههستێت من وهک قورزیهک سور ب ئاگرێ دیاره هندا گهرمم هندى ههناسا ته نزا هێشتا چهند بگومانى ؟
ههشتهم: حهنهکان بهس بههستێت من بکه ، تو یارییا دکهى، یان راست دکهى؟ ب بێدهنگى چووى وهک بهلگهک ، بایهک بحنێر لێدهتن نزانى لسهر چ جادا کهتى لبن چ دارا لبن پێ چ رێبواران دقرمجى ودهێه پێ لێدان ته ئهز بێ رهنگ هێلام ژمن ڤهبه بهلکو ئهڤه خهونه ئهز دبینم سوبا دهێى
نۆههم: جان ته چ بسهرێ من کر؟ دووریا ته ڤى باژارى تژى ههناسێن ماندى تژى تۆز تژى ژنێن سوزانى تژى لاپهرێن بهرزه تژى زیندانێن تهنهایى دکهته دهستمالهکا سپى و من پێ دخهندقینت
دهیهم: مینا بالندهکى َبچووک، حهزدکهم بفرم ، تا ههموو دنیایێ لبن چهنگێن خو بگرم بوته گولهکێ ژ باکورى دنیایێ بینم و بکهمه گولاڤ بدێمکێ خویێ بچووک بوته زلکێت خانیکهکێ پیشى ڤێدهم، خهونێت خو تێدا مهزن بکهى لبهر بایێ کهتم من تو نهدیتى ژ چوکان کهتم دێ دادهم ماندیبووم بهلکو تو ل ئهردى بى
4- 10 2007 henar74@yahoo.com | تریفه كێیه
درهونه وهكو پیاوهكانی شارهكهم مهبه
|